Лыд 28:9 - Коми Библия 2023

⁹ Шойччан лунӧ вайӧй вись пыдди дзоньвидза арӧса кык баляӧс. Накӧд ӧтлаын вайӧй нянь вись пыдди пычкӧм олив выйӧн гудралӧм шобді пызь – ефа мында пызьсӧ юкӧй дас пельӧ и сэтысь вайӧй кыксӧ. Нӧшта вайӧй кисьтан вись пыдди вина.

Лыд 28:9 Kruisverwysings

Ӧксыяслӧн 4 небӧг 4:23

«Мыйла талун сы дінӧ муннысӧ? – юаліс верӧсыс. – Талун ӧд абу выль тӧлысь пасъян лун и абу шойччан лун». Ань вочавидзис: «Эн тӧждысь, ставыс бур».

2 Каднебӧг 2:3

Тирса Хирам ӧксы дінӧ Соломон мӧдӧдіс йӧзӧс, медым найӧ висьталісны сылы: «Водзынджык тэ отсалін менам Давид батьлы – мӧдӧдлін сылы сус пуяс, медым вӧчны наысь аслыс керка.

2 Каднебӧг 2:4

Ӧні ме кыпӧда аслам Господь Енлы крам. Ме вежӧда-торйӧда сійӧс Господьлы, медым тшынӧдны Господь водзын чӧскыд ӧвтанторъяс, медым вайны крамӧ вежа нянь, медым рытын и асылын, шойччан лунӧ и выль тӧлысь чужигӧн да миян Господь Енлы сиӧм гажӧдчан лунъясӧ вайны сотан висьяс, кыдзи пыр кежлӧ тшӧктӧма вӧчны Израильлы.

2 Каднебӧг 8:13

Мӧисейлӧн Индӧдын урчитӧм висьяс сійӧ вайліс шойччан лунӧ, выль тӧлысь чужигӧн да куимысь вонас гажӧдчан лунъяс дырйи: Шомтӧм нянь сёян лунъясӧ, Ветымынӧд лунся гаж дырйи да Чом вӧчан лунъясӧ.

Исай 58:13

Тэ кӧ видзан коктӧ шойччан лун торкӧмысь, он кӧ ов аслад кӧсйӧм серти Менам вежа лунӧ, шуан кӧ шойччан лунсӧ олан гажӧн, пыдди пуктан кӧ Господьлысь вежа лунсӧ, видзан кӧ асьтӧ быдлунся удж вӧчӧмысь, ас кӧсйӧм серти олӧмысь да нинӧм абусӧ сёрнитӧмысь,

Езекиль 20:12

Ме инді налы шойччан лун. Тайӧ луныс лоӧ Ме да на костын пасӧн, медым найӧ тӧдісны, мый Ме – Господь, найӧс Вежӧдысь.

Езекиль 46:4

Шойччан лунӧ ӧксы мед вайӧ Господьлы сотан вись пыдди дзоньвидза квайт баляпиӧс да дзоньвидза ӧти межӧс.

Лыд 28:10

Тайӧ сотан висьсӧ вайӧй быд шойччан лунӧ быдлунся сотан висьысь да вина висьысь ӧтдор.

Лыд 28:8

Мӧд балясӧ вайӧй рытнас нянь виськӧд да вина виськӧд асъя мозыс жӧ. Вайӧй сійӧс Господьлы чӧскыда ӧвтан вись пыдди.

Восьтӧм 1:10

Господьлӧн лунӧ ме вӧлі тырӧма Лолӧн. Сэки мыш сайсянь ме кылі гора шы, тайӧ вӧлі труба шы кодь. Сійӧ шуис: «Ме эм Альфа и Омега, Медводдзаыс и Медбӧръяыс.