Малакий 1:14 - Коми Библия 2023

¹⁴ Ёрӧма пӧръясьысьӧс, коді дзоньвидза ай пемӧссӧ кӧсйысьӧ вись пыдди вайны Господьлы, но вайӧ висьысьӧс. Тӧдӧй, Ме – ыджыд Ӧксы, – висьталӧ Господь Саваоф, – и Менам нимысь полӧны войтыръяс.

Малакий 1:14 Kruisverwysings

Олӧм 27:12

Батьӧй кӧ малыштас менӧ да гӧгӧрвоас, мый ме ылӧдлі сійӧс, сэки ме ёрӧм улӧ веськала, и бурсиӧмыс оз ло меным».

Ӧксыяслӧн 2 небӧг 24:24

Но ӧксы шуис Орнанлы: «Ог босьт, ме ньӧба. Ме ог вермы вайны Господьлы, аслам Енлы, вись пыдди сійӧ, мыйысь эг вештысь». Орнанлысь гумласӧ да ӧшъяссӧ Давид ньӧбис ветымын сикель эзысьысь.

Псалтыр 102:16

Тӧв пӧльыштас, и сійӧ абу, некод оз нин казьтыв сы йылысь.

Псалтыр 47:2

Господь ыджыд! Ёна ошкӧй миянлысь Еннымӧс Сылӧн карын, Сылӧн вежа керӧс вылын!

Псалтыр 47:3

Сион керӧс мича да джуджыд, став му пасьтала нимкодясьӧны сыӧн. Керӧслӧн войвывладорын сулалӧ ыджыд Ӧксылӧн карыс.

Псалтыр 47:8

Енмӧй, асыв тӧлӧн Тэ жуглін налысь корабльяссӧ, кодъяс локтісны Фарсис карысь.

Псалтыр 48:2

Кывзӧй, войтыръяс, сюся кывзӧй, му вылас олысьяс,

Псалтыр 68:35

Мед ошкасны Господьӧс енэжыс да муыс, саридзыс да сэні став олысьыс.

Псалтыр 76:12

Но ме кута казьтывлыны Господьлӧн уджъяс йылысь, Сылӧн важся шензьӧданаторъяс йылысь.

Псалтыр 95:3

Висьтавлӧй войтыръяслы Сылӧн дзирдлуныс йылысь, быд войтырлы – Сылӧн шензьӧдана уджъясыс йылысь.

Исай 57:15

Медвылыссаыс да Меднималанаыс, пыр Олысьыс, кодлӧн нимыс – Вежа, Сійӧ тадзи висьталӧ: – Ме ола выліинын да вежаинын, но Ме матын шогӧ усьӧмаяс да рам сьӧлӧмаяс дінӧ, медым ловзьӧдны рам сьӧлӧмаясӧс да бурӧдны шогӧ усьӧмаясӧс.

Еремей 10:10

Сӧмын Господь эм збыль Енмыс, Сійӧ – ловъя Ен, помтӧг олысь Ӧксы. Сылӧн скӧралӧмысь муыс сыркакылӧ, Сылӧн ярлун водзын войтыръяс вынтӧмӧсь.

Еремей 46:18

Ме кыв сета, – висьталӧ Ӧксы, кодлӧн нимыс Господь Саваоф, – мый локтас вӧрӧг, коді керӧсъяс пӧвстын сулалысь Тавор керӧс кодь, саридз весьтын сулалысь Кармил керӧс кодь.

Еремей 48:10

Ёрӧма быдӧнӧс, коді дышпырысь кесъялӧ-уджалӧ Господьлы. Ёрӧма быдӧнӧс, коді падмӧдӧ Господьлысь шыпуртсӧ вир кисьтӧмысь.

Еремей 48:15

Моавӧс лоӧ пазӧдӧма, сылысь каръяссӧ бырӧдасны, медбур зонъяссӧ начкасны, – висьталӧ Ӧксы, кодлӧн нимыс Господь Саваоф. –

Даниил 9:4

Ме кевмыси Господьлы, аслам Енлы, да висьтаси Сылы: «Господьӧй Енмӧй, Тэ ыджыд да повзьӧдана, Тэ видзан Ассьыд йитӧдтӧ да буралӧмтӧ на дінӧ, кодъяс радейтӧны Тэнӧ да олӧны Тэнад тшӧктӧмъяс серти.

Софоний 2:11

Найӧ кутасны ёна повны Господьысь, ӧд Господь бырӧдас мувывса став енсӧ. Став йӧзыс кутасны копрасьны Господьлы, быд морт копыртчас Сылы аслас муын.

Закар 14:9

Господь лоӧ став му пасьталаыс ӧксыӧн. Сійӧ лунӧ Господь лоӧ ставныслы Енмӧн, и сӧмын Сы дінӧ пондасны шыасьны.

Малакий 1:11

Асыввылын и рытыввылын войтыръяс нимӧдӧны Менӧ, быдлаын тшынӧдчӧны Меным, вайӧны Меным сӧстӧм вись. Менӧ ыдждӧдлӧны войтыръяс, – висьталӧ Господь Саваоф. –

Малакий 1:8

Кор вись пыдди ваянныд синтӧм пемӧсӧс, абу-ӧ тайӧ лёктор? Чотысь да висьысь пемӧсӧс кор ваянныд, абу-ӧ тайӧ лёктор? Нуан кӧ татшӧм козинсӧ аслад юралысьлы, пондас-ӧ сійӧ нимкодясьны, сибӧдас-ӧ тэнӧ бурпырысь? – висьталӧ Господь Саваоф.

Малакий 2:1

Попъяс, тайӧ ӧлӧдӧмыс тіянлы.

Малакий 3:9

Ёрӧмӧн ёрӧма тіянӧс, ӧд ті, Израиль войтыр, гусяланныд Менсьым.

Матвей 24:51

Сійӧ кералас кесйӧгсӧ да шыбитас сійӧс кык бана шаньгаяс дінӧ. Сэні лоӧ бӧрдӧм да пинь йирӧм».

Матвей 5:35

Эн сет кывтӧ му водзын – сійӧ Енлӧн кок улыс. Эн сет кывтӧ Ерусалим кар водзын – сійӧ ыджыд Ӧксылӧн кар.

Марк 14:8

Тайӧ аньыс вӧчис, мый вермис: дасьтіс Менӧ дзебигкежлӧ.

Лука 12:46

Но виччысьтӧм лунӧ, лӧсявтӧм кадӧ, кесйӧглӧн ыджыдыс воас. Сійӧ кералас кесйӧгсӧ да шыбитас сійӧс эскытӧмъяс дінӧ.

2 Коринфӧ 8:12

Мортыс кӧ сетӧ сьӧлӧмсяньыс, сылысь сетӧмторсӧ донъялӧны эмлуныс серти, а оз абутӧмлуныс серти.

Индӧд 28:58

Онӧ кӧ кутӧй овны тайӧ Индӧдлӧн став кывъясыс серти, мый гижӧма тайӧ небӧгас, да онӧ кутӧй повны асланыд Господь Енлӧн пыдди пуктана да повзьӧдана нимысь,

1 Тимофейлы 6:15

Кристослысь локтӧмсӧ ас кадӧ восьтас миянлы ошкана Ен. Сійӧ – ӧти вына Веськӧдлысь, ӧксыяслӧн Ӧксыыс да ыджыдъяслӧн Ыджыдыс.

Еврейяслы 12:29

ӧд миян Енным – ставсӧ сотысь би.

Восьтӧм 15:4

Господьӧй, сюрас-ӧ сэтшӧм морт, коді оз повзьы Тэысь, коді оз ошкы Тэнсьыд нимтӧ? Ӧд Тэ ӧтнадӧн вежаыс! Войтыръяс локтасны да копыртчасны Тэ водзӧ, ӧд воссис Тэнад веськыда мыждӧмыд!

Восьтӧм 21:8

Полысьясӧс, эскытӧмъясӧс, зывӧк оласногаясӧс, морт виысьясӧс, кырсалысьясӧс, тшыкӧдчысьясӧс, идоллы юрбитысьясӧс да став ылӧдчысьсӧ лоӧ шыбитӧма биӧн да тэгйӧн сотчысь тыӧ. Тайӧ мӧд кулӧм».