Марк 16:15 - Коми Библия 2023

¹⁵ Сэсся шуис налы: «Мунӧй став муюгыд пасьтала да висьталӧй Евангелльӧсӧ ставныслы.

Марк 16:15 Kruisverwysings

Псалтыр 96:3

Господь водзвылын мунӧ би, Господьӧс мустӧмтысьясӧс бырӧдӧ.

Псалтыр 98:3

Господьӧй, мед ошкасны Тэнсьыд ыджыд нимтӧ, Тэнад нимысь мед полӧны ставныс, Тэнад нимыд вежа!

Исай 45:22

Шыасьӧй Ме дінӧ, му помъясын олысьяс, и ті мездманныд. Ӧд Ме – Енмыс, и мӧдыс абу.

Исай 49:6

– Тэ – Менам кесйӧг, тэ выльысь сувтӧдан Яковлысь чужанкотыръяссӧ, бергӧдан Израильлысь коляс войтырсӧ, но тайӧ этша на. Ме вӧча тэнӧ войтыръяслы югыдӧн, медым Меӧн мӧдӧдӧм мездмӧмыс воис му помӧдзыс.

Исай 52:10

Став войтыръяслӧн син водзын Господь петкӧдліс Аслас вежа килысь вынсӧ. Му помын олысьяс ставныс аддзасны миян Енсянь мездӧмсӧ.

Матвей 28:19

Мунӧй войтыръяс дінӧ, вӧчӧй найӧс Менам велӧдчысьясӧн да пыртӧй найӧс Бать, Пи да Вежа Лов нимӧн.

Марк 13:10

Помыс вотӧдз Евангелльӧсӧ колӧ висьтавны быд войтырлы.

Иоан 15:16

Энӧ ті Менӧ бӧрйӧй. Ме бӧрйи тіянӧс да мӧдӧді, медым вайинныд бырлытӧм вотӧс. Тадзи кӧ вӧчанныд, Бать сетас тіянлы ставсӧ, мый коранныд Сылысь Менам нимӧн.

Иоан 20:21

Исус шуис налы мӧдысь: «Лӧнь олӧм тіянлы! Кыдзи Бать мӧдӧдіс Менӧ, сідзи Ме мӧдӧда тіянӧс».

Ап. уджъяс 1:2

да сійӧ лунӧдзыс, кор кыпӧдчис енэжӧ. Кыпӧдчытӧдзыс на Сійӧ Вежа Ловсянь сетіс Аслас бӧрйӧм апостолъяслы тшӧктӧмъяс.

Ап. уджъяс 1:8

Но кор лэччас тіян вылӧ Вежа Лов, тіянлы лоӧ сетӧма вын. Сэки понданныд висьтавлыны Ме йылысь Ерусалимын, став Иудеяын, Самарияын да став му пасьталаыс».

Римӧ 10:18

Юала: «Найӧ ӧмӧй эз кывлыны?» Кывлісны, дерт. – Став му пасьталаыс юргӧ налӧн гӧлӧс шыныс, муюгыдыслӧн медылі пельӧсӧдз воӧны налӧн кывъясыс.

Ефесӧ 2:17

Сійӧ локтіс юӧртны бурасьӧм йылысь тіянлы, кодъяс вӧлінныд ылынӧсь Енсьыс, и налы, кодъяс вӧліны матынӧсь Ен дінас.

Колосӧ 1:23

Сӧмын тіянлы колӧ вӧрзьывтӧг сулавны эскӧмас да зумыда кутчысьны Бур Юӧрӧн сетӧм лачаас. Бур Юӧрсӧ ті кывлінныд, сійӧс юӧртӧма енэж улын став олысьыслы. Ме, Павел, лои тайӧ Бур Юӧрыслы кесъялысьӧн.

Колосӧ 1:6

Тайӧ кывйыс паськалӧ став му пасьталаыс да вайӧ вотӧс. Ӧні сійӧ паськалӧ да вайӧ вотӧссӧ тшӧтш тіян пӧвстын. Бур Юӧрсӧ кылӧм бӧрын ті збыльысь гӧгӧрвоинныд Енлысь буралӧмсӧ.

1 Иоан 4:14

Батьыс мӧдӧдіс Писӧ мездыны муюгыдсӧ. Ми ас синмӧн аддзылім тайӧс, и ӧні висьталам та йылысь.

Восьтӧм 14:6

Сэсся ме аддзи нӧшта ӧти анделӧс, коді лэбис енэж шӧрӧдыс. Сылӧн вӧлі помасьлытӧм Евангелльӧ, медым висьтавлыны сійӧс мувывса олысьяслы: быд чужанвужлы да чужанкотырлы, быд кыла йӧзлы да быд войтырлы.