Лыд 26:5 - Коми Библия 2023

⁵ Рувим вӧлі Израильлӧн медводдза чужысьыс. Рувимсянь чужисны Енок да сылӧн рӧдыс, Паллу да сылӧн рӧдыс,

Лыд 26:5 Kruisverwysings

Олӧм 29:32

Лия нӧбасис да чужтіс [Яковлы] пиӧс, пуктіс сылы Рувим ним, ӧд шуис: «Господь аддзис менсьым шогсьӧмӧс [да сетіс меным пи]. Ӧні верӧсӧй кутас радейтны менӧ».

Олӧм 35:22

Тайӧ муас Израильлӧн олігӧн Рувим узис батьыслӧн Валла кесйӧг-гӧтыркӧд. Та йылысь кыліс Израиль [да скӧрмис]. Яковлӧн вӧлі дас кык пи.

Олӧм 35:23

Лиялӧн пияныс вӧліны Рувим, Симеон, Левий, Иуда, Иссакар да Завулон. Рувим вӧлі Яковлӧн медводдза пиыс.

1 Каднебӧг 5:1

Рувим вӧлі Израильлӧн медводдза пи, но сійӧ узис аслас батьыслӧн гӧтыръяс пиысь ӧтикӧд да воштіс медводдза чужысьлысь нимсӧ. Медводдза чужысьлӧн нимыс вуджис Израильлӧн Ӧсип пиянлы.

1 Каднебӧг 5:3

Рувимлӧн, Израильлӧн медводдза пилӧн, вӧліны Енок, Паллу, Хецрон да Карми пиян.

Петӧм 6:14

Тані лыддьӧдлӧма Израиль чужанкотыръяслысь рӧдкутысьяссӧ. Израильлӧн медводдза пиыс вӧлі Рувим. Рувимлӧн пияныс: Енок, Паллу, Хецрон да Карми. Насянь паськаліс Рувимлӧн рӧдыс.

Лыд 1:20

Израильлӧн медводдза чужысь Рувим чужанкотырысь кызь арӧса да ыджыдджык арлыда айуловӧс, кодъяс вермисны петны тышӧ, вӧлі арталӧма-гижалӧма нимъяснас рӧд да котыр сертиныс.

Лыд 26:4

«Арталӧй кызь арӧса да ыджыдджык арлыда айуловӧс, кыдзи Господь тшӧктіс Мӧисейлы да Израиль пиянлы, кодъяс петісны Египет муысь».

Лыд 26:6

Хецрон да сылӧн рӧдыс, Карми да сылӧн рӧдыс.