Лыд 17:8 - Коми Библия 2023

⁸ Мӧд луннас Мӧисей пырис [Ааронкӧд] вежа чомйӧ да аддзис, мый Левий чужанкотырысь Ааронлӧн беддьыс дзоридзалӧ. Беддьыс гаръялӧма, а гаръяссьыс мыччысьӧма дзоридз да вотӧсалӧма миндаль.

Лыд 17:8 Kruisverwysings

Олӧм 40:10

куим вожаӧс. Коръясыс потісны, сэсся пуыс дзоридзаліс, та бӧрын гӧрддзасис да кисьмис вотӧсыс.

Псалтыр 110:2

Господьлӧн уджъясыс ыджыдӧсь, Сылысь уджъяссӧ радейтысьяс кӧсйӧны тӧдны найӧс.

Сьылан 2:3

– Зонъяс пӧвстын менам мусукӧй быттьӧ вӧрса пуяс костын яблӧг пу. Сылӧн вуджӧр улын меным нимкодь пукавны, сылӧн вотӧсыс юмов менам вомын.

Исай 4:2

Сійӧ лунӧ Господьлӧн петасыс петкӧдчас став аслас мичлуннас да дзирдлуннас. Мулӧн вотӧсыс лоӧ ошйысянторйӧн да мичмӧданторйӧн Израильлӧн коляс войтырлы.

Езекиль 17:24

Сэки вӧрса став пуыс тӧдмалас, мый Ме – Господь. Джуджыд пуяссӧ вӧча ляпкыдӧн, а ляпкыд пуяссӧ вӧча джуджыдӧн. Ме кӧ кӧсъя, веж пу косьмӧ, а кос пу вежӧдӧ. Тайӧс висьтала Ме, Господь. Мый шуи, вӧча».

Езекиль 19:12

Но сійӧс лёкысь нетшыштісны, шыбитісны муӧ, и асыв тӧв косьтіс сылысь вотӧссӧ. Чегъялӧм ён вожъясыс косьмисны, найӧс би ньылыштіс.

Езекиль 19:14

Сылӧн пучӧрысь ыпнитіс би, кутчысис вожъясас, ньылыштіс вотӧссӧ. Ён вожъясысь нинӧм эз коль, медым юралан бедь вӧчны. Тайӧ – бӧрдӧдчанкыв, сійӧс сьылӧны шог дырйи.

Лыд 16:5

Сэсся Корейлы да сылӧн йӧзыслы шуис: «Аски Господь петкӧдлас, коді вежа, коді Сылӧн, да кодлы Сійӧ лэдзӧ матыстчыны Ас дінас. Кодӧс Господь бӧръяс, сійӧс и лэдзас матыстчыны Ас дінас.

Лыд 17:5

Кодӧс Ме бӧръя, сылӧн беддьыс кутас дзоридзавны. Ме вӧча тадзи, медым тіян вылӧ ропкысь Израиль пиян тупкисны вомнысӧ».

Лыд 17:9

Господь водзысь Мӧисей петкӧдіс бедьяссӧ Израиль пиянлы. Бедьяссӧ видзӧдалӧм бӧрын быдӧн босьтіс ассьыс бедьсӧ.

Еврейяслы 9:4

Сэні вӧліны зарниысь вӧчӧм тшынӧдчан висьпуктанін да зарниӧн эжӧм Йитӧд куд. Тайӧ кудсӧ вӧлі быд боксянь эжӧма зарниӧн. Куд пытшкас вӧліны манна тыра зарни доз, Ааронлӧн дзоридзалысь бедь да йитӧдлӧн изпӧвъяс.