Лыд 28:7 - Коми Библия 2023

⁷ Ӧти баляыскӧд вайӧй кисьтан вись пыдди вина – гинлысь нёльӧд пайсӧ. Вежаинын вайӧй сійӧс кисьтан вись пыдди Господьлы.

Лыд 28:7 Kruisverwysings

Петӧм 29:40

Ӧти баляыскӧд вай пычкӧм олив выйӧн гудралӧм шобді пызь. Пызьыс мед вӧлі ефалӧн дасӧд юкӧныс, а выйыс мед вӧлі гинлӧн нёльӧд пайыс. Кисьтан вись пыдди вай вина – гинлысь нёльӧд пайсӧ.

Петӧм 29:42

Тайӧ сотан висьсӧ чужысьяссянь чужысьясӧдз пыр колӧ вайны Господь водзӧ вежа чом пыранін дорын. Вежа чомсянь Ме, Господь, кута шыасьны тіян дінӧ, кута сёрнитны тэкӧд.

Петӧм 30:9

Висьпуктанін вылын мӧдторъяс энӧ тшынӧдӧй. Энӧ вайӧй сэні сотан вись, нянь вись либӧ вина вись.

Исай 57:6

Шорбокса шыльыд изъяс – тэнад олӧмыдлӧн пайыс да шудыс. Тэ кисьтан на вылӧ вина вись, вись пыдди ваян налы нянь. Менам сьӧлӧмӧй ӧмӧй лэптас тайӧс?

Йоиль 1:13

Попъяс, пасьталӧй шогалан паськӧм да бӧрдӧй, ырзӧмӧн бӧрдӧй, висьпуктанін дорын кесъялысьяс! Пырӧй крамӧ, менам Енлы кесъялысьяс, весиг войнас энӧ пӧрччӧй шогалан паськӧмнытӧ, ӧд тіян Енлӧн крамӧ оз нин вайны нянь вись да вина вись.

Йоиль 1:9

Господьлӧн крамӧ оз нин вайны нянь вись ни вина вись. Попъяс – Господьлӧн кесъялысьяс – ыджыд шогынӧсь.

Йоиль 2:14

Гашкӧ, Сійӧ вештас скӧрлунсӧ да бурсиас, сэки ті бара верманныд вайны Господьлы, асланыд Енлы, нянь вись да вина вись.

Левит 1:9

Ӧшлысь ты-муссӧ да кокъяссӧ колӧ мыськавны ваӧн, а сэсся поп мед сотас ставсӧ висьпуктанін вылын. Тайӧ лоӧ сотан вись, Господьлы чӧскыд ӧвтантор.

Левит 23:13

Сыкӧд тшӧтш нянь вись пыдди вайӧй олив выйӧн гудралӧм шобді пызь – ефа мында пызьсӧ юкӧй дас пельӧ и сэтысь вайӧй кыксӧ. Тайӧ лоӧ Господьлы чӧскыда ӧвтан вись. Кисьтан вись пыдди вайӧй вина – гинлысь нёльӧд пайсӧ.

Лыд 15:10

Кисьтан вись пыдди вайӧй гин джын вина. Став тайӧ вайӧмторйыс – Господьлы чӧскыд ӧвтантор.

Лыд 15:5

Нӧшта вайӧй кисьтан вись пыдди вина – гинлысь нёльӧд пайсӧ быд балякӧд, мый ваянныд [Господьлы чӧскыда ӧвтысь] сотан вись либӧ начкан вись пыдди.

Лыд 15:7

Нӧшта кисьтан вись пыдди вайӧй вина – гинлысь коймӧд пайсӧ. Став тайӧ вайӧмторйыс – Господьлы чӧскыд ӧвтантор.

Лыд 28:14

Кисьтан вись пыдди вайӧй быд ӧшкӧд гин джын вина, межкӧд – гинлысь коймӧд пайсӧ, быд балякӧд – гинлысь нёльӧд пайсӧ. Во гӧгӧр чӧж быд выль тӧлысь чужигӧн вайӧй татшӧм сотан висьсӧ.

Лыд 28:31

Тайӧ висьяссӧ да накӧд кисьтан висьяссӧ вайӧй [Меным] быдлунся сотан висьысь да нянь висьысь ӧтдор. Вись пыдди вайӧм пемӧсныд мед вӧлі дзоньвидза.

Лыд 28:6

Тайӧ быдлунся сотан висьсӧ вайӧй Синай керӧсын моз. Тайӧ лоӧ Господьлы чӧскыда ӧвтан вись.

Лыд 28:8

Мӧд балясӧ вайӧй рытнас нянь виськӧд да вина виськӧд асъя мозыс жӧ. Вайӧй сійӧс Господьлы чӧскыда ӧвтан вись пыдди.

Филипӧ 2:17

Весиг ковмас кӧ кисьтны ассьым вирӧс да вайны ачымӧс вись пыдди тіян эскӧмныд вӧсна, тіянкӧд ӧтвыв кута нимкодясьны.