Малакий 2:17 - Коми Библия 2023

¹⁷ Ті дӧзмӧданныд Господьӧс асланыд сёрниӧн и та дырйи юасянныд, мыйӧн пӧ ми Сійӧс дӧзмӧдам. Дӧзмӧданныд сійӧн, мый шуаланныд, лёк вӧчысь пӧ шогмана Господьлы, татшӧм мортыс пӧ муса Сылы. Нӧшта дӧзмӧданныд сійӧн, мый шуаланныд, кӧні пӧ веськыда мыждысь Енмыс.

Малакий 2:17 Kruisverwysings

Иов 34:17

Енмыс кӧ мустӧмтӧ веськыдлунсӧ, вермас-ӧ Сійӧ юравны? Тэныд-ӧ мыждыны веськыд да вына Енмӧс?

Иов 34:36

Иовӧс тӧдмалӧмыс мед оз помась, ӧд сылӧн сёрниыс лёк вӧчысьлӧн кодь.

Иов 36:17

Но тэнӧ суис мыждӧм лёк вӧчӧмсьыд, и тэнӧ лоӧ веськыда мыждӧма.

Иов 9:24

Мусӧ сетӧма лёк йӧзлӧн киӧ, а Сійӧ тупкӧ ёрдысьяслысь синсӧ. Коді тайӧс вӧчӧ, оз-ӧ Енмыс?

Еклесиаст 8:11

Лёк вӧчысьӧс кӧ дзик пыр оз мыждыны, сэки сійӧ водзӧ кутас лёксӧ вӧчны.

Исай 1:14

Выль тӧлысь да гажӧдчан лунъяс пасйӧмнытӧ Ме мустӧмта. Найӧ сьӧктӧдӧны Менӧ, Ме ёна мудзи наысь.

Исай 29:15

Курыд шог налы, кодъяс ассьыныс мӧвпъяссӧ кӧсйӧны пыдӧ дзебны Господьысь. Пемыдас найӧ вӧчӧны ассьыныс уджъяссӧ, шуалӧны: «Коді аддзас миянӧс? Коді тӧдмалас миянӧс?»

Исай 30:18

Но Господь виччысьӧ, медым буравны тіян дінӧ, Сійӧ кыпӧдчӧ, медым бурсьӧлӧмтчыны тіян дінӧ. Ӧд Господь – веськыда мыждысь Ен. Шудаӧсь Сы вылӧ лача кутысьяс!

Исай 43:22

Но тэ, Яков, эн шыасьлы Ме дінӧ, эн кесъявлы Меным, Израиль.

Исай 43:24

Тэ эн ньӧблы Меным чӧскыд дука турунъяс, эн пӧткӧдлы Менӧ пемӧсъяслӧн госӧн. Но тэ сьӧктӧдлін Менӧ аслад мыжъясӧн, мудзтӧдлін Менӧ аслад лёк вӧчӧмъясӧн.

Исай 7:13

Сэки Исай шуис: «Кывзӧй, Давидлӧн рӧдыс! Тіянлы ӧмӧй этша на, мый ті йӧзсӧ сьӧктӧданныд? Ті кӧсъянныд тшӧтш менсьым Енмӧс сьӧктӧдны?

Еремей 12:1

– Господьӧй, кор ме вая ассьым могӧс Тэ водзӧ, Тэ веськыда вӧчан. Но ме юала Тэнсьыд веськыда мыждӧм йылысь. Мыйла лёк вӧчысьяслӧн ставыс артмӧ, мыйла Енсӧ эновтысьяс бура олӧны?

Еремей 15:6

Тэ эновтін Менӧ, – висьталӧ Господь, – тэ кежин Меысь. Та вӧсна Ме лэпта тэ вылӧ Ассьым киӧс да бырӧда тэнӧ, Ме мудзи тэ дінӧ буравны.

Еремей 17:15

Йӧзыс шуалӧны меным: «Господь оз збыльмӧд Ассьыс кывсӧ. Мед инас сійӧ!»

Еремей 44:22

Господь эз нин вермы терпитны тіянлысь лёк да зывӧк вӧчӧмнытӧ. Та вӧсна тіян муныд лои овтӧминӧн да повзьӧдчанторйӧн, сійӧс ёрӧма, и ӧні олысьыс сэні абу.

Езекиль 16:43

Сыысь, мый тэ вунӧдін том кадтӧ да скӧрмӧдін Менӧ аслад уджъясӧн, Ме мынтыся тэныд олан туйыд серти, – висьталӧ Господь Ыджыдыс. – Тэнад уджъясыд ӧд пежӧсь да зывӧкӧсь.

Езекиль 18:25

Ті шуанныд, Господь пӧ оз веськыда вӧч. Кывзы Менӧ, Израиль войтыр! Ме ӧмӧй ог веськыда вӧч? Ті асьныд онӧ веськыда вӧчӧй.

Езекиль 8:12

Господь шуис меным: «Морт пиӧй, аддзан-ӧ, мый Израильлӧн юрнуӧдысьясыс вӧчӧны асланыс пемыд жыръясын, кӧні серпасалӧма идолъясӧс? Найӧ шуӧны, Господь пӧ оз аддзы миянӧс, Сійӧ пӧ эновтӧма тайӧ мусӧ».

Езекиль 9:9

Господь шуис меным: «Израиль войтырлӧн да Иуда войтырлӧн мыжыс вывті ыджыд. Тайӧ муыс тырӧма вирӧн, и тайӧ карас веськыда мыждӧмыс абу. Йӧзыс шуӧны, Господь пӧ эновтӧма тайӧ мусӧ, Господь пӧ оз аддзы.

Амос 2:13

Регыд Ме личка тіянӧс, кыдзи кольта тыра тарантас личкӧ мусӧ.

Софоний 1:12

Сійӧ кадас Ме би ӧзтӧмӧн кытшовта Ерусалим, корся да мыжда найӧс, кодъяс дундӧмаӧсь вина-сурысь, кодъяс мӧвпалӧны: «Бурсӧ ни лёксӧ оз вӧч миянлы Господь».

Малакий 2:14

Ті юаланныд: «Мый понда оз сибӧд?» Сыысь, мый тэ эновтін том кадӧ босьтӧм гӧтыртӧ, кодкӧд тэнад вӧлі йитӧд. Ӧні тэ да гӧтырыд костын мыжалысьыс – Господь.

Малакий 3:8

Вермас-ӧ морт мыйкӧ гусявны Енмыслысь? А ті гусяланныд Менсьым. Ті юаланныд, мый пӧ ми гусялам Тэнсьыд. Ті гусяланныд дасӧд юкӧннытӧ да мукӧд вайӧмторсӧ.

Индӧд 32:4

Сійӧ – зумыд изйыс, Сылӧн уджъясыс тыр-бурӧсь, Сылӧн туйясыс веськыдӧсь. Сійӧ – эскана Ен, Сы пытшкын ылӧгыс абу, Сійӧ – веськыда вӧчысь Ен.

Ӧксыяслӧн 1 небӧг 2:3

Энӧ ышнясьӧй асланыд сёрниясӧн, тіян вомысь мед оз петны тшап кывъяс. Ӧд Господь эм Ен, Сійӧ ставсӧ тӧдӧ, Сійӧ веситӧ уджъяснымӧс.