Малакий 1:6 - Коми Библия 2023

⁶ – Пиыс ассьыс батьсӧ пыдди пуктӧ, кесйӧг – ассьыс ыджыдсӧ. Ме кӧ тіян Бать, мыйла ті онӧ пыдди пуктӧй Менӧ? Ме кӧ тіян Господь, кӧні Меысь вежавидзӧмныд? Тайӧс Ме, Господь Саваоф, юала тіянлысь, попъяс, кодъяс нинӧмӧ пуктанныд Менӧ. Ті юаланныд: «Мыйӧн ми нинӧмӧ пуктам Тэнӧ?»

Малакий 1:6 Kruisverwysings

Псалтыр 123:2

эз кӧ Господь вӧв миян дор, кор йӧзыс кыпӧдчисны миянлы паныд,

Петӧм 20:12

Пыдди пукты ассьыд бать-мамтӧ, медым [тэныд вӧлі бур да] олӧмыд вӧлі кузь нэма сійӧ муас, мый Господь, тэнад Енмыд, сетас тэныд.

Шусьӧгъяс 17:6

Пӧрысьыдлӧн юркытшыс – ныв-пиыслӧн ныв-пиыс, ныв-пиыдлӧн ошйысянторйыс – бать-мамыс. [Эскысьлӧн уна озырлун, эскытӧмлӧн нинӧм абу.]

Шусьӧгъяс 30:11

Курыд шог налы, кодъяс батьнысӧ ёрӧны да мамнысӧ оз бурсины.

Шусьӧгъяс 30:17

Коді сералӧ батьсӧ да мустӧмтӧ мамыслысь тшӧктӧмъяссӧ, сылысь синсӧ ковтысын кокаласны кырныш да кутшпиян.

Исай 1:2

Кывзы, енэжыс, кывзы, муыс! Господь тадзи висьталӧ: – Ме быдті челядьӧс, но найӧ кыпӧдчисны Меным паныд.

Исай 43:23

Тэ эн вайлы Меным сотан вись пыдди ыжъясӧс, вись вайӧмӧн эн пыдди пукты Менӧ. Ме эг сьӧктӧдлы тэнӧ, эг тшӧкты вайны Меным нянь, эг тшӧкты вайны чӧскыд ӧвтанторъяс.

Исай 45:10

Курыд шог сылы, коді батьсӧ шуӧ шогмытӧм батьӧн, мамсӧ шуӧ шогмытӧм чужтысьӧн.

Исай 64:7

Некод оз шыась Тэнад нимӧ, некод оз кутчысь Тэ дінӧ. Та вӧсна Тэ бергӧдін миянысь Ассьыд чужӧмтӧ, эновтін миянӧс кувны асланым мыжъясын.

Исай 64:8

Но Тэ, Господьӧй, – миян Батьным, ми – сёйыс, а Тэ – миянӧс Вӧчысьыс. Ми ставным – Тэнад киӧн вӧчӧмторъяс.

Еремей 23:11

– Пророкъяс да попъяс пежасьӧмаӧсь, весиг Аслам керкаын Ме аддза налысь лёк вӧчӧмсӧ, – висьталӧ Господь. –

Еремей 3:4

Ӧні тэ шыасян Ме дінӧ: ”Батьӧй, менам томдырсянь Тэ вӧлін менӧ туйдӧдысьӧн.

Еремей 31:9

Найӧ петасны бӧрдӧмӧн, а Ме вайӧда найӧс бурӧдӧмӧн, нуӧда найӧс визув ва дінӧ шыльыд туйӧд, кӧні найӧ оз крукасьны, ӧд Ме – Израиль войтырлӧн бать, Ефрем – Менам медводдза чужысьӧй.

Еремей 35:16

Ионадавлӧн челядьыс олӧны асланыс батьныслӧн тшӧктӧм серти, а тайӧ войтырыс оз кывзысь Менсьым.

Езекиль 22:26

Ерусалимса попъяс торкӧны Менсьым Индӧдӧс, пежалӧны Меным сиӧм вежаторъясӧс. Найӧ оз торйӧдны, мый вежа, а мый абу вежа, оз висьтавны, мый пеж, а мый сӧстӧм. Найӧ оз тӧждысьны Менсьым шойччан лунӧс видзӧм вӧсна. Меысь вежавидзӧмыс налӧн абу.

Осий 12:8

Ефрем ошйысьӧ: «Ме зэв озыр, уна эмбур аслым чукӧрті! Менам уджъясысь некод оз аддзы лёксӧ, мыжсӧ менсьым некод оз аддзы».

Осий 4:6

Бырӧдӧма лоӧ Менсьым войтырӧс, ӧд найӧ оз тӧдны Менӧ. Тэ нинӧмӧ пуктін тӧдӧмлунсӧ, та вӧсна Ме вешта тэнӧ Ме водзын кесъялӧмысь. Тэ вунӧдін аслад Енлысь Индӧдсӧ, а Ме вунӧда тэнсьыд ныв-питӧ.

Осий 5:1

– Кывзӧй, попъяс! Сюся кывзы, Израиль войтыр! Пельнытӧ чошкӧдӧй, ӧксы да тэнад котырыд! Тіянӧс лоӧ веськыда мыждӧма, ӧд ті вӧлінныд налькйӧн Миспаын, паськӧдӧм тывйӧн Тавор керӧсын.

Левит 19:3

Пыдди пуктӧй бать-мамнытӧ. Видзӧй Менсьым шойччан лунӧс. Ме – Господь, тіян Енныд.

Софоний 3:4

Сэні олысь пророкъяс – ылӧдчысь да шогмытӧм йӧз. Попъясыс пежалӧны вежаинсӧ, нинӧмӧ пуктӧны Енлысь Индӧдсӧ.

Малакий 2:1

Попъяс, тайӧ ӧлӧдӧмыс тіянлы.

Малакий 2:10

Абу-ӧ миян ставнымлӧн ӧти Бать? Эз-ӧ ӧти Ен вӧч миянӧс ставнымӧс? Мыйла, сідзкӧ, ми пӧръясьӧмӧн олам ӧта-мӧдкӧд, пежалам йитӧдсӧ, мый Енмыс кӧрталіс батьяснымкӧд?

Малакий 2:8

– Но ті кежинныд тіянлы индӧм туй вылысь, тіян велӧдӧм вӧсна унаӧн крукасисны. Ті торкинныд Менсьым йитӧдӧс, мый Ме кӧрталі Левийкӧд, – висьталӧ Господь Саваоф. –

Малакий 3:5

– Ме локта тіян дінӧ, медым мыждыны! Ме нюжмасьтӧг мыжда тунасьысьясӧс, гозъякост олӧм пежалысьясӧс, пӧръясьӧмӧн кыв сетысьясӧс, найӧс, кодъяс оз мынтысьны уджалысьлы, дзескӧдӧны дӧваӧс да батьтӧм-мамтӧмӧс, ӧтдортӧны йӧз муысь локтысьӧс – ставнысӧ, кодъяс оз повны Меысь, – висьталӧ Господь Саваоф.

Матвей 15:4

Енмыс шуӧма: ”Пыдди пукты ассьыд бать-мамтӧ”, нӧшта шуӧма: ”Омӧльтан кӧ бать-мамтӧ, тэнӧ кулӧм вылӧ мыждасны”.

Матвей 15:6

тайӧн оз торк найӧс пыдди пуктӧмсӧ. Батьяслӧн шуӧм вӧсна ті вештанныд Енлысь тшӧктӧмсӧ.

Матвей 19:19

пыдди пукты ассьыд бать-мамтӧ, радейт матыссатӧ асьтӧ моз».

Матвей 6:9

Кевмысьӧй тадзи: – Енэжвывса миян Бать, мед лоӧ вежаӧн Тэнад нимыд.

Матвей 7:21

Оз быдӧн, коді шуӧ Меным: ”Господьӧй, Господьӧй”, пыр Енэжвыв Юраланінӧ. Пырас сӧмын Менам енэжвыв Батьлӧн кӧсйӧм серти олысь.

Марк 10:19

Тэ ӧд тӧдан тшӧктӧмъяссӧ: гозъякост олӧм эн пежав, эн ви, эн гусясь, эн пӧръясь, эн мырддьы мукӧдлысь, пыдди пукты ассьыд бать-мамтӧ».

Марк 7:10

Мӧисей шуӧма: ”Пыдди пукты ассьыд бать-мамтӧ”, нӧшта шуӧма: ”Омӧльтан кӧ бать-мамтӧ, тэнӧ кулӧм вылӧ мыждасны”.

Лука 10:29

Асьсӧ дорйӧм могысь Индӧдӧ велӧдысь юаліс Исуслысь: «Коді меным матыссаыс?»

Лука 18:20

Тэ ӧд тӧдан тшӧктӧмъяссӧ: гозъякост олӧм эн пежав, эн ви, эн гусясь, эн пӧръясь, пыдди пукты ассьыд бать-мамтӧ».

Лука 6:36

Лоӧй Батьныд моз бур сьӧлӧмаӧсь».

Лука 6:46

«Мыйла ті шуанныд Меным: ”Господьӧй, Господьӧй”, но онӧ вӧчӧй Менам висьталӧм серти?

Ефесӧ 6:2

«Пыдди пукты ассьыд бать-мамтӧ» – тайӧ медводдза тшӧктӧм, кытчӧ пырӧ татшӧм кӧсйысьӧм:

Индӧд 1:31

Овтӧминын ті аддзылінныд, мый Господь, тіян Енныд, нуис тіянӧс ки вылас, кыдзи бать нуӧ ассьыс писӧ. Татчӧ вотӧдзныд Сійӧ пыр нуис тіянӧс ки вылас”.

Индӧд 32:6

Тадзи ӧмӧй тэ, мывкыдтӧм да вежӧртӧм войтыр, мынтысян Господьлы? Абу-ӧ Сійӧ тіян Бать, тіянӧс Вӧчысьыс? Сійӧ тіянӧс вӧчис да ёнмӧдіс.

Индӧд 5:16

Пыдди пукты ассьыд бать-мамтӧ, кыдзи тшӧктіс тэныд Господь, тэнад Енмыд, медым олӧмыд вӧлі кузь нэма да тэныд вӧлі бур сійӧ муас, мый Господь, тэнад Енмыд, сетас тэныд.

1 Петыр 1:17

Ті кӧ шуанныд Батьӧн Сійӧс, коді чужӧм вылӧ видзӧдтӧг мыждӧ быдӧнӧс уджъясыс серти, сідзкӧ, олӧй тайӧ му вылас Енсьыс полӧмӧн.