Лыд 21:16 - Коми Библия 2023

¹⁶ Сэтысянь израильсаяс мунісны Бер юкмӧс дорӧ. Сэні Господь шуис Мӧисейлы: «Чукӧрт войтырсӧ, Ме сета налы ва».

Лыд 21:16 Kruisverwysings

Олӧм 21:19

Ен восьтіс Агарлысь синсӧ, и сійӧ аддзис ва юкмӧс. Матыстчис сэтчӧ, гумовтіс кучик дозйӧ ва да юкталіс зонкасӧ.

Петӧм 17:6

Хорив изкырта вылын Ме сувта тэ водзӧ. Тэ вачкан изкыртаӧ, и сэтысь ыльӧбтас ва. Тайӧ васӧ мед юас войтырыд». Мӧисей вӧчис тадзи израильса юрнуӧдысьяслӧн син водзын.

Исай 12:3

Ті нимкодьпырысь понданныд гумлавны васӧ мездлуныслӧн юкмӧсысь.

Исай 15:8

Налӧн бӧрдӧмыс кылӧ став Моав му пасьтала, Эглаимсянь Бер-Элимӧдз.

Исай 43:20

Шакалъяс да страусъяс пондасны ошкыны Менӧ, ӧд овтӧминын Ме сета ва, кушинын лӧсьӧда юяс, медым юктӧдны Ассьым бӧрйӧм войтырӧс.

Исай 49:10

Найӧ оз кутны тшыгъявны, налӧн оз кут косьмыны горшныс, найӧс оз пӧж шондіыс, ӧд найӧс пондас нуӧдны Сійӧ, коді бур сьӧлӧма на дінӧ, Сійӧ вайӧдас найӧс ва петанінъяс дорӧ.

Лыд 20:8

«Босьт вежа чомйысь бедьсӧ. Аарон вокыдкӧд чукӧртӧй войтырсӧ. Налӧн син водзын изкыртаыслы шуӧй, медым сетас ва. Изкыртаысь ыльӧбтас ва. Тадзи тэ юкталан войтырсӧ да налысь ыж-мӧссӧ».

Лыд 33:46

Дивон-Гадысь мунӧм бӧрын сувтісны Алмон-Дивлатаимӧ.

Иоан 4:10

Исус вочавидзис аньлы: «Тэ кӧ тӧдін Енлысь сетӧмторсӧ да Сійӧс, коді шуӧ тэныд тайӧ кывъяссӧ: ”Юктӧдышт Менӧ ванад”, тэ эськӧ ачыд корин Сылысь васӧ, и Сійӧ сетіс тэныд ловъя ва».

Иоан 4:14

Но Ме сета ва, и коді кутас юны тайӧ васӧ, сылӧн горшыс некор оз кут косьмыны. Ваыс, кодӧс Ме сета сылы, лоӧ сы пытшкын помтӧм олӧмӧ визувтысь дзулькйӧн».

Восьтӧм 21:6

Сійӧ шуис меным: «Ставсӧ вӧчӧма! Ме эм Альфа и Омега, Панасыс и Помыс. Кодлӧн косьмӧ горшыс, сійӧс дон босьттӧг юктӧда ваӧн, коді визувтӧ ловъя ва петанінысь.

Восьтӧм 22:1

Сэсся андел петкӧдліс меным ю, сэні визувтіс сӧстӧм ловъя ва. Сійӧ вӧлі крусталь кодь югыд. Ваыс петіс Енлӧн да Балялӧн юралан пуклӧссянь.

Восьтӧм 22:17

Лов да гӧтырпу шуӧны: «Лок!» Тайӧс кылысь мед тшӧтш шуӧ: «Лок!» Кодлӧн косьмӧ горшыс, мед локтӧ! Коді кӧсйӧ юны, мед босьтӧ ловъя васӧ дон мынтытӧг.

Ёрдысьяс 9:21

Тайӧс шуӧм бӧрын Иотам пышйис Авимелек воксьыс Берӧ да овмӧдчис сэтчӧ.