Лыд 5:25 - Коми Библия 2023

²⁵ Поп мед босьтас ань киысь вежӧгтӧмысь вайӧм нянь висьсӧ да Господь водзын пыркӧдӧмӧн нуас сійӧс висьпуктанінӧ.

Лыд 5:25 Kruisverwysings

Петӧм 29:24

Сет ставсӧ тайӧс Ааронлы да сылӧн пияныслы кианыс, вай ставсӧ Господь водзын пыркӧдан вись пыдди.

Левит 8:27

Ставсӧ тайӧс Мӧисей сетіс Ааронлы да сылӧн пияныслы кианыс, а найӧ вайисны ставсӧ Господь водзын пыркӧдан вись пыдди.

Лыд 5:15

сэки верӧсыс мед вайӧдас гӧтырсӧ поп дінӧ. Гӧтырыс вӧсна вись пыдди мед ваяс ид пызь – ефалысь дасӧд юкӧнсӧ. Но пызяс мед оз кисьт олив вый, оз пукты сэтчӧ ладан, ӧд тайӧ вежӧгтӧмысь вайӧм нянь вись, казьтылан вайӧмтор, мый висьталӧ индӧд торкӧм йылысь.

Лыд 5:18

Господь водзӧ аньӧс сувтӧдӧм бӧрын поп мед пӧрччӧдас аньлысь юрвевттьӧдсӧ да сетас сылы киас кутны казьтылан вайӧмторсӧ – вежӧгтӧмысь вайӧм нянь висьсӧ. Поп мед босьтас киас ёрӧмсӧ вайысь курыд ва

Лыд 5:24

Та бӧрын поп мед тшӧктас аньлы юны курыд васӧ, медым ёрӧмсӧ вайысь ваыс визувтас ань пытшкӧ.

Лыд 5:26

Поп мед босьтас вайӧм нянь висьысь китыр пызь да сотас сійӧс казьтылан вись пыдди висьпуктанін вылын. Та бӧрын мед юкталас аньсӧ.