Лыд 18:12 - Коми Библия 2023

¹² Ме сета тэныд медбур олив вый, медбур вина да нянь тусь – ставсӧ, мый Израиль пиян вайӧны Меным асланыс медводдза босьтӧмторйысь.

Лыд 18:12 Kruisverwysings

Олӧм 27:28

Енмыс мед сетас тэныд енэжса лысва, мувыв вотӧс, уна нянь да вина.

Ӧксыяслӧн 4 небӧг 4:42

Ваал-Шалиша карысь локтіс ӧти морт да вайис Енлӧн морт Елисейлы выль воӧм нянь: пӧжалӧм кызь ид нянь да уль тусьяс кышнас. Елисей шуис кесйӧгыслы: «Сетав йӧзыслы, мед сёясны».

2 Каднебӧг 31:5

Кор тайӧ тшӧктӧмсӧ вӧлі юӧртӧма Израиль войтырлы, найӧ вайисны асланыс медводдза быдтасысь уна нянь, вина, вый, ма да мукӧдторъяс, мый быдмӧ видз-му вылын. Найӧ вайисны тшӧтш асланыс овмӧс-эмбурысь дасӧд юкӧнсӧ.

Петӧм 22:29

Энӧ ньӧжмасьӧй вайны Меным асланыд гумла вывсьыд да виноград пычканінсьыд медводдза босьтӧмторъяснытӧ. Сетӧй Меным медводдза пинытӧ.

Петӧм 23:19

Аслад му вылысь медводдза быдтасысь медбурсӧ вай аслад Господь Енлӧн керкаӧ. Эн пу кӧзапиӧс мамыслӧн йӧв пиын».

Петӧм 34:26

Аслад му вылысь медводдза быдтасысь медбурсӧ вай аслад Господь Енлӧн керкаӧ. Эн пу кӧзапиӧс мамыслӧн йӧв пиын».

Езекиль 44:30

Медводдза быдтасыс да быдсяма вайӧмторйыс вичмӧ попъяслы. Выль пызьысь медводдза пӧжаснытӧ сетӧй попъяслы, медым тіянлысь керканытӧ вӧлі бурсиӧма.

Левит 2:12

Господьлы найӧс верманныд вайны медводдза быдтаснытӧ моз, но висьпуктанін вылын чӧскыда ӧвтан вись пыдди сотнысӧ оз позь.

Левит 2:14

Кӧсъян кӧ аслад медводдза идралӧм няньысь вайны Господьлы нянь висьтӧ, вай би вылын косьтӧм бӧрын нырӧм тусь.

Левит 23:17

Быдласянь, кӧні ті оланныд, пыркӧдан вись пыдди вайӧй кык нянь. Няньсӧ кӧтӧй шобді пызьысь – ефа мында пызьсӧ юкӧй дас пельӧ и сэтысь босьтӧй кыксӧ. Шоммӧдӧм бӧрын пӧжалӧй няньсӧ. Тайӧ тіян медводдза быдтасысь Господьлы козин.

Левит 23:20

Поп мед ваяс кык балясӧ медводдза вундӧм нянькӧд Господь водзын пыркӧдан вись пыдди. Тайӧ Господьлы сиӧм вежатор, мый вичмӧ поплы [коді кесъялӧ вись вайигӧн].

Индӧд 18:3

Ыж-мӧскӧс вись пыдди вайигӧн Израиль войтыр мед сетас висьлысь пуліпомсӧ, черлысӧ да гырксӧ поплы.

Индӧд 18:4

Сетӧй поплы тшӧтш медводдза вундӧм нянь, выль вина да олив вый, а сідзжӧ нигӧн вурун.

Индӧд 26:2

сэки став быдтасысь чуктӧдӧй медводдза босьтӧмторнытӧ. Пукты медводдза босьтӧмтортӧ кудйӧ да мун сійӧ местаас, мый Господь, тэнад Енмыд, бӧръяс Аслас нимлы оланінӧн.

Индӧд 32:14

мӧс выйӧн да кӧза йӧлӧн, тшӧгӧдӧм баляпиянӧн, кӧзаясӧн да васанса межъясӧн, вердіс медбур шобдіӧн. Найӧ юисны вина – виноград тусьлысь вирсӧ.