Марк 8:23 - Коми Библия 2023

²³ Исус босьтіс синтӧмӧс киӧдыс да петкӧдіс сиктсьыс. Синмас сьӧлыштӧм бӧрын пуктіс кисӧ сы вылӧ да юаліс: «Аддзан-ӧ мыйкӧ?»

Марк 8:23 Kruisverwysings

Исай 44:2

Тэнӧ вӧчысь да тэнӧ артмӧдысь, мам кынӧмсяньыд тэныд отсалысь Господь тадзи висьталӧ: – Яков, Менам кесйӧгӧй, эн пов, Ешурун, [Израиль,] Ме бӧрйи тэнӧ.

Исай 51:18

Став челядь пӧвстысь, тэнад чужтӧмаясысь, некодлы вӧлі нуӧдны тэнӧ. Став челядь пӧвстысь, тэнад быдтӧмаясысь, некодлы вӧлі кутыштнысӧ киӧдыд.

Еремей 31:32

Тайӧ йитӧдыс оз ло сэтшӧм, кутшӧмӧс Ме кӧрталі налӧн батьяскӧд, кор босьті найӧс киӧдныс да петкӧді Египет муысь. Ме вӧлі налӧн Ыджыдӧн, но найӧ торкисны йитӧдӧс, мый Ме кӧрталі накӧд, – висьталӧ Господь.

Марк 5:23

да ёна корис: «Менам нылӧй куланвыйын. Лок, пуктыв сы вылӧ китӧ, мед бурдас да ловйӧн коляс».

Марк 7:33

Исус нуӧдіс сійӧс йӧз дінсьыс бокӧ, пуктіс чуньяссӧ сылы пеляс да сьӧлыштӧмӧн инмӧдчис сылы кывъяс.

Марк 8:24

Синтӧм видзӧдліс да шуис: «Аддза ветлӧдлысь йӧзӧс, найӧ пуяс кодьӧсь».

Марк 8:26

Исус мӧдӧдіс сійӧс гортас да шуис: «Сиктас эн пыр».

Ап. уджъяс 23:19

Сюрсӧн веськӧдлысь босьтіс том мортӧс киӧдыс, сэсся бокӧ вешйӧмӧн юаліс сылысь: «Мый тэ кӧсъян висьтавны?»

Ап. уджъяс 9:8

Савл чеччис муысь, восьтіс синсӧ, но нинӧм эз аддзы. Киӧдыс кутӧмӧн сійӧс вайӧдісны Дамаскӧ.

Еврейяслы 8:9

Тайӧ йитӧдыс оз ло сэтшӧм, кутшӧмӧс Ме кӧрталі налӧн батьяскӧд, кор босьті найӧс киӧдныс да петкӧді Египет муысь. Найӧ торкисны йитӧдӧс, мый Ме кӧрталі накӧд, та вӧсна Ме бергӧдчи наысь, – висьталӧ Господь. –

Восьтӧм 3:18

Ме туйдӧда тэнӧ. Ньӧб Менсьым биын весалӧм зарни да озырмы. Ньӧб Менсьым еджыд паськӧм, медым вермин вевттьысьны, медым эз тыдав тэнӧ янӧдан пасьтӧм вир-яйыд. Ньӧб Менсьым мавтантор да мавт сыӧн синтӧ, медым аддзин.