31 Енэжыс да муыс бырас, а Менам кывъясӧй оз бырны.
Тадзи иніс Господьлӧн шуӧмыс, мый Сійӧ висьталіс Ехулы: «Тэсянь чужысьяс нёльӧд чужанвужйӧдз пондасны пукавны Израильлӧн юралан пуклӧсын». Тадзи и лоис.
Ӧні ме тӧда, мый Господь мездӧ Ассьыс мавтыштӧмасӧ, вочавидзӧ сылы Аслас вежа енэжсянь, мездӧ сійӧс вына веськыд кинас.
Турун косьмӧ, дзоридз нярмӧ, а миян Енлӧн кывйыс помтӧг олӧ.
Лэптӧй синнытӧ енэжланьыс, видзӧдлӧй увлань му вылас. Енэжыс тшын моз бырас, муыс паськӧм моз важмас, му вылын олысьяс геб моз куласны. Но Меӧн мӧдӧдӧм мездмӧмыс пыр лоӧ, Менам веськыдлунӧй оз вежсьыв.
Но Менам кывъясӧй инісны. Сійӧ, мый йылысь Ме ӧлӧдӧмӧн висьтавлі Меным кесъялысь пророкъяс пыр, суис батьяснытӧ. Сэки найӧ бергӧдчывлісны мыжсьыныс шуалӧмӧн: ”Господь Саваоф кыдзи шуис, сідзи и вӧчис. Сійӧ вӧчис миянкӧд асланым бӧрйӧм туйным да лёк вӧчӧмным серти”».
Енмыс абу морт, оз ылӧдчы. Сійӧ абу морт, кывсӧ оз вежлав. Мый шуас, сійӧс и вӧчас. Мый кӧсйысяс, сійӧс и збыльмӧдас.
Енэжыс да муыс бырас, а Менам кывъясӧй оз бырны.
Веськыда висьтала тіянлы: енэжыс да муыс быртӧдз, ставыс збыльмытӧдз весиг ӧти шыпас, ӧти чуттор оз вош Индӧдысь.
Веськыда висьтала тіянлы: ставыс тайӧ лоас ӧнія олысьяс дырйи на.
Сійӧ лунсӧ да сійӧ кадсӧ некод оз тӧд. Анделъяс оз тӧдны, весиг Пиыс оз тӧд, сӧмын Батьыс тӧдӧ.
Ми кӧ эновтам Сійӧс, Сійӧ оз эновт миянӧс, ӧд Ачыс Ассьыс соссьыны оз вермы.
да помтӧм олӧм вылӧ лачаӧн. Помтӧм олӧмсӧ Ен кӧсйысис му пуксьытӧдзыс на, и Ассьыс кывсӧ Сійӧ оз веж.
Сэсся ме аддзи ыджыд да еджыд юралан пуклӧс да сы вылын Пукалысьӧс. Енэжыс да муыс пышйисны Сылӧн син водзысь, но налы некытчӧ вӧлі дзебсьынысӧ.
