Марк 6:21 - Коми Библия 2023

²¹ Ирӧд чужан лунӧ Ирӧдиадалы лоис позянлун вины Иоанӧс. Ирӧд котыртіс гаж юралысьяслы, тышкайӧзӧн веськӧдлысьяслы да галилеяса пыдди пуктана йӧзлы.

Марк 6:21 Kruisverwysings

Олӧм 27:41

Батьыслӧн бурсиӧм вӧсна Исав кутіс мустӧмтны Яков воксӧ. Исав мӧвпыштіс: «Матысмӧны батьным вӧсна бӧрдан лунъяс. Сэки ме виа Яков вокӧс».

Олӧм 40:20

Куим лун мысти аслас чужан лунӧ фараон лӧсьӧдіс гаж став чина йӧзыслы. Сылы тӧд вылас усины медыджыд вина кисьталысьыс да нянь пӧжалысьыс.

Эсфир 2:18

Эсфир ради ӧксы лӧсьӧдіс став аслас юралысьяслы да веськӧдлысьяслы ыджыд гаж. Сійӧ чинтіс ӧксыув муясын вот мынтӧм, лышкыда сеталіс козинъяс.

Эсфир 3:7

Артаксеркс ӧксылӧн дас кыкӧд веськӧдлан воӧ медводдза нисан тӧлысьӧ Аманлӧн тшӧктӧм серти пудъясисны тӧлысьяс да лунъяс йылысь [медым ӧти лунӧн бырӧдны Мардокейлысь войтырсӧ]. Пудйыс уси дас кыкӧд адар тӧлысь вылӧ.

Осий 7:5

Ӧксынымлӧн гажӧдчан лунӧ юралысьяс висьмытӧдзныс вина юӧны, ӧксы кисӧ нюжӧдӧ сылы паныд кыпӧдчысьяслань.

Лука 3:1

Тайӧ вӧлі Тиверий нима кесарлӧн дас витӧд веськӧдлан воӧ. Сэки Иудея муӧн веськӧдліс Понтий Пилат. Ирӧд веськӧдліс Галилея муӧн, сылӧн Филип вокыс веськӧдліс Итурея-Траконит муясӧн, Лисаний веськӧдліс Авилен муӧн.

Ап. уджъяс 25:23

Аскинас Агриппа да Вереника локтісны мичаа вӧччӧмӧн. Найӧ пырисны чукӧртчанінӧ тышкайӧзӧн веськӧдлысьяскӧд да карса тӧдчана йӧзкӧд. Фест тшӧктіс вайӧдны Павелӧс,

1 Петыр 4:3

Водзынсӧ ті вӧчинныд ентӧдтӧмъяс моз: олінныд лэдзчысьӧмӧн да лёк кӧсйӧмныд серти, кырсалінныд, кодалінныд-гажӧдчинныд да юрбитінныд зывӧк идолъяслы. Пӧттӧдз нин тіян тадзисӧ олӧма.

Восьтӧм 11:10

Мувывса йӧзыс кутасны нимкодясьны да гажӧдчыны, весиг козьналасны ӧта-мӧдныслы козинъяс, ӧд тайӧ кык пророкыс ёна мучитісны найӧс.