Лыд 18:3 - Коми Библия 2023

³ Левитъяс мед отсасясны тэныд да вӧчасны вежа чом бердын став уджсӧ. Но найӧ мед оз инмӧдчыны вежа дозмук-кӧлуйӧ да висьпуктанінӧ. Инмӧдчасны кӧ, куласны, и ті накӧд тшӧтш куланныд.

Лыд 18:3 Kruisverwysings

Езекиль 44:13

Ме дінӧ налы оз позь матыстчыны, медым попъясӧн кесъявны Меным. Налы оз позь матыстчыны Меным сиӧм вежаторъяс да вежасьыс-вежаторъяс дінӧ. Найӧ мед яналасны да нуасны мыждӧмсӧ став пеж уджсьыныс.

Лыд 1:51

Левитъяс мед разясны вежа чомсӧ, кор сійӧс ковмас вуджӧдны. А Израиль войтырлӧн выль местаӧ локтӧм бӧрын левитъяс мед бара сувтӧдасны сійӧс. Бокыса морт кӧ матыстчас вежа чом дорӧ, сійӧс лоӧ виӧма.

Лыд 1:53

А левитъяс ассьыныс чомъяссӧ мед сувтӧдасны вежа чом гӧгӧр, медым Израиль войтырӧс эз су Господьлӧн скӧрлуныс. Левитъяс мед видзӧдасны вежа чом бӧрся».

Лыд 16:40

кыдзи Господь тшӧктіс Мӧисей пыр. Лямӧдӧм дозъясыс лоины Израиль пиянлы ӧлӧданпасӧн, медым Ааронсянь чужысьяс кындзи некод эз тшынӧд чӧскыд ӧвтанторъяс Господь водзын, и эз ло сідзи, кыдзи лои Корейкӧд да сылӧн йӧзыскӧд.

Лыд 18:4

Найӧ мед тэкӧд уджаласны вежа чом бердын. Но бокыса йӧзлы вежа чом дорӧ матыстчыны оз позь.

Лыд 18:7

А тэ да тэнад пияныд кесъялӧй попъясӧн висьпуктанін дорын да Вежаинын ӧшалысь дӧра сайын. Попъясӧн кесъялӧмыс – Месянь козин тіянлы. Но бокыса морт кӧ матыстчас вежа чом дорӧ, сійӧс лоӧ виӧма».

Лыд 3:25

Найӧ кывкутісны вежа чом вӧсна, сылӧн вевттьӧд да пыранінас ӧшалысь дӧра вӧсна,

Лыд 3:31

Найӧ кывкутісны-тӧждысисны Йитӧд куд вӧсна, пызан, бикок да висьпуктанінъяс вӧсна, кесъялан вежа дозмук-кӧлуй вӧсна да Вежаинын ӧшалысь дӧра вӧсна.

Лыд 3:36

Найӧ кывкутісны вежа чомлӧн брусъяс, потшъяс, сюръяяс, подувъяс да кӧлуй вӧсна, йӧр сюръяяс да налӧн подувъяс, майӧгъяс да гезъяс вӧсна, тӧждысисны вежа чом разялӧм-сувтӧдӧм вӧсна.

Лыд 31:30

Шедӧдӧмторлысь мӧд джынсӧ колӧ сетны тышӧ ветлытӧм Израиль войтырлы. Быд ветымын мортысь босьт ӧтиӧс, быд ветымын ӧш-мӧскысь – ӧтиӧс, быд ветымын осёлысь – ӧтиӧс, быд ветымын ыж-кӧзаысь – ӧтиӧс да сет левитъяслы, Господьлӧн вежа чом бердын кесъялысьяслы».

Лыд 4:15

Израиль войтырлӧн туйӧ петтӧдзыс Аарон пияныскӧд мед вевттяласны став вежа дозмук-кӧлуйсӧ. Сӧмын та бӧрын вермасны матыстчыны Кааф пиян, медым нуны вежа дозмук-кӧлуйсӧ. Найӧ кӧ инмӧдчасны вевттьытӧм вежа дозмук-кӧлуй дінӧ, куласны. Вежа чомйын кесъялан дозмук-кӧлуйсӧ колӧ новлӧдлыны Кааф пиянлы.