Марк 9:32 - Коми Библия 2023

³² Велӧдчысьяс эз гӧгӧрвоны, мый йылысь Исус висьталӧ, а юавнысӧ полісны.

Марк 9:32 Kruisverwysings

Марк 16:14

Медбӧрын Исус петкӧдчис дас ӧти велӧдчысьыслы, кор найӧ вӧлі сёйӧны. Сійӧ янӧдіс найӧс эскытӧмсьыс да сьӧлӧмнысӧ чорзьӧдӧмысь, ӧд найӧ эз эскыны йӧзыслы, кодъяс аддзылісны Сійӧс ловзьӧм бӧрас.

Марк 7:18

Сійӧ шуис налы: «Весиг ті онӧ гӧгӧрвоӧй! Онӧ ӧмӧй вежӧртӧй: мортӧс оз вермы пежавны сійӧ, мый пытшкас пырӧ,

Марк 8:33

Велӧдчысьяслань бергӧдчӧмӧн Исус чорыда вомаліс Петырӧс: «Вешйы Ме дінысь, сӧтана! Тэнад мӧвпъясыд мортсянь, абу Енсянь».

Марк 9:10

Найӧ тӧд выланыс босьтісны тайӧ кывъяссӧ да ӧта-мӧдныслысь юасисны, кыдзи гӧгӧрвоны кулӧмысь ловзьӧмсӧ.

Лука 18:34

Велӧдчысьяслы тайӧ вӧлі гӧгӧрвотӧм, кывъясыс вӧліны налы пӧдсаӧсь. Найӧ эз вермыны вежӧртны Исуслысь висьталӧмсӧ.

Лука 2:50

Но Сылысь кывъяссӧ найӧ эз гӧгӧрвоны.

Лука 24:45

Сэки Исус восьтіс налысь вежӧрсӧ гӧгӧрвоны Гижӧдъяс.

Лука 9:45

Велӧдчысьяс эз тӧдны, мый йылысь Исус висьталӧ, Сылӧн кывъясыс вӧліны налы пӧдсаӧсь. Найӧ эз гӧгӧрвоны Сійӧс, а юавнысӧ полісны.

Иоан 12:16

Сэки велӧдчысьясыс эз на гӧгӧрвоны тайӧс. Но Исуслӧн дзирдлуныс воссьӧм бӧрын налы тӧд выланыс уси, мый тадзи вӧлі гижӧма Сы йылысь, и татшӧм ногӧн найӧ паныдалісны Сійӧс.

Иоан 16:19

Исус тӧдіс, мый йылысь велӧдчысьясыс кӧсйӧны юавны Сылысь, да шуис налы: «Сы йылысь-ӧ ті сёрнитанныд ӧта-мӧдныдкӧд, мый Ме шуи: ”Регыд ті онӧ аддзӧй Менӧ, сэсся регыд бара аддзанныд Менӧ”?

Иоан 4:27

Сійӧ кадас воисны велӧдчысьясыс. Найӧ шензисны, мый Исус сёрнитӧ анькӧд. Сӧмын некод на пиысь эз юав, мыйла да мый йылысь Сійӧ сёрнитӧ анькӧд.