Марк 10:52 - Коми Библия 2023

⁵² Исус шуис: «Мун, эскӧмыд мездіс тэнӧ». Синтӧм дзик пыр кутіс аддзыны да муніс Исус бӧрся.

Марк 10:52 Kruisverwysings

Псалтыр 146:8

Сійӧ вевттьӧ енэжсӧ кымӧръясӧн, мӧдӧдӧ му вылӧ зэр, керӧсъяс вылын быдтӧ турун [и мортлы сетӧ нянь].

Псалтыр 33:9

Тӧдмалӧй Господьӧс, и аддзанныд, кутшӧм Сійӧ бур! Шуда сійӧ мортыс, коді лача кутӧ Господь вылӧ.

Исай 35:5

Сэки синтӧмъяс пондасны аддзыны, пельтӧмъяс – кывны.

Матвей 11:5

– Синтӧмъяс аддзӧны, коктӧмъяс ветлӧны, проказаысь сӧстӧммӧны, пельтӧмъяс кылӧны, кулӧмаяс ловзьӧны, коньӧръяслы Бур Юӧр висьталӧны.

Матвей 12:22

Исус дінӧ вайӧдісны пеж лолӧн кутӧм мортӧс, сійӧ вӧлі синтӧм, эз вермы сёрнитны. Исус бурдӧдіс сійӧс, и сійӧ пондіс сёрнитны да аддзыны.

Матвей 15:28

Исус шуис: «Ыджыд тэнад эскӧмыд, аньӧй. Мед лоӧ тэнад кӧсйӧм сертиыд». Аньлӧн нылыс дзик пыр бурдіс.

Матвей 21:14

Крамын матыстчисны Исус дінӧ синтӧмъяс да коктӧмъяс. Исус бурдӧдаліс найӧс.

Матвей 8:3

Исус нюжӧдіс кисӧ, инмӧдчыліс сы дінӧ да шуис: «Кӧсъя. Сӧстӧммы». Висьысьлӧн дойясыс дзик пыр бырисны, сійӧ бурдіс.

Матвей 9:22

Исус бергӧдчис, аддзис аньӧс да шуис: «Эн пов, нылӧй. Эскӧмыд мездіс тэнӧ». Аньыс дзик пыр бурдіс.

Марк 1:31

Исус матыстчис ань дінӧ да киӧдыс босьтӧмӧн чеччӧдіс сійӧс. Биа висьӧмыс дзик пыр эновтіс аньӧс, и сійӧ пондіс кесъявны налы.

Марк 5:34

Исус шуис аньлы: «Нылӧй, эскӧмыд мездіс тэнӧ. Мун повтӧг да ло дзоньвидза, тэ мынін висьӧмсьыд».

Марк 8:25

Исус бара пуктыліс кисӧ сылы синмас да тшӧктіс видзӧдлыны. Синтӧм бурдіс да ставсӧ аддзис ясыда.

Лука 7:50

Исус шуис аньлы: «Эскӧмыд мездіс тэнӧ. Мун повтӧг».

Лука 9:48

Велӧдчысьясыслы шуис: «Коді Менам ним вӧсна сибӧдӧ тайӧ кагасӧ, сійӧ сибӧдӧ Менӧ. А Менӧ сибӧдысь сибӧдӧ Менӧ Мӧдӧдысьӧс. Медся ичӧтыс тіян пиысь лоас медыджыдӧн».

Иоан 9:32

Му пуксьӧмсяньыс эз на вӧв татшӧмыс, мый чужӧмсяньыс синтӧмӧс кодкӧ бурдӧдіс.

Иоан 9:39

Исус шуис: «Ме локті муюгыдас мыждыны, медым синтӧмъяс аддзисны да аддзысьяс синтӧммисны».

Ап. уджъяс 26:18

мед восьтны налысь синсӧ да бергӧдны найӧс пемыдсьыс югыдӧ, сӧтана кипод улысь Ен дінӧ, медым Меным эскӧмӧн найӧ босьтасны мыжъясысь прӧститӧмсӧ да вежа войтырлы Енсянь вичмӧдӧмасӧ”.