Марк 10:30 - Коми Библия 2023

³⁰ сылы тайӧ олӧмас на вӧтлӧмъяс дырйи керкаыс, чой-вокыс, мамыс, ныв-пиыс да видз-муыс сё пӧвстӧн бӧр воас, нӧшта локтан нэмас сылы помтӧм олӧм вичмас.

Марк 10:30 Kruisverwysings

2 Каднебӧг 25:9

Амасей юаліс Енлӧн мортлысь: «А мый лоӧ сё талант эзысьыскӧд, мыйӧн ме мынтыси израильса тышкайӧзлы?» Енлӧн морт вочавидзис: «Господь вермас сетны тэныд ёна унджык на».

Псалтыр 84:11

Буралӧмыс да збыльыс паныдасясны, веськыдлуныс да лӧньлуныс окыштчасны.

Шусьӧгъяс 16:16

Зарни дорысь бурджык мывкыдлун чӧжны, эзысь чӧжӧм дорысь бурджык вежӧрсявны.

Малакий 3:10

– Став дасӧд юкӧннытӧ вайӧй видзанінъясӧ, медым Менам керкаын вӧлі сёян. Татшӧм ногӧн тӧдмалӧй Менӧ, – висьталӧ Господь Саваоф. – Ме ӧмӧй ог восьт тіянлы енэжвыв ӧшиньяссӧ, ог ӧмӧй лышкыда кисьт тіян вылӧ бурсиӧмсӧ?

Матвей 12:32

Коді лёкӧдас Морт Пиӧс, сійӧс лоӧ прӧститӧма. Но коді лёкӧдас Вежа Лолӧс, сійӧс оз ло прӧститӧма тайӧ олӧмас, весиг локтанаас».

Матвей 13:8

Мукӧд кӧйдысыс усяс бур муӧ да ваяс уна тусь. Ӧтияс ваясны тусьсӧ сё пӧв, мӧдъяс – квайтымын пӧв, коймӧдъяс – комын пӧв.

Матвей 6:33

Медводз корсьӧй Енлысь Юралӧмсӧ да Сылысь веськыдлунсӧ, сэки тіян ставыс тайӧ лоӧ.

Лука 18:30

сылы тайӧ олӧмас на уна пӧвстӧн бӧр воас, нӧшта локтан нэмас сылы помтӧм олӧм вичмас».

Иоан 10:23

Исус ветлӧдліс крамдорса Соломон йӧрӧд.

Ап. уджъяс 14:22

Сэні найӧ ёнмӧдісны сэтчӧс велӧдчысьясӧс да тшӧктісны налы зумыда кутчысьны эскӧмас. Казьтыштісны, мый уна сьӧкыд пыр ковмас мунны, мед пырны Енлӧн Юраланінӧ.

Ап. уджъяс 16:25

Войшӧрнас Павел да Сила сьылісны да кевмысисны Енлы. Мукӧд пукалысьяс кывзісны найӧс.

Ап. уджъяс 5:41

Веськӧдлан котыр дінысь апостолъяс мунісны долыдпырысь, ӧд Господь Исуслӧн ним вӧсна найӧ шогмисны увтыртӧм туйӧ.

Римӧ 5:3

Сьӧкыдсӧ нуигӧн тшӧтш нимкодясям, ӧд тӧдам: сьӧкыдсӧ нуӧмыс чужтӧ зумыдлун,

Римӧ 6:23

Мыжыс ӧд мынтысьӧ кулӧмӧн, а Енмыс сетӧ помтӧм олӧм миян Господь Исус Кристос пытшкын.

2 Коринфӧ 6:10

Миянӧс шогӧ вӧйтӧны, а ми пыр нимкодясям. Ми гӧльӧсь, но унаӧс озырмӧдам. Миян нинӧм абу, но ставыс эм.

Филипӧ 3:8

Ставсӧ тайӧс пукта нинӧм туйӧ, ӧд Исус Кристосӧс, ассьым Господьӧс, тӧдӧм дорысь нинӧм абу ыджыдджыкыс. Кристос вӧсна эновті ставсӧ, ставсӧ лыддя ёгӧн, медым ме озырми Кристосӧн

2 Фессалоникаӧ 2:16

Ен Батьнымлы ми ёна мусаӧсь. Буралӧмыс вӧсна Сійӧ сетіс миянлы пыр кежлӧ бурӧдӧм да зумыд лача. Ачыс Исус Кристос Господьным да Ен Батьным

1 Тимофейлы 4:8

Вир-яйтӧ ёнмӧдӧмысь бурыс этша, а вежавидзана олӧмысь – уна, ӧд сійӧ сетӧ лача ӧнія да локтана олӧм вылӧ.

1 Тимофейлы 6:6

Вежавидзӧмыс збыльысь озырмӧдӧ найӧс, кодъяс олӧны нинӧм вылӧ шуасьтӧг.

Яков 1:12

Шуда сійӧ, коді вермӧ венны ыштӧдӧмсӧ, ӧд та бӧрти сылы лоӧ сетӧма Олӧмыслысь юркытш. Тайӧ юркытшсӧ Господь кӧсйысис сетны Сійӧс радейтысьяслы.

Яков 5:11

Ми лыддям шудаӧн найӧс, кодъяс зумыда сулалісны помӧдз. Ті, дерт, кывлінныд Иовлӧн зумыдлун йылысь да тӧданныд, мый дасьтіс сылы мелі да бур сьӧлӧма Господь.

1 Иоан 2:25

А Пиыс кӧсйысис сетны миянлы помтӧм олӧм.

1 Иоан 3:1

Видзӧдӧй, кутшӧм мусаӧсь ми Батьлы: Сійӧ сетіс миянлы лоны да шусьыны Енлӧн ныв-пиӧн. Муюгыдсаыс оз тӧд миянӧс, Сійӧс оз тӧд да.

Восьтӧм 2:9

Ме тӧда тэнсьыд уджъястӧ, сьӧкыдалӧмтӧ да гӧльлунтӧ, но тэ – озыр! Тӧда, кыдзи тэнӧ лёкӧдӧны найӧ, кодъяс шуӧны асьнысӧ иудейясӧн, но найӧ абу иудейяс, а сӧтаналӧн йӧз чукӧр.

Восьтӧм 3:18

Ме туйдӧда тэнӧ. Ньӧб Менсьым биын весалӧм зарни да озырмы. Ньӧб Менсьым еджыд паськӧм, медым вермин вевттьысьны, медым эз тыдав тэнӧ янӧдан пасьтӧм вир-яйыд. Ньӧб Менсьым мавтантор да мавт сыӧн синтӧ, медым аддзин.