Лыд 6:2 - Коми Библия 2023

² «Висьтав Израиль пиянлы: айлов либӧ ань кӧ кыв сетас, мый сиас асьсӧ Господьлы – лоас назорейӧн,

Лыд 6:2 Kruisverwysings

Петӧм 33:16

Мый серти ми тӧдмалам, мый Тэ бур сьӧлӧма ме дінӧ да Аслад войтырыд дінӧ? Ог-ӧ сы серти, мый Тэ миянкӧд мунан? Ӧд сэки тыдовтчас, мый Тэ торйӧдін менӧ да Ассьыд войтыртӧ став мукӧд войтырсьыс».

Шусьӧгъяс 18:1

Асныра мортыд сӧмын асьсӧ тӧдӧ, сійӧ бур велӧдӧмлы паныд сувтӧ.

Еремей 35:6

Но найӧ вочавидзисны: «Винатӧ ми огӧ юӧй, ӧд Рекавлӧн Ионадав пиыс, миян батьным, ӧлӧдіс миянӧс: ”Некор энӧ юӧй винатӧ ни ті, ни тіян челядьныд.

Левит 20:26

Лоӧй вежаӧсь Ме водзын, ӧд Ме вежа. Ме – Господь [тіян Енныд]. Ме торйӧді тіянӧс мукӧд войтыръясысь, медым ті вӧлінныд Менам.

Левит 27:2

«Висьтав Израиль пиянлы: коді кыв сетӧмӧн мыйкӧ сиӧ Господьлы, сійӧ вермас мынтысьӧмӧн бӧр босьтны сиӧмторсӧ. А сиӧма кӧ мортӧс Господьлы,

Лыд 30:3

Коді кыв сетӧмӧн мыйкӧ кӧсйысяс Господьлы либӧ кӧсйысяс мыйыськӧ кутчысьны, сійӧ мед кывсӧ оз вудж, но мый шуис, мед вӧчас.

Лыд 6:1

Господь шуис Мӧисейлы:

Лука 1:15

Господь водзын сійӧ лоас ыджыд мортӧн, вина-сур оз кут юны, мам кынӧмас на сійӧ тырас Вежа Лолӧн.

Ап. уджъяс 18:18

Павел бура дыр на оліс Коринфын. Сэсся вокъяскӧд колльӧдчӧм бӧрын кывтіс Прискиллакӧд да Акилкӧд Сирияӧ. Кенкреяын сійӧ шырис юрсӧ, ӧд Ен водзын сылӧн кӧсйысьӧмыс помасис.

Римӧ 1:1

Гижӧ Павел, Исус Кристослӧн кесйӧг, Енмӧн корӧм апостол. Менӧ бӧрйӧма висьтавлыны Енлысь Бур Юӧрсӧ.

2 Коринфӧ 6:16

Вермасны ӧмӧй сулавны идолъяс Енлӧн крамын? Ӧд ті – ловъя Енлӧн крамыс. Енмыс шуӧ: – Овмӧдча на пытшкӧ да понда ветлыны накӧд. Ме лоа налӧн Енмӧн, а найӧ – Менам войтырӧн.

Галатӧ 1:15

Но Енмыс менӧ мам кынӧмсянь нин бӧрйӧма да Аслас буралӧмнас корӧма.

Еврейяслы 7:27

Мукӧд аркирейлы моз Сылы абу колана быд лун вись вайны медводз аслас мыжъяс вӧсна, сэсся йӧзлӧн мыжъяс вӧсна. Ӧд Сійӧ вайис нин Асьсӧ вись пыдди ӧтчыдысь да пыр кежлӧ.

Ёрдысьяс 13:14

Виноград да сыысь вӧчӧмтор мед оз сёй, вина-сур мед оз ю, пеж сёян мед оз сёй. Мед олас менам тшӧктӧм серти».

Ёрдысьяс 13:4

Сідзкӧ, вина-сур эн ю, пеж сёян эн сёй,

Ёрдысьяс 13:5

ӧд тэ сьӧктан да чужтан пиӧс, коді мам кынӧмсяньыс лоӧ Енлы торйӧдӧм назорей. Сылысь юрсисӧ шырны оз позь. Сійӧ сувтас мездыны Израильӧс филистимсаяслӧн киысь».

Ёрдысьяс 16:17

да восьтіс ассьыс гусяторсӧ: «Менсьым юрсиӧс ньӧтчыдысь на эз шырлыны, ӧд мам кынӧмсянь ме Енлы торйӧдӧм назорей. Вундыны кӧ менсьым юрсиӧс, вынӧй бырас. Ме вынтӧмма да мукӧд йӧзыс кодь лоа».

Ӧксыяслӧн 1 небӧг 1:28

Ӧні ме сета сійӧс Господьлы. Мед сійӧ кесъялас Господьлы олӧм чӧжыс». Найӧ юрбитісны сэні Господьлы.