Марк 10:1 - Коми Библия 2023

¹ Сэтысь Исус муніс Йӧрдан ю мӧдлапӧлӧд Иудея муӧ. Сы дінӧ бара чукӧртчис уна йӧз. Сійӧ велӧдіс найӧс, кыдзи пыр вӧчліс.

Марк 10:1 Kruisverwysings

Еклесиаст 12:9

Еклесиаст вӧлі мывкыд морт, сійӧ юксис тӧдӧмлуннас войтырыскӧд. Сійӧ унатор туяліс-тӧдмаліс и лӧсьӧдіс уна шусьӧг.

Еремей 32:33

Найӧ бергӧдісны Меланьӧ мышнысӧ, а эз чужӧмнысӧ. Ме выльысь и выльысь велӧдлі найӧс, но найӧ эз кывзыны, эз сибӧдны Менсьым туйдӧдӧмӧс.

Матвей 26:55

Йӧз чукӧрлы Исус шуис: «Лёк вӧчысьӧс моз зорйӧн-шыпуртӧн локтінныд босьтны Менӧ. Ме быд лун тіян крамын пукалі-велӧді, но ті энӧ босьтӧй Менӧ.

Матвей 4:23

Исус ветлӧдліс Галилея му пасьтала. Сійӧ велӧдіс синагогаясын, висьтавліс Ен Юралӧм йылысь Евангелльӧ да бурдӧдаліс йӧзӧс быд висьӧм-доймӧмысь.

Марк 1:21

Найӧ воисны Капернаум карӧ. Медводдза шойччан лунӧ Исус пырис синагогаӧ да пондіс велӧдны.

Марк 10:2

Исус дінӧ матыстчисны фарисейяс да Сійӧс кыйӧм могысь юалісны: «Позьӧ-ӧ верӧслы юксьыны гӧтырыскӧд?»

Марк 12:35

Крамын велӧдігӧн Исус шуис: «Мыйла нӧ Индӧдӧ велӧдысьяс шуӧны, Кристос пӧ Давид пи?

Марк 14:49

Ме быд лун тіян крамын велӧді, но ті энӧ босьтӧй Менӧ. Тадзи инӧны Гижӧдъяс».

Марк 2:13

Исус бара муніс ты дорӧ. Йӧзыс ставныс локтісны Сы дінӧ, и Сійӧ велӧдіс найӧс.

Марк 4:2

Исус висьталіс налы уна велӧданвисьт:

Марк 6:2

Шойччан лунӧ Сійӧ велӧдіс синагогаын. Кывзысьяс пиысь унаӧн шензьӧмӧн шуалісны: «Кытысь Сылӧн татшӧм сюсьлуныс? Мыйсяма мывкыдлун Сылы сетӧма? Сійӧ вӧчӧ татшӧм шензьӧданаторъяс!

Марк 6:34

Пыжысь чеччигӧн Исус аддзис уна йӧзӧс. Сылӧн сьӧлӧмыс нормис, ӧд найӧ вӧліны видзысьтӧг кольӧм ыжъяс кодьӧсь. Сэки Исус пондіс велӧдны найӧс, Сійӧ унатор йылысь висьталіс налы.

Марк 6:6

Йӧзлӧн эскытӧмлуныс шензьӧдіс Сійӧс. Исус ветлӧдліс матігӧгӧр сиктъясӧд да велӧдіс йӧзсӧ.

Иоан 10:40

Исус бара вуджис Йӧрдан ю мӧдлапӧлӧ, кӧні Иоан пыртліс йӧзсӧ, да кольччис сэтчӧ.

Иоан 11:7

Сэсся Исус шуис велӧдчысьясыслы: «Бӧр мунамӧй Иудеяӧ».

Иоан 18:20

Исус вочавидзис: «Ме ставсӧ висьтавлі восьсӧн. Ме велӧді иудейясӧс синагогаясын да крамын, кӧні найӧ пыр чукӧртчывлӧны. Ме нинӧм эг висьтавлы гусьӧн.