Лыд 24:10 - Коми Библия 2023

¹⁰ Валак скӧрмис Валаам вылӧ, кинас швачкӧмӧн шуис: «Ме кори тэнӧ ёрны ассьым вӧрӧгӧс, а тэ куимысь нин бурсиин найӧс!

Лыд 24:10 Kruisverwysings

Неемий 13:2

Ӧд тайӧ войтыръясыс эз вочаавны Израиль войтырӧс ваӧн да няньӧн, а мӧдарӧ, медалісны Валаамӧс, мед ёрны найӧс. Но миян Енным бергӧдіс ёрӧмсӧ бурсиӧмӧ.

Иов 27:23

Тайӧс аддзылысь шлопнитас кинас, пондас сы вылын шутьлялӧмӧн серавны.

Езекиль 21:14

А тэ, морт пиӧй, пророкав, скӧрысь вачкы ки пыдӧсад. Шыпуртыс мед кыкысь кучкас, куимысь бырснитас, мед уна йӧзӧс виас, быд боксянь найӧс кытшалас.

Езекиль 21:17

Ме тшӧтш скӧрысь ки пыдӧсӧ вачка, став Ассьым скӧрлунӧс койышта. Тайӧс висьтала Ме, Господь».

Езекиль 22:13

Ме скӧрысь ки пыдӧсӧ вачка, ӧд тэ вир кисьтан да ылӧдлӧмӧн озырмӧдчан.

Лыд 22:11

Найӧ висьталісны, Египетысь пӧ локтіс уна лыда войтыр да вевттис став мусӧ. [Найӧ паськӧдчисны пӧ Валаклӧн му бокӧ.] Валак корӧ менӧ локны да ёрны тайӧ войтырсӧ. Сійӧ чайтӧ, мый ёрӧм бӧрын сійӧ вермас уськӧдчыны да вӧтлыны найӧс аслас му бокысь».

Лыд 22:17

Ме пӧ бурӧ пукта тэнӧ да вӧча ставсӧ, мый кӧсъян. Волы пӧ да ёр Египетысь локтӧм войтырӧс».

Лыд 22:6

Кора тэнӧ, волы да ёр тайӧ войтырсӧ, ӧд сійӧ ме дорысь ёнджык. Гашкӧ, сэсся ме верма пасьвартны да вӧтлыны найӧс татысь. Ме тӧда: кодӧс тэ бурсиан, сійӧс лоӧ бурсиӧма, а кодӧс тэ ёран, сійӧс лоӧ ёрӧма».

Лыд 23:11

Валак шуис Валаамлы: «Мый тэ мекӧд вӧчан? Ме кори тэнӧ ёрны меным паныд сувтысьясӧс, а тэ бурсиин найӧс!»

Лыд 24:11

Мун, кытысь локтін! Ме кӧсйи бурӧ пуктыны тэнӧ, но Господь эз лэдз».

Лыд 24:9

Ті воданныд да куйланныд левъяс моз. Коді лысьтас чеччӧдны тіянӧс? Тіянӧс бурсиысьясӧс лоӧ бурсиӧма, тіянӧс ёрысьясӧс – ёрӧма.

Ап. уджъяс 11:10

Тадзи вӧлі куимысь, сэсся ставсӧ бӧр кыпӧдісны енэжас.

Индӧд 23:6

Аммон да Моав войтыръяслы некор энӧ вӧчӧй бурсӧ да энӧ отсасьӧй налы.