Лыд 9:13 - Коми Библия 2023

¹³ Коді сӧстӧм да абу [ылі] туйын, но Ыджыд лунсӧ оз пасйы да индӧм кадӧ оз вай Господьлы висьсӧ, сійӧс лоӧ бырӧдӧма аслас войтыр пӧвстысь. Сійӧ мыжа.

Лыд 9:13 Kruisverwysings

Олӧм 17:14

Кодлысь [кӧкъямысӧд лунӧ] оз ло вундыштӧма чильган йывсьыс кучикторсӧ, сійӧс мед лоӧ ӧтдортӧма аслас войтыр пӧвстысь, ӧд сійӧ торкӧ Менсьым йитӧдӧс, мый Ме кӧрталі тіянкӧд».

Петӧм 12:15

Сизим лун чӧж сёйӧй шомтӧм нянь. Медводдза лунӧ петкӧдӧй няньшомсӧ керкасьыныд. Ӧд медводдза лунсяньыс сизимӧд лунӧдз коді кутас сёйны шоммӧдӧм нянь, сійӧс лоӧ бырӧдӧма Израиль войтыр пӧвстысь.

Петӧм 12:19

Тіян керкаясын сизим лун чӧж мед оз ло няньшомыс. Коді кутас сёйны шоммӧдӧм нянь, сійӧс лоӧ бырӧдӧма Израиль войтыр пӧвстысь, йӧз муысь локтысь-ӧ сійӧ либӧ вужвойтырысь.

Петӧм 12:47

Израиль войтырысь дзик быдӧнлы колӧ тайӧс вӧчны.

Петӧм 30:33

Коді вӧчас татшӧм выйсӧ либӧ мавтыштас бокысаӧс, сійӧс лоӧ бырӧдӧма аслас войтыр пӧвстысь».

Петӧм 30:38

Коді вӧчас аслыс татшӧм тшынӧдчанторсӧ, сійӧс лоӧ бырӧдӧма аслас войтыр пӧвстысь».

Езекиль 23:49

Ті мынтысянныд лэдзчысьӧм оласногсьыныд да идолъяслы юрбитӧмсьыныд. Ме мыжда тіянӧс тайӧ мыжъясысь, и ті тӧдмаланныд, мый Ме – Господь Ыджыдыс».

Левит 17:10

«Израиль войтыр пӧвстысь либӧ йӧз муысь локтысьяс пӧвстысь кӧ кодкӧ сёяс вир, Ме паныд сувта сылы да бырӧда сійӧс войтыр пӧвстысь,

Левит 17:4

а оз вайӧд сійӧс вежа чом пыранін дорӧ, [медым вайны сотан вись либӧ бурасян вись пыдди, мый лоӧ Господьлы шогмана чӧскыд ӧвтантор,] медым Господьлӧн оланін водзын вайны сійӧс Господьлы вись пыдди, сэки тайӧ мортыс лоӧ мыжа вир кисьтӧмысь. Сійӧс лоӧ бырӧдӧма аслас войтыр пӧвстысь.

Левит 20:20

Коді узяс тьӧткаыскӧд, сійӧ дядьсӧ янӧдӧ. Найӧ кыкнанныс лоӧны мыжаӧсь да куласны ныв-питӧг.

Левит 22:9

Попъяс мед кутчысясны Менам тшӧктӧмъясӧ. А оз кӧ, найӧ лоӧны мыжаӧсь да куласны. Ме – Господь [Ен], найӧс Вежӧдысь.

Левит 24:15

Израиль пиянлы висьтав, мый ассьыс Енсӧ омӧльтысь лоӧ мыжа.

Лыд 19:13

Коді инмӧдчылас мортлӧн шойыс дінӧ да оз сӧстӧммӧдчы, сійӧ пежалӧ Господьлысь оланінсӧ. Тайӧ мортсӧ лоӧ бырӧдӧма Израиль войтыр пӧвстысь, ӧд сійӧс абу вӧлі резӧма сӧстӧммӧдчан ваӧн. Сійӧ пеж, пежасьӧмыс кольӧ сы вылӧ.

Лыд 19:20

Но пежасьӧм морт кӧ оз сӧстӧммӧдчы, сійӧс лоӧ бырӧдӧма войтыр пӧвстысь, ӧд сійӧ пежалӧ Господьлысь вежаинсӧ. Сійӧ пеж, ӧд сӧстӧммӧдчан ванас сійӧс абу вӧлі резӧма.

Лыд 5:31

Верӧсыс абу мыжа, гӧтырыс ачыс кывкутас аслас мыж вӧсна».

Лыд 9:7

да шуисны: «Морт шой дінӧ инмӧдчылӧмысь ми лоим пежӧсь. Миянлы ӧмӧй оз позь индӧм кадӧ Израиль войтыркӧд вись вайны Господьлы?»

Еврейяслы 12:25

Видзчысьӧй, медым энӧ бергӧдчӧй тіянлы Висьталысьысь! Енмыс сёрнитіс му вылас Израиль войтыркӧд, но найӧ бергӧдчисны Сыысь. Та вӧсна найӧс вӧлі мыждӧма. Сідзкӧ, миянӧс ёнджыка на лоӧ мыждӧма, огӧ кӧ кывзӧй енэжсянь Висьталысьӧс.

Еврейяслы 2:3

сідзкӧ, мынам-ӧ ми мыждӧмсьыс, кутам кӧ нинӧм туйӧ пуктыны тайӧ ыджыдторсӧ – мездмӧмсӧ? Тайӧ мездмӧмыс йылысь медводз висьталіс Господь, сэсся Сысянь кылысьяс эскӧдісны миянӧс, мый тайӧ висьталӧмыс збыль.

Еврейяслы 9:28

Тадзи Кристос ӧтчыдысь вайис Асьсӧ вись пыдди, медым бырӧдны мыжсӧ став йӧзыслысь. Мӧдысь Сійӧ локтас оз мыж бырӧдӧм могысь, но медым мездыны найӧс, кодъяс виччысьӧны Сійӧс.