Лыд 9:18 - Коми Библия 2023

¹⁸ Господьлӧн тшӧктӧм серти Израиль пиян мӧдӧдчылісны туйӧ, и Господьлӧн тшӧктӧм серти сувтлісны. Сійӧ кад чӧжыс, кор кымӧрыс сулаліс вежа чом весьтын, найӧ тшӧтш сулалісны.

Лыд 9:18 Kruisverwysings

Петӧм 17:1

Израиль пиян петісны Син овтӧминысь Господьлӧн тшӧктӧм серти. Туй костаныс найӧ сувтісны чомъяснас Рефидимӧ. Сэні налы эз вӧв юан ваыс.

Лыд 10:13

Тадзи найӧ медводдзаысь петісны туйӧ Господьлӧн тшӧктӧм серти, кыдзи вӧлі висьталӧма Мӧисей пыр.

Лыд 9:16

Тадзи пыр вӧлі: [луннас] вежа чомсӧ вевттис кымӧр, а войнас ӧзъяліс мыйкӧ би сяма.

Лыд 9:19

Кымӧрыс кӧ дыр сулаліс вежа чом весьтын, Израиль пиян Господьлысь кывзысьӧмӧн тшӧтш сулалісны.

Лыд 9:20

Кымӧрыс кӧ сӧмын кымынкӧ лун сулаліс вежа чом весьтын, сэки Господьлӧн тшӧктӧм серти войтырыс сувтліс, а сэсся Господьлӧн тшӧктӧм серти мӧдӧдчыліс туйӧ.

1 Коринфӧ 10:1

Вокъяс, кӧсъя казьтыштны тіянлы, мый миян батьяс ставныс ветлісны кымӧр улын да вуджисны саридз вомӧн.

2 Иоан 1:6

Радейтны, сідзкӧ, овны Ен тшӧктӧмъяс серти. Дзик тайӧ тшӧктӧмсӧ ті кывлінныд водзысяньыс, сы серти и колӧ овны.