Лыд 18:1 - Коми Библия 2023

¹ Господь шуис Ааронлы: «Тэ, пияныд да батьыдлӧн рӧдыс нуанныд мыжсӧ, вежаин йылысь тшӧктӧмъяссӧ кӧ лоӧ торкӧма. А попъясӧн кесъялӧм йылысь тшӧктӧмъяссӧ кӧ лоӧ торкӧма, сэки мыжсӧ нуан тэ пияныдкӧд.

Лыд 18:1 Kruisverwysings

Петӧм 28:38

медым сійӧ лоӧ Ааронлӧн плеш вылас. Тадзи Аарон босьтӧ ас вылас Израиль пиянлысь мыж, найӧ кӧ вежа сетӧмторъяссӧ вайигӧн кутшӧмкӧ ногӧн торкӧны Индӧдсӧ. Тайӧ зарни пӧвторйыс мед пыр лоас Ааронлӧн плеш вылас, медым Израиль пиянлӧн сетӧмторъясыс вӧліны шогманаӧсь Господьлы.

Исай 53:11

Аслас уджыс вылӧ видзӧдігӧн Сійӧ кутас нимкодясьны. Менсьым кӧсйӧмӧс тӧдӧмӧн Менам веськыда олысь Кесйӧгӧй унаӧс вӧчас веськыдӧн, босьтас Ас вылас налысь мыжъяссӧ.

Исай 53:6

Ми ставным вӧлім вошӧм ыжъяс кодьӧсь, быдӧн кежим асланым туй вылӧ, но Господь пуктіс Сы вылӧ ставнымлысь мыжъяснымӧс.

Езекиль 4:4

Вод шуйга бок вылад да босьт ас вылад Израиль войтырлысь мыжсӧ. Став кад чӧжыс, мый дыра тэ кутан куйлыны шуйга бок вылад, кутан нуны Израиль войтырлысь мыжсӧ.

Левит 10:17

«Мыйла ті энӧ сёйӧй мыжысь висьсӧ? Сійӧс колӧ вӧлі сёйны вежаинын, ӧд сійӧ – вежасьыс-вежатор. Господь индӧма сійӧс тіянлы, медым босьтінныд-вештінныд войтырлысь мыжсӧ Господь водзын.

Левит 22:16

Попъяс мед оз торкны вежа вайӧмторъяс сёйӧм йылысь тшӧктӧмсӧ, медым Израиль войтыр эз мыжмы, ӧд Ме – Господь, вайӧмторъяссӧ Вежӧдысь».

Левит 22:9

Попъяс мед кутчысясны Менам тшӧктӧмъясӧ. А оз кӧ, найӧ лоӧны мыжаӧсь да куласны. Ме – Господь [Ен], найӧс Вежӧдысь.

Лыд 14:34

Нелямын лун чӧж ті видзӧдалінныд мусӧ, и нелямын во чӧж ті понданныд нуны мыждӧмсӧ – ӧти лун пыдди ӧти во. Тадзи ті тӧдмаланныд, кутшӧм лоӧ олӧмныд, кор Ме эновта тіянӧс.

Лыд 16:10

Енмыс матыстіс Ас дінас тэнӧ да тэнсьыд вокъястӧ, Левий пиянӧс, но ті нӧшта на попъясӧн кӧсъянныд лоны!

Лыд 17:13

Быдӧн, коді матыстчас Господьлӧн вежа чом дорӧ, кулас. Ми ӧмӧй ставным кулам?»

Лыд 17:3

Левий бедь вылӧ гиж Ааронлысь нимсӧ. Быд чужанкотырлӧн юралысьлы колӧ вайны ӧти бедь.

Лыд 17:7

Мӧисей пуктіс бедьяссӧ вежа чомйӧ Господь водзӧ.

Лыд 18:11

Тэныд да ныв-пиыдлы вичмӧ Израиль пиянлӧн пыркӧдан вись. Тайӧ тшӧктӧмыс нэмъяс кежлӧ. Тэнад котырысь быдӧн, коді сӧстӧм, вермас сёйны сійӧс.

Лыд 3:6

«Левийлысь чужанкотырсӧ сувтӧд Аарон поп веськӧдлӧм улӧ. Найӧ мед отсасясны сылы.

Индӧд 10:8

Сійӧ кадас Господь торйӧдіс Левий чужанкотырӧс, медым найӧ новлӧдлісны Господьлысь Йитӧд кудсӧ, кесъялісны Господь водзын [кевмысисны] да бурсиисны Сылӧн нимӧн. И тайӧ ӧніӧдз тадзи.

Еврейяслы 13:17

Кывзысьӧй вичкоса веськӧдлысьяслысь, кывзӧй найӧс, ӧд найӧ дугдывтӧг тӧждысьӧны тіян вӧсна. Налы ковмас вочавидзны Ен водзын тіян вӧсна. Кывзысьӧй налысь, медым тайӧ уджсӧ найӧ вӧчисны долыдпырысь, а эз ышлолалӧмӧн. Ӧд таысь тіянлы бурыс оз ло.

Еврейяслы 4:15

Миян эм Аркирей, коді бура гӧгӧрвоӧ миянӧс жеблунным дырйи. Миянӧс моз Сійӧс быдторйын вӧлі ыштӧдӧма, но мыжсӧ Сійӧ эз вӧчлы.

1 Петыр 2:24

Миянлысь мыжъяснымӧс Аслас вир-яйын Сійӧ кыпӧдіс крест вылӧ, медым ми дугдім вӧчны мыжсӧ да олім веськыда. Сылӧн дойясӧн ті бурдінныд.

Ёрдысьяс 17:12

Микей сувтӧдіс том левитӧс кесъявны попӧн. Тадзи сійӧ кольччис овны Микей ордӧ.