Марк 7:9 - Коми Библия 2023

⁹ Исус водзӧ висьталіс: «Сюся ті вештанныд Енлысь тшӧктӧмсӧ, медым кутчысьны батьяслӧн шуӧмӧ.

Марк 7:9 Kruisverwysings

Исай 24:5

Му вылын олысьяс пежалісны мусӧ, ӧд найӧ ӧтдортісны Енлысь Индӧдсӧ, нинӧмӧ пуктісны Сылысь тшӧктӧмъяссӧ, пыр кежлӧ кӧрталӧм йитӧдсӧ торкисны.

Исай 29:13

Господь шуис: – Тайӧ войтырыс матыстчӧ Ме дінӧ кывнас, вомнас найӧ пыдди пуктӧны Менӧ, но налӧн сьӧлӧмныс ылын Меысь. Меысь налӧн вежавидзӧмыс – тайӧ сӧмын тшӧктӧм серти вӧчӧм – тшӧктӧм, мыйӧ велӧдісны найӧс йӧзыс.

Даниил 11:36

Войвывса ӧксы пондас вӧчны, мый кӧсъяс. Сійӧ пондас ышнясьны да пуктас асьсӧ став енъяссьыс вылӧджык на, пондас лёкӧдны-омӧльтны медыджыд Енмӧс. Сылӧн ставыс кутас артмыны, кытчӧдз оз кус Енлӧн скӧрлуныс. Ӧд мый вӧлі водзвыв шуӧма, ставыс збыльмас.

Даниил 7:25

Сійӧ кутас сёрнитны Медвылыссалы паныд, кутас дзескӧдны Медвылыссалысь вежа войтырсӧ. Сійӧ мӧвпыштас вежны вежа войтырлысь гажӧдчан лунъяссӧ да Индӧдсӧ. Вежа войтырӧс лоӧ сетӧма сылӧн кипод улӧ ӧти кадколаст кежлӧ, сэсся кык кадколаст кежлӧ да нӧшта кадколаст джын кежлӧ.

Марк 7:13

Тадзи батьяслӧн шуӧмӧ кутчысьӧмӧн да велӧдӧмӧн ті вештанныд Енлысь кывсӧ. Уна татшӧмтор на ті вӧчанныд».

Марк 7:3

Иудейяс, торйӧн нин фарисейяс, кутчысисны пӧрысьяслӧн шуӧмӧ. Найӧ кинысӧ мыськытӧг эз пуксьывны сёйны

Марк 7:5

Фарисейяс да Индӧдӧ велӧдысьяс юалісны Исуслысь: «Мыйла велӧдчысьясыд оз овны пӧрысьяслӧн шуӧм серти? Мыйла найӧ мыськытӧм киӧн сёйӧны?»

Римӧ 3:31

Сідзкӧ, мый артмӧ? Эскӧмнаным ми бырӧдам Индӧдсӧ? Огӧ. Мӧдарӧ, вынсьӧдам.

2 Коринфӧ 11:4

Ӧд тіян дінӧ кӧ локтас кодкӧ да кутас висьтавлыны мӧд Исус йылысь, код йылысь ми эгӧ висьтавлӧй, либӧ мӧд лов йылысь, кодӧс ті энӧ сибӧдлӧй, либӧ мӧдпӧлӧс бур юӧр, кодӧс энӧ босьтлӧй, сэки ті кокньыда терпитанныд сійӧс.

Галатӧ 1:14

Иудей эскӧмын ме пановті тшӧтшъяясӧс, ме вӧлі чорыда кутчысьӧма батьяслӧн шуӧмӧ.

Галатӧ 2:21

Енлысь буралӧмсӧ ме ог ӧтдорт. Ӧд веськыдлунсӧ кӧ вермим босьтны Индӧдыс пыр, сідзкӧ, Кристос весьшӧрӧ куліс.

2 Фессалоникаӧ 2:4

Енлы паныд сувтысь. Сійӧ пуктас асьсӧ ставсьыс вылӧ, мый шуӧма енмӧн да вежаӧн. Сійӧ пуксяс Енлӧн крамӧ да шуас асьсӧ Енмӧн.