Марк 11:18 - Коми Библия 2023

¹⁸ Аркирейяс Индӧдӧ велӧдысьяскӧд кывлісны тайӧс да кутісны мӧвпавны, кыдзи эськӧ вины Исусӧс. Найӧ полісны Сыысь, ӧд став йӧзыс шензисны Сылӧн велӧдӧмысь.

Марк 11:18 Kruisverwysings

Ӧксыяслӧн 3 небӧг 21:20

Ахав шуис Иллялы: «Мустӧмтысьӧй, тэ бара аддзин менӧ». Илля шуис: «Аддзи. Тэ ачыд сетчин, мед вӧчны Господь водзын шогмытӧмсӧ [да скӧрмӧдны Сійӧс].

Ӧксыяслӧн 3 небӧг 22:18

Израильса ӧксы шуис Иосафатлы: «Ме жӧ шулі, мый сійӧ некор меным бурсӧ оз пророкав, а сӧмын лёксӧ».

Ӧксыяслӧн 3 небӧг 22:8

Израильса ӧксы вочавидзис Иосафатлы: «Эм нӧшта ӧти морт, код пыр ми вермам юавны Господьлысь. Тайӧ Микей, Имлайлӧн пиыс. Но ме мустӧмта тайӧ мортсӧ. Сійӧ некор оз пророкав меным бурсӧ, а сӧмын лёксӧ». Иосафат шуис: «Ӧксыӧй, тэныд оз позь тадзи сёрнитны».

Исай 49:7

Господь, Израильӧс Мездысь, сылӧн вежа Ен, тадзи висьталӧ ыджыдалысьяслӧн кесйӧглы, кодӧс ставныс увтыртӧны, кодӧс лёкӧдӧны войтыръяс: – Тэнӧ аддзигӧн ӧксыяс сувтасны, юралысьяс копыртчасны муӧдзыс, ӧд Господь эскана, ӧд Израильлӧн вежа Ен бӧрйис тэнӧ.

Матвей 21:15

Аркирейяс Индӧдӧ велӧдысьяскӧд ёна дӧзмисны, кор аддзисны Сылысь шензьӧданаторъяс вӧчӧмсӧ да кылісны крамын челядьлысь горзӧм: «Ошкӧм Давид Пилы!»

Матвей 7:28

Исусӧс кывзӧм бӧрын йӧзыс ёна шензисны Сылӧн велӧдӧмысь.

Марк 1:22

Йӧзыс шензисны Сылӧн велӧдӧмысь, ӧд Сійӧ велӧдіс ыджыдалысьӧ пуктӧм морт моз, эз Индӧдӧ велӧдысьяс моз.

Марк 11:32

Гашкӧ, шуам: ”Мортсянь”?» Но найӧ полісны йӧзсьыс, ӧд Иоанӧс ставныс збыльысь пророкӧ пуктісны.

Марк 12:12

Найӧ гӧгӧрвоисны, мый велӧданвисьтыс вӧлі на йылысь. Кӧсйисны кутны Исусӧс, но полісны йӧзсьыс. Сэки эновтісны Сійӧс да мунісны.

Марк 3:6

Сэки фарисейяс петісны да Ирӧдлӧн йӧзкӧд дзик пыр пондісны сёрнитны Исусӧс виӧм йылысь.

Марк 6:20

Ирӧд поліс Иоанысь, ӧд тӧдіс, мый Иоан веськыда олысь да вежа морт. Ирӧд дорйис Иоанӧс, унатор вӧчис сылысь кывзысьӧмӧн да окотапырысь кывзіс сійӧс.

Лука 19:47

Исус быд лун велӧдіс крамын. Аркирейяс, Индӧдӧ велӧдысьяс да веськӧдлысьяс кӧсйисны вины Сійӧс.

Лука 2:47

Сылӧн мывкыдлуныс да вочавидзӧмъясыс шензьӧдісны кывзысьясӧс.

Лука 20:19

Индӧдӧ велӧдысьяс да аркирейяс гӧгӧрвоисны, мый велӧданвисьтыс вӧлі на йылысь. Найӧ кӧсйисны босьтны Исусӧс, но полісны йӧзсьыс.

Лука 4:22

Ставӧн ошкисны Исусӧс да шензисны Сы вомысь петӧм буралан кывъясысь да шуалісны: «Абу-ӧ Сійӧ Ӧсиплӧн пи?»

Иоан 7:1

Та бӧрти Исус ветлӧдліс Галилеяті. Иудея муӧд Сійӧ эз кӧсйы ветлӧдлыны, ӧд иудейяслӧн веськӧдлысьяс кӧсйисны вины Сійӧс.

Иоан 7:19

Эз-ӧ Мӧисей сет тіянлы Индӧдсӧ? Но некод тіян пиысь оз ов Индӧд сертиыс. Сідзкӧ, мыйла кӧсъянныд Менӧ винысӧ?»

Иоан 7:46

Мӧдӧдлӧмаяс вочавидзисны: «Тайӧ Мортыс моз некод на эз сёрнитлы».

Ап. уджъяс 24:25

Но кор Павел висьталіс веськыда олӧм йылысь, асьтӧ кутӧм да локтана мыждӧм йылысь, Феликсӧс полӧм босьтіс. Сійӧ шуис: «Ӧні мун. Кад кӧ лоӧ, корла на».