Лыд 28:3 - Коми Библия 2023

³ Быд лун вайӧй дзоньвидза арӧса кык баляӧс сотан вись пыдди.

Лыд 28:3 Kruisverwysings

1 Каднебӧг 16:40

Быд асыв и рыт налы колӧ вӧлі висьпуктанін вылын вайны сотан висьяс Господьлы да ставсӧ вӧчны сідзи, кыдзи гижӧма Индӧдас, мый Господь сетіс Израильлы.

2 Каднебӧг 8:13

Мӧисейлӧн Индӧдын урчитӧм висьяс сійӧ вайліс шойччан лунӧ, выль тӧлысь чужигӧн да куимысь вонас гажӧдчан лунъяс дырйи: Шомтӧм нянь сёян лунъясӧ, Ветымынӧд лунся гаж дырйи да Чом вӧчан лунъясӧ.

Ездра 3:5

Тайӧ кадсяньыс найӧ вайисны быдлунся сотан висьяс, а выль тӧлысь пасйигӧн да Господьлы сиӧм мукӧд вежа гажӧдчан лунъясӧ вайисны индӧм висьяс. Нӧшта вайисны Господьлы ас кӧсйӧм серти висьяс.

Даниил 11:31

Сійӧ мӧдӧдас ассьыс тышкайӧзсӧ, и найӧ пежаласны ыджыд да вежа крамсӧ. Найӧ дугӧдасны сэні быдлунся вись вайӧм да сувтӧдасны сэтчӧ пеж зывӧксӧ.

Даниил 12:11

Сійӧ кадсяньыс, кор дугӧдасны быдлунся вись вайӧм да сувтӧдасны крамӧ пеж зывӧксӧ, коляс сюрс да кыксё ӧкмысдас лун.

Даниил 8:11

Сюрыс ышнясьӧмӧн кыпӧдчис весиг тышкакотыръяслӧн Юралысьлы паныд, дугӧдіс йӧзсӧ Юралысьлы быдлунся вись вайӧмысь да куштіс-пазӧдіс Сылысь вежаинсӧ.

Даниил 8:13

Ме кывлі кык вежалысь сёрнисӧ. Ӧтиыс юаліс мӧдыслысь: «Дыр-ӧ на тадзи лоӧ? Быдлунся вись вайӧмсӧ дугӧдӧма, вежаинсӧ да тышкайӧзсӧ талялӧма, и лёкыс куштӧ-пазӧдӧ».

Левит 3:5

Ааронсянь чужысьяс мед сотасны тайӧс висьпуктанінын сотчысь пес вылын сотан виськӧд ӧтлаын. Тайӧ лоӧ Господьлы чӧскыда ӧвтан вись.

Левит 6:9

«Висьтав Ааронлы да сылӧн пияныслы сотан вись йылысь тайӧ индӧдсӧ. Сотан висьыс мед войбыд сотчас висьпуктанін вылын асылӧдзыс, висьпуктанінса биыс мед куслытӧг ӧзъялас.

Амос 4:4

Мунӧй Вефильӧ да водзӧ мыж вӧчӧй, мунӧй Галгалӧ да содтӧй мыж вӧчӧмнытӧ. Кӧть быд асыв вайӧй висьяснытӧ, быд куим лун мысти вайӧй дасӧд юкӧннытӧ!

Лыд 28:10

Тайӧ сотан висьсӧ вайӧй быд шойччан лунӧ быдлунся сотан висьысь да вина висьысь ӧтдор.

Лыд 28:15

Мыжысь вись пыдди вайӧй Господьлы ӧти ай кӧзаӧс. Вайӧй сійӧс да сыкӧд кисьтан вина висьсӧ быдлунся сотан висьысь ӧтдор.

Лыд 28:23

Быд асыв вайӧй тайӧ висьяссӧ быдлунся сотан висьысь ӧтдор.

Лыд 28:24

Сизимнан лун чӧжыс тадзи вӧчӧй. Тайӧ лоӧ Господьлы чӧскыда ӧвтан нянь вись. Вайӧй сійӧс да сыкӧд кисьтан вина висьсӧ быдлунся сотан висьысь ӧтдор.

Лыд 28:31

Тайӧ висьяссӧ да накӧд кисьтан висьяссӧ вайӧй [Меным] быдлунся сотан висьысь да нянь висьысь ӧтдор. Вись пыдди вайӧм пемӧсныд мед вӧлі дзоньвидза.

Лыд 28:4

Ӧти балясӧ вайӧй асывнас, мӧдсӧ – рытнас.

Лыд 29:11

Мыж вештан висьысь ӧтдор да быдлунся сотан висьысь, нянь висьысь да вина висьысь ӧтдор [мый ваянныд Господьлы чӧскыда ӧвтан вись пыдди], нӧшта вайӧй мыжысь вись пыдди ай кӧзаӧс.

Лыд 29:16

Мыжысь вись пыдди вайӧй ай кӧзаӧс. Тайӧ висьяссӧ вайӧй быдлунся сотан висьысь, нянь висьысь да вина висьысь ӧтдор.

Лыд 29:6

Ставсӧ тайӧс вайӧй Господьлы чӧскыда ӧвтан вись пыдди сотан висьысь, нянь висьысь да вина висьысь ӧтдор, мый ваянныд быд лунӧ да выль тӧлысь чужигӧн.

Иоан 1:29

Аскинас Иоан аддзис сы дінӧ локтысь Исусӧс да шуис: «Видзӧдлӧй, тайӧ Енлӧн Баля. Сійӧ вештӧ став йӧзлысь мыжъяссӧ.

Еврейяслы 9:6

Тадзи вӧлі лӧсьӧдӧма вежа чомсӧ. Воддза вежӧсас быд лун пыравлісны попъяс кесъявны Енлы.

Восьтӧм 13:8

Сылы копыртчыласны мувывса став йӧзыс, кодъяслысь нимсӧ му пуксьӧмсяньыс абу гижӧма начкӧм Балялӧн небӧгӧ – Олӧмыслӧн небӧгӧ.