Марк 3:2 - Коми Библия 2023

² Фарисейяс сюся видзӧдісны Исус бӧрся, бурдӧдас-ӧ Сійӧ шойччан лунӧ, ӧд корсисны помка мыжавны Сійӧс.

Марк 3:2 Kruisverwysings

Еремей 20:10

Ме кыла уна йӧзлысь лёк сёрнияс, быд боксянь повзьӧдлӧны менӧ. Найӧ ыззьӧдӧны ӧта-мӧднысӧ, медым вузавны менӧ. Весиг ёртъясӧй виччысьӧны менсьым крукасьӧмӧс, найӧ шуалӧны: «Гашкӧ, сійӧ налькйӧ шедас, сэки ми сійӧс вермам да сылысь водзӧс перъям».

Даниил 6:4

Сэки ыджыдалысьяс да сатрапъяс пондісны корсьны помка, медым мыжавны Даниилӧс сыысь, мый оз колана ногӧн юрав. Но найӧ нинӧм эз аддзыны, ӧд Даниил эз пӧръясь, а ставсӧ вӧчис веськыда.

Матвей 12:10

Сэні вӧлі косьмӧм киа морт. Фарисейяс корсисны помка мыжавны Исусӧс да юалісны Сылысь: «Позьӧ-ӧ шойччан лунӧ бурдӧднысӧ?»

Марк 3:3

Исус тшӧктіс косьмӧм киа мортлы: «Сувт шӧрас».

Лука 14:1

Шойччан лунӧ Исус муніс фарисейяслӧн ӧти юралысь ордӧ сёйны. Сэні ставӧн сюся видзӧдісны Исус бӧрся.

Лука 20:20

Индӧдӧ велӧдысьяс да аркирейяс ӧтарӧ кыйӧдісны Исусӧс. Найӧ мӧдӧдісны Сы дінӧ веськыда олысьӧ пуксьысь наян йӧзӧс, медым кыйны Сійӧс сёрниас да сетны Сійӧс юралысь киӧ.

Лука 6:7

Индӧдӧ велӧдысьяс да фарисейяс сюся видзӧдісны Исус бӧрся, бурдӧдас-ӧ Сійӧ шойччан лунӧ, ӧд корсисны помка мыжавны Сійӧс.

Иоан 8:6

Найӧ шуалісны тадзи Исусӧс кыйӧм могысь, медым сэсся мыжавны Сійӧс. Но Исус эз кывзы найӧс, а копыртчӧмӧн чуньнас кутіс гижны муас.

Иоан 9:16

Сэки фарисейяс пӧвстысь кодсюрӧ шуисны: «Тайӧ Бурдӧдысьыс абу Енсянь, ӧд Сійӧ торкӧ тшӧктӧмсӧ – уджалӧ шойччан лунӧ». Мукӧдыс сёрнитісны: «Вермас ӧмӧй мыжа морт вӧчны татшӧм шензьӧданаторъяссӧ?» Тадзи лыбис на костын вен.