Марк 16:17 - Коми Библия 2023

¹⁷ Эскысьяслӧн лоасны татшӧм индысьпасъяс: Менам нимӧн пондасны вӧтлавны пеж ловъясӧс да сёрнитны выль кывъяс вылын.

Марк 16:17 Kruisverwysings

Марк 9:38

Иоан шуис: «Велӧдысьӧй, ми аддзылім мортӧс, сійӧ Тэнад нимӧн пеж ловъясӧс вӧтлалӧ. Ми ӧлӧдім сійӧс, ӧд сійӧ абу миян пӧвстысь».

Лука 10:17

Сизимдас велӧдчысь бӧр воисны нимкодясигтыр да шуисны: «Господьӧй, Тэнад нимӧн тшӧктігӧн весиг пеж ловъяс кывзысьӧны миянлысь».

Иоан 14:12

Веськыда, веськыда висьтала тіянлы: Меным эскысь кутас вӧчны Ме кодь жӧ уджъяс, весиг наысь ыджыдджыкӧс на, ӧд Ме муна Батьӧй дінӧ.

Ап. уджъяс 10:46

ӧд кылісны налысь мукӧд кывъяс вылын сёрнитӧмсӧ да Енмӧс ошкӧмсӧ. Сэки Петыр шуис:

Ап. уджъяс 16:18

Тадзи сійӧ вӧчис уна лун чӧж. Павел скӧрмис таысь, сэсся ань дінӧ бергӧдчӧмӧн шуис тунасян ловлы: «Тшӧкта тэныд Исус Кристос нимӧн, пет сы пытшкысь». И сійӧ дзик пыр петіс.

Ап. уджъяс 19:6

Кор Павел пуктіс кисӧ на вылӧ, сэки лэччис на вылӧ Вежа Лов. Найӧ пондісны сёрнитны мукӧд кывъяс вылын да пророкавны.

Ап. уджъяс 2:33

Енмыс кыпӧдіс Сійӧс да пуксьӧдіс веськыдладорас. Батьсяньыс Сійӧ сибӧдіс кӧсйысьӧм Вежа Лолӧс да кисьтіс миян вылӧ, кыдзи ті ӧні аддзанныд да кыланныд.

Ап. уджъяс 5:16

Уна йӧз воліс Ерусалимӧ матігӧгӧр каръясысь. Найӧ вайӧдлісны висьысьясӧс да пеж лолӧн кутӧмаясӧс. И ставныс найӧ бурдісны.

Ап. уджъяс 8:7

Уна пытшкысь лёкысь горзӧмӧн петісны пеж ловъяс, унаӧн вӧрзьӧдчыны вермытӧмъясысь да чотысьясысь бурдісны.

1 Коринфӧ 12:10

Мукӧдыслы Лолыс сетӧ вын вӧчны шензьӧданаторъяс, кодлыкӧ – пророкавны, кодлыкӧ – сямлун тӧдмавны быдпӧлӧс ловсӧ. Мукӧдыслы Лолыс сетӧ сямлун сёрнитны мукӧд кывъяс вылын, а кодлыкӧ – гӧгӧрвоӧдны тайӧ сёрнисӧ.

1 Коринфӧ 12:28

Вичкоын Енмыс медводз сувтӧдіс апостолъясӧс, сэсся пророкъясӧс, сэсся велӧдысьясӧс. Мукӧдыслы Енмыс сетіс вын вӧчны шензьӧданаторъяс, мукӧдыслы – сямлун бурдӧдны, кодлыкӧ – отсасьны йӧзыслы, кодлыкӧ – веськӧдлыны, а кодлыкӧ – сёрнитны мукӧд кывъяс вылын.

1 Коринфӧ 12:30

Гашкӧ, быдӧн вермам бурдӧдны? Гашкӧ, быдӧн сёрнитам мукӧд кывъяс вылын да вермам сійӧс гӧгӧрвоӧдны?

1 Коринфӧ 13:1

Ме кӧ сёрнита морт кывйӧн, весиг анделъяслӧн кывйӧн, а муслуныс кӧ ме пытшкын абу, сідзкӧ, ме троньгысь ыргӧн да брунгысь жыннян.

1 Коринфӧ 14:2

Коді сёрнитӧ мукӧд кывъяс вылын, сійӧ сёрнитӧ Енмыскӧд, а оз йӧзкӧд. Сійӧс некод оз гӧгӧрво, ӧд сійӧ висьталӧ гусяторъяссӧ Лов вынӧн.