Лыд 8:8 - Коми Библия 2023

⁸ Найӧ мед вайӧдасны ӧшкӧс, и ӧшкӧд мед ваясны олив выйӧн гудралӧм шобді пызь, мый лоӧ нянь вись пыдди. А тэ вайӧд мӧд ӧшкӧс, сійӧ лоӧ мыжысь вись пыдди.

Лыд 8:8 Kruisverwysings

Петӧм 29:1

«Ааронӧс да сылысь пиянсӧ вежӧд, медым найӧ кесъялісны Меным попъясӧн. Бӧрйы ӧшкӧс да дзоньвидза кык межӧс.

Петӧм 29:3

Пукты ставсӧ ӧти кудйӧ да вай Ме водзӧ. Нӧшта вайӧд ӧшкӧс да кык межӧс.

Исай 53:10

Господьлӧн вӧлі шуӧма дойдны Сійӧс, мӧдӧдны Сылы сьӧкыдлунъяс. Но кор Сійӧ Асьсӧ ваяс мыж вештан вись пыдди, Сійӧ аддзас Сысянь чужысьясӧс, кодъяс кутасны дыр овны. Господьлӧн кӧсйӧмыс инас Сы пыр.

Левит 1:3

Сотан висьнас кӧ лоӧ гырысь пемӧс, вись вайысь мед вайӧдас дзоньвидза ӧшкӧс вежа чом пыранін дорӧ. Тадзи вись вайысь лоӧ шогмана Господьлы.

Левит 16:3

Вежаинӧ пыригӧн Аарон мед вайӧдас мыжысь вись пыдди ӧшкӧс да сотан вись пыдди межӧс.

Левит 2:1

«Коді кутас вайны Господьлы нянь вись, мед ваяс шобді пызь. Пызяс мед кисьтас олив вый да пызь вылас пуктас ладан.

Левит 4:14

Мыж вӧчӧм йылысь тӧдмалӧм бӧрын войтырлы колӧ вайны мыжысь вись пыдди ӧшкӧс. Ӧшсӧ мед вайӧдасны вежа чом водзӧ.

Левит 4:3

Мавтыштӧм поп кӧ мыж вӧчас, и сылӧн мыж вӧчӧмысь лоӧ мыжа став войтырыс, сэки сійӧ ас вӧснаыс мед ваяс Господьлы мыжысь вись пыдди дзоньвидза ӧшкӧс.

Левит 8:2

«Босьт аскӧдыд Ааронӧс да сылысь пиянсӧ, налысь попӧн кесъялан паськӧмсӧ, мавтыштан вый, мыжысь вись пыдди ваян ӧшкӧс, кык межӧс да куд тыр шомтӧм нянь.

Римӧ 8:3

Ен вӧчис сійӧ, мый эз вӧв вермана Индӧдыслы, ӧд мортлӧн тшыкӧм вир-яй вӧсна Индӧдыс вӧлі вынтӧм. Миян мыжъяс вӧсна Енмыс мӧдӧдіс Ассьыс Писӧ мыжа морт кодьӧн. Тадзи морт вир-яйын Сійӧ мыждіс мортлысь мыжсӧ,

2 Коринфӧ 5:21

Кристослӧн эз вӧв некутшӧм мыж, но Енмыс пуктіс Сы вылӧ миянлысь мыжъяснымӧс, медым Сы пыр ми лоим Ен водзын веськыдӧн.