Марк 1:38 - Коми Библия 2023

³⁸ Исус шуис налы: «Мунамӧй маті сиктъясӧ. Меным тшӧтш сэні колӧ висьтавлыны Бур Юӧрсӧ, ӧд та могысь Ме локті».

Марк 1:38 Kruisverwysings

Марк 1:37

Исусӧс аддзӧм бӧрын найӧ шуисны, ставныс пӧ корсьӧны Тэнӧ.

Марк 1:39

Сійӧ ветлӧдліс Галилея му пасьтала, висьтавліс Бур Юӧр синагогаясын да вӧтлаліс пеж ловъясӧс.

Лука 2:49

Исус шуис налы: «Мыйла ті корсинныд Менӧ? Энӧ ӧмӧй тӧдӧй, мый Меным колӧ лоны Бать керкаын?»

Лука 4:43

Исус шуис налы: «Мукӧд каръясын Меным тшӧтш колӧ висьтавлыны Ен Юралӧм йылысь Бур Юӧрсӧ, ӧд та могысь Менӧ мӧдӧдӧма».

Иоан 16:28

Ме локті муюгыдас Бать дінсянь. Ӧні Ме коля муюгыдсӧ да бӧр муна Бать дінӧ».

Иоан 17:4

Му вылас олігӧн Ме восьті Тэнсьыд дзирдлунтӧ да вӧчи Меным сетӧм уджтӧ.

Иоан 17:8

Ме висьталі налы Тэнсьыд кывъястӧ. Найӧ сибӧдісны тайӧ кывъяссӧ да збыльысь тӧдӧны, мый Ме Тэсянь локті. Найӧ эскӧны, мый Тэ Менӧ мӧдӧдін.

Иоан 9:4

Ӧні, лунъюгыднас, Меным колӧ вӧчны Менӧ Мӧдӧдысьлысь уджъяссӧ. Пуксяс вой, сэки некод оз вермы уджавны.