Лыд 8:12 - Коми Библия 2023

¹² Левитъяс мед пуктыласны кинысӧ ӧшъяслы юр выланыс. Сэсся вай ӧшъясӧс Господьлы вись пыдди, ӧтисӧ – мыжысь вись пыдди, мӧдсӧ – сотан вись пыдди. Тадзи лоӧ вештӧма левитъяслысь мыжсӧ.

Лыд 8:12 Kruisverwysings

Петӧм 29:10

Вайӧд ӧшкӧс вежа чом водзӧ. Аарон да сылӧн пияныс мед пуктыласны кинысӧ ӧшлы юр вылас [Господь водзын вежа чом пыранін дорын].

Левит 1:4

Вись вайысь мед пуктылас кисӧ ӧшлы юр вылас, сэки Господь сибӧдас сылысь висьсӧ, и сылысь мыжсӧ лоӧ вештӧма.

Левит 14:22

кык гулюӧс либӧ кык гулюпиӧс, кутшӧмӧс вермас вайны. Ӧтиыс мед лоӧ мыжысь вись, а мӧдыс – сотан вись.

Левит 16:11

Аарон мед начкас ӧшкӧс да ваяс сійӧс мыжысь вись пыдди ас вӧснаыс, медым вештыны ассьыс да гортсаясыслысь мыжсӧ.

Левит 16:21

пуктылас кыкнан кисӧ сылы юр вылас да висьтасяс Израиль пиянлӧн став мыжсьыс да лёк вӧчӧмсьыс. Тадзи Аарон пуктас налысь мыжъяссӧ кӧзалы юр вылас. Сэсся мед тшӧктас торъя мортлы нуӧдны кӧзасӧ овтӧминӧ.

Левит 16:6

Сэсся Аарон ас вӧснаыс мед ваяс мыжысь вись пыдди ӧшкӧс, тадзи вештас ассьыс да гортсаясыслысь мыжсӧ.

Левит 4:15

Сэсся войтырлӧн юрнуӧдысьяс мед пуктыласны кинысӧ ӧшлы юр вылас да начкасны ӧшсӧ Господь водзын.

Левит 4:20

Ставсӧ мед вӧчас сідзи, кыдзи вӧчӧны ӧшкӧс мыжысь вись пыдди вайигӧн. Тадзи поп вештас войтырлысь мыжсӧ, и найӧс лоӧ прӧститӧма.

Левит 4:35

Мед перъялас балялысь став госсӧ бурасян вись пыдди вайӧм ыжлысь госсӧ моз да сотас висьпуктанін вылын Господьлы сотан виськӧд. Тадзи поп вештас вись вайысьлысь мыжсӧ, и сійӧс лоӧ прӧститӧма.

Левит 4:4

Ӧшсӧ мед сувтӧдас Господь водзӧ вежа чом пыранін дорӧ. Мед пуктылас кисӧ ӧшлы юр вылас, а сэсся мед начкас сійӧс Господь водзын.

Левит 5:7

Коді гӧльлун вӧсна оз вермы вайны ыжӧс, мед ваяс Господьлы мыж вештӧм могысь кык гулюӧс либӧ кык гулюпиӧс, ӧтисӧ мыжысь вись пыдди, мӧдсӧ сотан вись пыдди.

Левит 8:14

Мыжысь вись вайӧм могысь Мӧисей вайӧдіс ӧшкӧс. Аарон да сылӧн пияныс пуктылісны кинысӧ ӧшлы юр вылас.

Левит 8:15

Мӧисей начкис ӧшсӧ, сэсся чуньсӧ кӧтӧдіс ӧш вирнас да мавтыштіс висьпуктанінлысь сюръяссӧ быд боксянь, медым сӧстӧммӧдны висьпуктанінсӧ. Коляс вирсӧ койыштіс висьпуктанін улӧ. Тадзи Мӧисей вежӧдіс-сӧстӧммӧдіс висьпуктанінсӧ.

Левит 8:18

Сотан вись вайӧм могысь Мӧисей вайӧдіс межӧс. Аарон да сылӧн пияныс пуктылісны кинысӧ межлы юр вылас.

Левит 8:34

Талун мый вӧлі вӧчӧма, Господь тшӧктіс вӧчны мыжнытӧ вештӧм могысь.

Левит 9:7

Ааронлы Мӧисей шуис: «Матыстчы висьпуктанін дорӧ да вай мыжысь висьтӧ да сотан висьтӧ, медым вештыны ассьыд мыжтӧ да войтырлысь мыжсӧ. Сэсся вай войтырлысь висьсӧ, медым вештыны налысь мыжсӧ, кыдзи тшӧктіс Господь».

Лыд 6:14

Сійӧ мед ваяс Господьлы сотан вись пыдди дзоньвидза арӧса межӧс, мыжысь вись пыдди дзоньвидза арӧса ыжӧс да бурасян вись пыдди дзоньвидза межӧс,

Лыд 6:16

Тайӧ вайӧмторъяссӧ поп мед ваяс Господь водзӧ. Висьпуктанін вылын мед ваяс мыжысь вись да сотан вись.

Лыд 8:13

Сувтӧд левитъясӧс Аарон да сылӧн пияныс водзӧ да си найӧс Господьлы.

Лыд 8:8

Найӧ мед вайӧдасны ӧшкӧс, и ӧшкӧд мед ваясны олив выйӧн гудралӧм шобді пызь, мый лоӧ нянь вись пыдди. А тэ вайӧд мӧд ӧшкӧс, сійӧ лоӧ мыжысь вись пыдди.

Еврейяслы 9:22

Индӧд серти унджыкыс сӧстӧммӧ вирӧн, и вир кисьттӧг оз вермы лоны мыжсӧ прӧститӧмыс.