Марк 12:36 - Коми Библия 2023

³⁶ Вежа Ловсянь сёрнитігас Давид ачыс шуӧ: – Господь шуис менам Ыджыдлы: ”Пукав Менам веськыдладорын, кытчӧдз ог пукты Тэнад кок улӧ Тэнӧ мустӧмтысьясӧс”.

Марк 12:36 Kruisverwysings

Ӧксыяслӧн 2 небӧг 23:2

Господьлӧн Лов сёрнитӧ ме пыр, Сылӧн кывйыс петӧ менам вомысь.

Неемий 9:30

Уна во чӧж Тэ виччысин, Аслад Ловсянь Тэ ӧлӧдлін найӧс пророкъяс пыр, но найӧ эз кывзыны. Сэки Тэ сетін найӧс мукӧд войтыръяслӧн киӧ.

Псалтыр 110:1

Аллилуйя! Господьӧй, став сьӧлӧмсянь ошка Тэнӧ веськыда олысьяс пӧвстын, Тэнад войтырлӧн чукӧртчӧмын.

Матвей 5:35

Эн сет кывтӧ му водзын – сійӧ Енлӧн кок улыс. Эн сет кывтӧ Ерусалим кар водзын – сійӧ ыджыд Ӧксылӧн кар.

Ап. уджъяс 1:16

«Вокъясӧй, Гижӧдыслы колӧ вӧлі инны. Ӧд Давид пыр на Вежа Лов висьтавліс Иуда йылысь, коді вайӧдіс Исус дінӧ Сійӧс босьтысьясӧс.

Ап. уджъяс 28:25

Тадзи найӧ ас костаныс эз вермыны воны ӧти кывйӧ. Муналіганыс Павел шуис налы татшӧм кывъяс: «Бура шулӧма Вежа Лов миян батьяслы Исай пророк пыр:

1 Коринфӧ 15:25

Кристослы шуӧма юравны сэтчӧдз, кытчӧдз Сійӧ оз пукты Аслас кок улӧ став паныд сувтысьсӧ.

2 Тимофейлы 3:16

Ставнас Гижӧдыс Ен Ловсянь да вайӧ сӧмын бур. Сійӧ велӧдӧ, янӧдӧ, вежӧ да туйдӧдӧ веськыд олӧмас,

Еврейяслы 1:13

Ни ӧти анделлы Енмыс эз шулы: – Пукав Менам веськыдладорын, кытчӧдз ог пукты Тэнад кок улӧ Тэнӧ мустӧмтысьясӧс.

Еврейяслы 4:7

Та вӧсна Енмыс индіс торъя лун – ”талун”, ӧд уна во мысти Давид казьтыштіс Енлысь водзынджык шуӧм кывъяссӧ: – Талун, Енлысь гӧлӧс шысӧ кылігӧн, энӧ чорзьӧдӧй сьӧлӧмнытӧ.

1 Петыр 1:11

Найӧ кӧсйисны тӧдмавны, кутшӧм кад вылӧ да мый вылӧ индіс на пытшкын олысь Кристослӧн Лолыс, кор Сійӧ водзвыв висьтавліс Кристослӧн сьӧкыдалӧмыс да Сійӧс виччысяна дзирдлуныс йылысь.

2 Петыр 1:21

Ӧд пророкалӧм некор эз вӧв мортлӧн кӧсйӧмсянь, сійӧс висьтавлісны Вежа Лов ышӧдӧмсянь Енлӧн вежа йӧзыс.