Марк 14:34 - Коми Библия 2023

³⁴ Сійӧ шуис: «Шогӧй кувмӧн топӧдӧ лолӧс. Кольччӧй татчӧ да энӧ узьӧй».

Марк 14:34 Kruisverwysings

Исай 53:12

Та вӧсна Ме сета Сылы пай ыджыдъяс пӧвстын, тышын шедӧдӧмасӧ Сійӧ пондас юкны вынаяскӧд, ӧд Сійӧ сетіс Асьсӧ кулӧм вылӧ, Сійӧс пуктісны лёк вӧчысьяс лыдӧ. Сійӧ босьтіс Ас вылас уна йӧзлысь мыжъяссӧ, кевмысис лёк вӧчысьяс вӧсна.

Бӧрданкыв 1:12

Туй вывті ветлысь-мунысьяс, тіянкӧд тадзи мед оз ло! Видзӧдлӧй, эм-ӧ менам кодь дойыс, кутшӧм менӧ суис! Господь ыстіс меным сійӧс Аслас скӧралан лунӧ.

Матвей 26:38

Сійӧ шуис: «Шогӧй кувмӧн топӧдӧ лолӧс. Олыштӧй Мекӧд тані да энӧ узьӧй».

Иоан 12:27

Ӧні Менам сьӧлӧмӧй ёна майшасьӧ. Мый Меным шуны? Батьӧй, мезды Менӧ тайӧ кадсьыс! Но дзик тайӧ кад кежлас Ме локті.

1 Петыр 4:7

Регыд ставыслы воас пом. Сідзкӧ, лоӧй мывкыдаӧсь да олӧй садь вежӧрӧн, медым верминныд кевмысьны.

1 Петыр 5:8

Олӧй садь вежӧрӧн да пыр лоӧй дасьӧсь. Ӧд тіянлы паныд сувтысь омӧльыс ветлӧ равзысь лев моз да корсьысьӧ, кодӧс эськӧ ньылыштны.