Марк 9:9 - Коми Библия 2023

⁹ Керӧсысь лэччиганыс Исус ӧлӧдіс велӧдчысьяссӧ, мед эз висьтавны аддзывлӧм йывсьыс, кытчӧдз Морт Пи оз ловзьы кулӧмысь.

Марк 9:9 Kruisverwysings

Матвей 12:19

Сійӧ оз вензьы, оз горзы, ывлаын Сійӧс он кыв.

Матвей 12:40

Куим лун да куим вой Иона вӧлі ыджыд чери рушкуын. Тадзи куим лун да куим вой Морт Пи лоӧ му пыдӧсын.

Матвей 16:21

Тайӧ кадсянь Исус кутіс висьтавлыны велӧдчысьясыслы, мый Сылы ковмас мунны Ерусалимӧ да уна сьӧкыд сэні нуны юрнуӧдысьяссянь, аркирейяссянь да Индӧдӧ велӧдысьяссянь. Сійӧс виасны, но коймӧд луннас Сійӧ ловзяс.

Матвей 27:63

да шуисны: «Ыджыдӧй, миянлы тӧд выланым уси, мый эсійӧ пӧръясьысьыс ловъя дырйиыс на шуліс, куим лун мысти пӧ ловзя.

Матвей 8:4

Исус шуис сылы: «Та йылысь некодлы эн висьтав. Мун, петкӧдлы асьтӧ поплы, сэсся Мӧисей тшӧктӧм серти вай вись. Тадзи тӧдмаласны тэнад бурдӧм йылысь».

Марк 5:43

Исус чорыда ӧлӧдіс найӧс та йылысь мукӧдлы висьтавлӧмысь, а нывкаӧс Сійӧ тшӧктіс вердны.

Марк 7:36

Исус ӧлӧдіс йӧзсӧ та йылысь мукӧдлы висьталӧмысь. Но кымын ёна ӧлӧдіс, сымын ёнджыка найӧ висьтавлісны.

Марк 9:10

Найӧ тӧд выланыс босьтісны тайӧ кывъяссӧ да ӧта-мӧдныслысь юасисны, кыдзи гӧгӧрвоны кулӧмысь ловзьӧмсӧ.

Марк 9:8

Велӧдчысьяс видзӧдлісны гӧгӧрбок да аддзисны, мый накӧд сӧмын Исус.

Лука 24:46

Сійӧ шуис налы: «Тадзи гижӧма: Кристослы колӧ мунны сьӧкыдыс пыр, кувны да коймӧд луннас ловзьыны,

Лука 9:36

Тайӧ кывъяс бӧрас найӧ аддзисны сӧмын Исусӧс. Велӧдчысьяс сійӧ кадас некодлы эз висьтавны аддзывлӧм йывсьыс, найӧ чӧв олісны та йылысь.