Матвей 1:1 - Коми Библия 2023

¹ Исус Кристослӧн ордпуыс петӧ Ӧвраамсянь, сэсся Давидсянь. Сылӧн чужанвужйыс татшӧм.

Матвей 1:1 Kruisverwysings

Олӧм 12:3

Тэнӧ бурсиысьӧс Ме бурсиа, тэнӧ ёрысьӧс Ме ёра. Тэ пыр вуджас бурсиӧмыс быд войтырлы».

Олӧм 2:4

Тадзи вӧлі вӧчӧма енэжсӧ да мусӧ. Кор Господь Ен вӧчис енэжсӧ да мусӧ,

Олӧм 22:18

Сыысь, мый тэ кывзысин Менсьым, тэсянь чужысьяс пыр вуджас бурсиӧмыс быд войтырлы».

Олӧм 5:1

Адамсянь чужысьяс йылысь. Ен вӧчис мортӧс Ас кодьнас.

Псалтыр 89:3

Керӧсъяс артмытӧдз, мусӧ да ентыкӧласӧ вӧчтӧдз Тэ вӧлін нин, Тэ эм Ен.

Исай 11:1

Ессей вужсянь чужас выль петас, сылӧн вужсянь быдмас вотӧса вож.

Исай 53:8

Сійӧс кутісны, мыждісны, нуӧдісны, нетшыштісны ловъяяслӧн му вылысь, но некод эз шогсьы, мый лоӧ Сыкӧд. Менам войтырлӧн мыжъяс вӧсна Сійӧс нӧйтісны кувтӧдзыс.

Еремей 23:5

– Воасны лунъяс, – висьталӧ Господь, – кор Давид рӧдысь Ме бӧръя да сувтӧда веськыда Олысьӧс. Сійӧ лоӧ ӧксыӧн, пондас юравны мывкыда, мыждыны веськыда, Сійӧ ваяс веськыдлунсӧ тайӧ муас.

Еремей 33:26

сідзи жӧ Ме ог ӧтдорт Яковсянь чужысьясӧс да Менам Давид кесйӧгсянь чужысьясӧс. Давид рӧдысь Ме кута бӧрйыны юралысьясӧс, медым веськӧдлыны Ӧвраамсянь, Исааксянь да Яковсянь чужысьясӧн. Ме бергӧда Ассьым войтырӧс пленысь да бурсьӧлӧмтча на дінӧ».

Амос 9:11

Сійӧ лунӧ Ме выльысь сувтӧда Давидлысь киссьӧм керкасӧ. Стен потасъяссӧ Ме дзоньтала, жугласьӧминъяссӧ лӧсьӧда, выльпӧв лэпта сійӧс важ мозыс.

Закар 12:8

Сійӧ лунӧ Господь доръяс Ерусалимын олысьясӧс, и жебъяс лоӧны Давид кодь вынаӧсь. Ерусалимын олысьяслы Давидлӧн рӧдыс лоӧ Ен кодьӧн, Господьлӧн андел кодьӧн.

Матвей 1:18

Исус Кристос чужис тадзи. Исуслӧн Мария мамыс вӧлі кикутӧма Ӧсипкӧд. Налӧн ӧтлаасьтӧдз на Мария, вӧлӧмкӧ, сьӧктӧма Вежа Ловсянь.

Матвей 1:2

Ӧвраамлӧн чужӧма Исаак, Исааклӧн – Яков, Яковлӧн чужӧмаӧсь Иуда да сылӧн вокъясыс.

Матвей 15:22

Сы дінӧ локтіс сэні олысь ханаанса ань да пондіс горзыны: «Господьӧй, Давид Пи! Ло бур сьӧлӧма ме дінӧ! Пеж лов пырӧма менам ныв пытшкӧ да чорыда песлӧдлӧ сійӧс».

Матвей 3:16

Пыртчӧм бӧрас Исус петіс ваысь. Сэки енэжыс воссис, и Исус аддзис, кыдзи Енлӧн Лолыс гулю моз лэччис Сы вылӧ.

Матвей 9:27

Сэтысь мунігӧн Исус бӧрся вӧтчисны кык синтӧм морт. Найӧ пондісны горзыны: «Ло бур сьӧлӧма миян дінӧ, Давид Пи!»

Лука 1:33

Сійӧ кутас ыджыдавны Яков котырын нэмъяс чӧж, да Сылӧн Юралӧмлы оз ло помыс».

Иоан 7:42

Оз ӧмӧй висьтав Гижӧдыс, мый Кристос петас Давид вужйысь, Виплием карысь, кытысь вӧлі Давид?»

Ап. уджъяс 2:30

Давид вӧлі пророкӧн. Енмыс кыв сетӧмӧн кӧсйысис Давидлы, мый пуксьӧдас сылӧн юралан пуклӧсӧ сысянь чужысьӧс – Кристосӧс. Давид тӧдіс тайӧс,

Римӧ 1:3

Бур Юӧрас висьтавсьӧ Сылӧн Пи йылысь, коді чужис мортӧн да вӧлі Давид чужанвужйысь.

Римӧ 4:13

Ен кӧсйысис сетны Ӧвраамлы да сысянь чужысьяслы муюгыдсӧ. Кӧсйысис сылы эз Индӧд серти олӧм вӧснаыс, но эскӧм вӧснаыс сійӧ лои веськыдӧн да.

Римӧ 9:5

и налӧн эмӧсь батьяс. Тайӧ войтырысь петіс Кристос, Сійӧ чужис морт кодьӧн. Сійӧ став вылас медыджыд Ен. Ошкӧм Сылы нэмъяс чӧж! Аминь.

Галатӧ 3:16

Кӧсйысьӧмсӧ вӧлі сетӧма Ӧвраамлы да сысянь чужысьлы. Абу шуӧма ”чужысьяслы”, шуӧма ”тэсянь чужысьлы”. Тайӧс шуӧма Кристос йылысь.

1 Тимофейлы 2:5

Енмыс ӧти. Ен да морт костын сулалысьыс тшӧтш ӧти – Морт, Исус Кристос.

2 Тимофейлы 2:8

Кут тӧд вылад Исус Кристосӧс, Давид вужйысь Чужысьӧс да кулӧмысь Ловзьысьӧс. Тадзи висьталӧ меӧн юӧртӧм Бур Юӧрыс.

Восьтӧм 22:16

«Ме, Исус, мӧдӧді Ассьым анделӧс висьтавны тайӧс тіянлы вичкоясын. Ме петі Давид чужанвужйысь да чужанкотырысь, Ме эм асъя югыд кодзулыс».