Лыд 19:3 - Коми Библия 2023

³ Мӧссӧ вайӧдӧй Элазар поп дінӧ. Сійӧ мед петкӧдас мӧссӧ чомъяс сайӧ [сӧстӧминӧ]. Сэні мӧссӧ мед начкасны Элазар поп дырйи.

Лыд 19:3 Kruisverwysings

Левит 16:27

Мыжысь вись пыдди вайӧм ӧшсӧ да ай кӧзасӧ, кодъяслысь вирсӧ вӧлі пыртӧма вежаинӧ сійӧс сӧстӧммӧдӧм могысь, мед нуасны чомъяс сайӧ. Кучикнас, яйнас да сювнас найӧс мед сотасны биын.

Левит 24:14

«Петкӧд тайӧ омӧльтысьсӧ чомъяс сайӧ. Найӧ, кодъяс кывлісны сылысь омӧльтӧмсӧ, мед пуктыласны кинысӧ сылы юр вылас. Сэсся став войтырыс мед изъялас сійӧс.

Левит 4:11

Ӧшлысь кучиксӧ, яйсӧ, юрсӧ, кокъяссӧ, ты-муссӧ да сювсӧ

Левит 4:12

мед петкӧдас чомъяс сайӧ сӧстӧминӧ, кытчӧ петкӧдӧны пӧим. Сэні пӧим кояланінас пес вылӧ пукталӧмӧн ставсӧ мед сотас.

Левит 4:21

Начкӧм ӧшсӧ мед петкӧдас чомъяс сайӧ да сотас, кыдзи таӧдз вӧлі тшӧктӧма сотны ӧшсӧ. Тайӧ лоӧ мыжысь вись, сійӧс колӧ вайны войтырлӧн мыж вӧсна.

Лыд 15:36

Войтырыс петкӧдіс сійӧс чомъяс сайӧ да кувтӧдзыс изъяліс, кыдзи Господь тшӧктіс Мӧисейлы.

Лыд 19:9

Но сӧстӧм морт мед чукӧртас сотӧм мӧслысь пӧимсӧ да нуас чомъяс сайӧ сӧстӧминӧ. Пӧимсӧ колӧ видзны, медым сы отсӧгӧн Израиль войтырлы позис вӧчны сӧстӧммӧдчан ва. Тайӧ мӧскыс – мыжысь вись.

Лыд 3:4

Но Господь водзӧ мӧд би вайӧм вӧсна Надав да Авиуд кулісны Господь водзын Синай овтӧминын. Налӧн эз вӧв ныв-пиыс. Аарон батьныс веськӧдлӧм улын Элазар да Итамар водзӧ кесъялісны попъясӧн.

Лыд 5:2

«Израиль пиянлы тшӧкты вӧтлыны сувтанінысь быдӧнӧс, коді висьмӧ проказаӧн, кодлӧн вир-яяс эм лёквиялӧм либӧ коді шой дінӧ инмӧдчылӧм вӧсна лоӧ пеж.