Малакий 2:7 - Коми Библия 2023

⁷ Поплӧн вомысь мед петас Ен йылысь тӧдӧмлуныс, сысянь йӧзыс виччысьӧны велӧдӧмсӧ, сійӧ ӧд Господь Саваофсянь юӧр вайысьыс.

Малакий 2:7 Kruisverwysings

Ӧксыяслӧн 4 небӧг 16:11

Ахаз ӧксылӧн бӧрсӧ локтӧдз Урий поп вӧчис висьпуктанінсӧ дзик сійӧ серпасыс да балаыс серти, мый Ахаз ӧксы ыстыліс сылы Дамаскысь.

Ӧксыяслӧн 4 небӧг 16:16

Урий поп вӧчис ставсӧ сідзи, кыдзи тшӧктіс сылы Ахаз ӧксы.

2 Каднебӧг 30:22

Езекей висьталіс бур кывъяс левитъяслы, кодъяс бурногӧн лӧсьӧдісны Господьлы кесъялӧм. Сизим лун чӧж войтырыс сёйис-гажӧдчис, вайис бурасян висьяс да ошкис Господьӧс, асланыс батьяслысь Енсӧ.

2 Каднебӧг 31:4

Ерусалимын олысьяслы ӧксы тшӧктіс, медым найӧ сетасны попъяслы да левитъяслы олӧм вылӧ колана пай. Тадзи попъяс да левитъяс ассьыныс олӧмсӧ вермисны сины Господьлысь Индӧд збыльмӧдӧмлы.

Ездра 7:10

ӧд Ездра став сьӧлӧмсӧ пуктіс, медым тӧдны Господьлысь Индӧдсӧ, овны сы серти да велӧдны Израиль войтырӧс тшӧктӧмъясӧ да веськыда мыждӧмӧ.

Ездра 7:25

А тэ, Ездра, Енсянь сетӧм мывкыдлуныд серти сувтӧд ёрдысь-мыждысьясӧс, медым найӧ веськыда мыждасны Авар-Нахара муын олысьясӧс, кодъяс тӧдӧны тэнад Енлысь тшӧктӧмъяссӧ. А кодъяс оз тӧдны, велӧдӧй найӧс.

Шусьӧгъяс 5:2

сэки тэ видзан вежӧртӧ, вомнад висьталан тӧдӧмлунсӧ. [Эн кывзы леститчысь аньӧс.]

Еклесиаст 5:5

Эн лэдз кывйыдлы кыскыны тэнӧ мыжас, [Енлӧн] юӧртысь водзын эн шу, тӧдлытӧг пӧ тадзи артмис. Мыйла тэныд дӧзмӧдны Енсӧ кывнад, медым Сійӧ бырӧдіс ставсӧ, мый тэ вӧчин?

Исай 42:19

Коді Менам кесйӧг кодь синтӧм, коді Меӧн мӧдӧдӧм юӧртысь кодь пельтӧм, коді Меӧн бӧрйӧма кодь синтӧм, коді Господьлӧн кесйӧг кодь синтӧм?

Исай 44:26

Ме збыльмӧда сійӧ, мый юӧртіс Менам кесйӧгӧй, вӧча сійӧ, мый висьталісны Меӧн мӧдӧдӧмаяс. Ме висьтала, мый Ерусалимӧс бара лоӧ овмӧдӧма, Иуда каръясӧс выльысь лоӧ лэптӧма. Ме выльысь кыпӧда бырӧдӧм каръяс.

Еремей 15:19

Господь меным тадзи висьталіс: – Тэ кӧ бергӧдчан Ме дінӧ, Ме сибӧда тэнӧ, и тэ кутан сулавны Ме водзын. Тэ кӧ кутан висьтавны донаторсӧ, он кӧ кут сёрнитны ковтӧмсӧ, сэки тэ лоан Менам вомӧн. Йӧзыс бергӧдчасны тэ дінӧ, но тэ эн бергӧдчы на дінӧ.

Еремей 18:18

Йӧзыс шуисны: «Локтӧй, сёрнитчамӧй Еремейлы паныд. Локтӧй, лёкӧдамӧй сійӧс, огӧ кывзӧй сійӧс! Миян эм попъяслӧн велӧдӧм, мывкыда йӧзлӧн туйдӧдӧм, пророкъяслӧн кыв».

Еремей 2:8

Попъяс эз корсьны Господьӧс, Индӧдӧ велӧдысьяс эз тӧдны Менӧ, Менсьым войтырӧс видзысьяс кыпӧдчисны Меным паныд, пророкъяс пророкалісны Ваал нимсянь. Найӧ ставныс юрбитісны идолъяслы, кодъяс отсавны оз вермыны.

Езекиль 22:26

Ерусалимса попъяс торкӧны Менсьым Индӧдӧс, пежалӧны Меным сиӧм вежаторъясӧс. Найӧ оз торйӧдны, мый вежа, а мый абу вежа, оз висьтавны, мый пеж, а мый сӧстӧм. Найӧ оз тӧждысьны Менсьым шойччан лунӧс видзӧм вӧсна. Меысь вежавидзӧмыс налӧн абу.

Езекиль 7:26

Шог бӧрся шог локтӧ, юӧр бӧрся – юӧр. Найӧ кутасны виччысьны, мый висьталасны пророкъяс асланыс аддзылӧм йылысь, кӧсъясны кывны попъяслысь велӧдӧмсӧ, но велӧдӧмыс оз ло, и пӧрысьяс туйдӧдны оз вермыны.

Даниил 11:33

Израиль войтырлӧн мывкыд веськӧдлысьяс унаӧс туйдӧдасны-велӧдасны, но дженьыд кадӧн на пиысь кодсюрӧӧс виасны шыпуртӧн, сотасны, нуӧдасны пленӧ, налысь мырддясны эмбурнысӧ.

Осий 4:6

Бырӧдӧма лоӧ Менсьым войтырӧс, ӧд найӧ оз тӧдны Менӧ. Тэ нинӧмӧ пуктін тӧдӧмлунсӧ, та вӧсна Ме вешта тэнӧ Ме водзын кесъялӧмысь. Тэ вунӧдін аслад Енлысь Индӧдсӧ, а Ме вунӧда тэнсьыд ныв-питӧ.

Левит 10:11

Велӧдӧй Израиль пиянӧс став тшӧктӧмас, мый Господь висьталіс налы Мӧисей пыр».

Софоний 3:4

Сэні олысь пророкъяс – ылӧдчысь да шогмытӧм йӧз. Попъясыс пежалӧны вежаинсӧ, нинӧмӧ пуктӧны Енлысь Индӧдсӧ.

Аггей 1:13

Сэки Аггей, кодӧс Господь мӧдӧдіс, юӧртіс войтырыслы: «Ме тіянкӧд! – висьталӧ Господь».

Закар 7:3

да юавны пророкъяслысь да Господь Саваоф крамын кесъялысь попъяслысь, колӧ-ӧ миянлы витӧд тӧлысьнас видзалӧмӧн пасйыны бӧрдан лун, кыдзи уна во чӧж нин ми вӧчам.

Малакий 3:1

Ме ыста Ассьым юӧртысьӧс, сійӧ Меным туй дасьтас. Виччысьтӧг локтас Аслас крамӧ Господь, кодӧс ті корсянныд, локтас йитӧд йылысь юӧртысь, кодӧс ті виччысянныд. Со, Сійӧ локтӧ нин, – висьталӧ Господь Саваоф. –

Лыд 27:21

Нав Исус кутас шыасьны Элазар поп дінӧ, а поп кутас юасьны Господьлысь урим пыр. Господьлӧн шуӧм серти войтырыскӧд сійӧ кутас петны тышӧ, и Господьлӧн шуӧм серти бӧр локны тыш вылысь».

Иоан 13:20

Веськыда, веськыда висьтала тіянлы: коді сибӧдӧ Месянь мӧдӧдӧмаӧс, сійӧ сибӧдӧ Менӧ. А Менӧ сибӧдысь сибӧдӧ Менӧ Мӧдӧдысьӧс».

Иоан 20:21

Исус шуис налы мӧдысь: «Лӧнь олӧм тіянлы! Кыдзи Бать мӧдӧдіс Менӧ, сідзи Ме мӧдӧда тіянӧс».

Ап. уджъяс 16:17

Тайӧ аньыс вӧтчис Павел да миян бӧрся, сійӧ горзӧмӧн шуаліс: «Тайӧ йӧзыс Медвылысса Енлӧн кесйӧгъяс. Найӧ юӧртӧны миянлы, кыдзи мездмынысӧ».

2 Коринфӧ 5:20

Сідзкӧ, ми – Кристослӧн мӧдӧдӧмаяс, и Ачыс Енмыс шыасьӧ миян пыр йӧзыс дінӧ. Кристос нимӧн ми корам: бурасьӧй Енмыскӧд!

Галатӧ 4:14

Висьӧмӧй вылӧ видзӧдтӧг ті сибӧдінныд менӧ, энӧ кедзовтӧй да энӧ эновтӧй. Сибӧдінныд Ен анделӧс моз, Исус Кристосӧс моз.

Индӧд 21:5

Сэтчӧ мед локтасны попъяс, Левийсянь чужысьяс, кодъясӧс Господь, тіян Енныд, бӧрйис, медым найӧ кесъялісны Сылы да бурсиисны Сылӧн нимӧн. Ӧд быдсикас вензьӧм да дойдӧм колӧ видлавны, сэсся мыждыны попъяслӧн шуӧм серти.

Индӧд 24:8

Проказа висьӧм дырйи ставсӧ вӧчӧй [Индӧд серти], кыдзи велӧдасны тіянӧс поп-левитъяс. Ставсӧ вӧчӧй сідзи, кыдзи ме тшӧкті налы.

1 Фессалоникаӧ 4:8

Сідзкӧ, тайӧ тшӧктӧмсӧ ӧтдортысь оз мортӧс ӧтдорт, а Енсӧ, коді сетіс миянлы Ассьыс Вежа Ловсӧ.

Ӧксыяслӧн 1 небӧг 2:17

Илий пиянлӧн мыжыс Господь водзын вӧлі зэв ыджыд, ӧд найӧ эз пыдди пуктыны Господьлы вись вайӧмсӧ.