Лыд 19:18 - Коми Библия 2023

¹⁸ Сӧстӧм морт мед босьтас иссоп турун, кӧтӧдас турунсӧ тайӧ ваас да резас чомсӧ, кӧні вӧлі кулӧм морт, сэтысь став эмбур-кӧлуйсӧ да став йӧзсӧ, кодъяс вӧліны чомйын. Тадзи жӧ мед резасны мортӧс, коді инмӧдчылас морт шойлӧн лыясӧ, кулӧм либӧ виӧм морт дінӧ либӧ шой дзебанінӧ.

Лыд 19:18 Kruisverwysings

Псалтыр 51:7

Та вӧсна Енмыс дзикӧдз бырӧдас тэнӧ, босьтас да шыбитас тэнӧ аслад оланінсьыд, вужнас нетшыштас тэнӧ ловъя олысьяслӧн муысь.

Псалтыр 51:9

«Видзӧдлӧй, тайӧ мортыс эз Енсянь корсь дорйӧмсӧ, сійӧ лача кутіс аслас ыджыд озырлун вылӧ, ёнмӧдчис аслас лёк уджъясӧн».

Исай 52:15

Уна войтыр пондасны шензьыны Сы вылӧ, ӧксыяс тупкасны вомнысӧ Сы водзын, ӧд найӧ аддзасны сійӧ, мый йылысь налы эз висьтавлыны, тӧдмаласны сійӧ, мый йылысь найӧ эз кывлыны.

Лыд 19:17

Сійӧс сӧстӧммӧдӧм могысь колӧ босьтны мыжысь висьлысь пӧимсӧ, пуктыны сійӧс дозйӧ да кисьтны сэтчӧ визувтанінысь босьтӧм ва.

Лыд 19:19

Сӧстӧм морт мед коймӧд луннас да сизимӧд луннас резас пеж мортӧс, тадзи сизимӧд луннас сӧстӧммӧдас сійӧс. Сӧстӧммӧдӧм мортыс мед мыськалас ассьыс паськӧмсӧ, и ачыс мыссяс. Тайӧ рытсяньыс сійӧ лоӧ сӧстӧм.

Лыд 19:9

Но сӧстӧм морт мед чукӧртас сотӧм мӧслысь пӧимсӧ да нуас чомъяс сайӧ сӧстӧминӧ. Пӧимсӧ колӧ видзны, медым сы отсӧгӧн Израиль войтырлы позис вӧчны сӧстӧммӧдчан ва. Тайӧ мӧскыс – мыжысь вись.

Иоан 17:17

Вежӧд найӧс збыльыд пыр. Збыльыс – тайӧ Тэнад кывйыд.

Иоан 17:19

Ачымӧс Ме сета Тэныд на вӧсна, медым збыльыс вежӧдас найӧс.

1 Коринфӧ 1:30

Енмыс йитіс тіянӧс Исус Кристоскӧд, коді лои миянлы мывкыдлуннас. Сы пыр Енмыс вештысис миян вӧсна, вӧчис миянӧс веськыдӧн да вежа войтырӧн.

Еврейяслы 9:14

сідзкӧ, кымын пӧв ёнджыка сӧстӧммӧдӧ Кристослӧн вирыс! Вежа Лов вынӧн Кристос вайис Асьсӧ Енлы сӧстӧм вись пыдди. Та вӧсна Сылӧн вирыс мыськалӧ миянлысь сьӧлӧмнымӧс кулӧмӧ вайӧдысь лёк вӧчӧмсьыным, медым ми вермим кесъявны збыль да ловъя Енлы.

Еврейяслы 9:19

Израиль войтырлы Индӧдысь став тшӧктӧмсӧ лыддьӧм бӧрын Мӧисей босьтіс ӧшъяслысь да кӧзаяслысь ваӧн соралӧм вир, гӧрд вурун, иссоп турун да резіс тайӧн медводз Индӧд небӧгсӧ, сэсся став войтырсӧ.