Марк 3:5 - Коми Библия 2023

⁵ Исус шогсис налӧн чорзьӧм сьӧлӧмныс вӧсна да чорыда видзӧдліс на вылӧ. Сэсся шуис висьысьлы: «Нюжӧд китӧ». Сійӧ нюжӧдіс, и киыс пырысь-пыр бурдіс, лои мӧдыс кодь.

Марк 3:5 Kruisverwysings

Олӧм 6:6

сэки жалитіс, мый вӧчис мортӧс му вылын. Господьлӧн сьӧлӧмыс ёна шогсис.

Ӧксыяслӧн 3 небӧг 13:6

Еровам ӧксы шыасис Енлӧн морт дінӧ: «Кевмысь ме вӧсна аслад Господь Енлы, медым Сійӧ бурсьӧлӧмтчас ме дінӧ да бурдӧдас менсьым киӧс». Енлӧн морт кевмысис Господьлы, и ӧксылӧн киыс бурдіс да пондіс важ мозыс куснясьны.

Неемий 13:8

Ме ёна скӧрми таысь, шыблалі видзанінысь Товилысь став эмбур-кӧлуйсӧ.

Псалтыр 95:10

Висьталӧй войтыръяс пӧвстын: «Господь ӧксыалӧ! Муюгыдыс сулалӧ зумыда, сійӧ оз вӧрзьыв. Господь кутас веськыда мыждыны войтыръясӧс».

Матвей 12:13

Сэсся Исус шуис висьысьлы: «Нюжӧд китӧ». Сійӧ нюжӧдіс, и киыс пырысь-пыр бурдіс, лои мӧдыс кодь.

Марк 3:4

Сэсся юаліс мукӧдыслысь: «Мый позьӧ вӧчны шойччан лунӧ: бурсӧ али лёксӧ, мездыны мортӧс али вины сійӧс?» Найӧ чӧв олісны.

Лука 13:15

Господь воча шуис: «Кык бана шаньга! Шойччан лунӧ ті ӧмӧй онӧ разьлӧй лясни дорысь ӧш-осёлнытӧ да онӧ нуӧдлӧй найӧс юктавны?

Лука 17:14

Исус видзӧдліс на вылӧ да шуис: «Мунӧй да петкӧдлӧй асьнытӧ попъяслы». Мунігкостіыс найӧ сӧстӧммисны.

Лука 6:10

Исус синнас кытшовтіс ставнысӧ, сэсся шуис висьысьлы: «Нюжӧд китӧ». Сійӧ нюжӧдіс, и киыс пырысь-пыр бурдіс, лои мӧдыс кодь.

Иоан 9:7

Сэсся шуис: «Мун да мыссьы Силоам вайӧртӧдын». Силоам нимыс, вуджӧдны кӧ, лоӧ ”мӧдӧдӧма”. Синтӧм морт муніс, мыссис да кутіс аддзыны.

Римӧ 11:25

Вокъяс, мед ті энӧ мӧвпалӧй ас мывкыдсяньныд, висьтала тіянлы тайӧ гусяторсӧ – Израиль войтырӧс суис чорзьӧдчӧм, но эз ставнысӧ. Чорзьӧдчӧмыс кыссяс сэтчӧдз, кытчӧдз мукӧд войтыръясысь оз мездмы индӧм лыдыс.

2 Коринфӧ 3:14

Налӧн пемдӧма вежӧрныс. Важ Йитӧд йылысь Гижӧдсӧ лыддигӧн на вылын ӧнӧдз куйлӧ тайӧ вевттьӧдыс, ӧд сійӧс вештӧ сӧмын Кристос.

Ефесӧ 4:18

вежӧрныс пемдӧма, найӧ ылынӧсь Ен нога олӧмсьыс, ӧд налӧн чорзьӧма сьӧлӧмныс, да Енсӧ найӧ оз тӧдны.

Ефесӧ 4:26

Скӧраліганыд энӧ мыжмӧй. Бурасьӧй ӧта-мӧдныдкӧд шонді пуксьытӧдзыс на.

Ефесӧ 4:30

Энӧ шогӧдӧй Ен Вежа Лолӧс, кодӧн пасйӧма тіянӧс вештысян лун кежлӧ.

Еврейяслы 3:10

Ме дӧзми на вылӧ да шуи: сьӧлӧмнас найӧ ылалӧмаӧсь, Менсьым туйясӧс оз тӧдны.

Еврейяслы 3:17

Код вылӧ нӧ Енмыс скӧраліс нелямын во чӧжсӧ? Эз-ӧ мыж вӧчысьяс вылӧ, кодъяслӧн лыясыс колины овтӧминӧ?

Еврейяслы 5:9

Сійӧ помӧдз вайӧдіс Енлысь мӧвпыштӧмсӧ да пыр кежлӧ лои мездмӧмсӧ Сетысьӧн быдӧнлы, коді кывзысьӧ Сылысь.

Восьтӧм 6:16

Керӧсъяслы да изкырталы найӧ шуалісны: «Усьӧй миян вылӧ да дзебӧй миянӧс юралан пуклӧсын Пукалысьлӧн синмысь да Балялӧн скӧрлунысь!

Ёрдысьяс 10:16

Найӧ эновтісны мукӧд енъясӧс да кутісны кесъявны [сӧмын] Господьлы. Сэки Господь эз нин вермы видзӧдны, кыдзи вӧрӧг дзескӧдӧ Израильӧс.

Ӧксыяслӧн 1 небӧг 20:34

Ионафан скӧрмӧмӧн чеччис пызан сайсьыс да весиг эз пажнайт сійӧ лунӧ. Сійӧ шогсис Давид вӧсна, ӧд батьыс сійӧс ёна омӧльтіс.