Лыд 15:4 - Коми Библия 2023

⁴ сэки тшӧтш вайӧй Господьлы нянь вись пыдди олив выйӧн гудралӧм шобді пызь. Пызьыс мед вӧлі ефалӧн дасӧд юкӧныс, а выйыс мед вӧлі гинлӧн нёльӧд пайыс.

Лыд 15:4 Kruisverwysings

Ездра 7:17

Чукӧртӧм сьӧм вылад дзик пыр ньӧб ӧшъясӧс, межъясӧс, баляясӧс, нянь да вина, сэсся Ерусалимын асланыд Енлӧн крамын висьпуктанін вылын вай найӧс вись пыдди.

Петӧм 29:40

Ӧти баляыскӧд вай пычкӧм олив выйӧн гудралӧм шобді пызь. Пызьыс мед вӧлі ефалӧн дасӧд юкӧныс, а выйыс мед вӧлі гинлӧн нёльӧд пайыс. Кисьтан вись пыдди вай вина – гинлысь нёльӧд пайсӧ.

Исай 66:20

Сэки тіянлысь вокъяснытӧ, кодъяс олӧны мукӧд войтыр пӧвстын, тарантасъяс да телегаяс вылын, вӧвъяс, мулъяс да верблюдъяс вылын ваясны козин пыдди Господьлы Ерусалимӧ, Менам вежа керӧс вылӧ, – висьталӧ Господь. – Найӧс ваясны сідзи, кыдзи Израиль войтыр сӧстӧм дозмукын вайӧ нянь Господьлӧн крамӧ.

Езекиль 46:14

Быд асыв балякӧд ӧтлаын нянь вись пыдди вайӧй Господьлы шобді пызь – ефалысь квайтӧд юкӧнсӧ, да олив вый – гинлысь коймӧд пайсӧ, медым гудравны сыӧн шобді пызьсӧ. Тайӧ тшӧктӧмсӧ лӧсьӧдӧма нэмъяс кежлӧ.

Левит 1:13

Ты-муссӧ да кокъяссӧ колӧ мыськавны ваӧн, а сэсся поп мед сотас ставсӧ висьпуктанін вылын. Тайӧ лоӧ сотан вись, Господьлы чӧскыд ӧвтантор.

Левит 14:10

Кӧкъямысӧд луннас проказаысь бурдӧм морт мед босьтас дзоньвидза [арӧса] кык межӧс да дзоньвидза арӧса ыжӧс. Нянь вись пыдди мед босьтас выйӧн гудралӧм шобді пызь да олив вый. Ефа мында пызьсӧ мед юкас дас пельӧ и сэтысь мед босьтас куимсӧ. А выйсӧ мед босьтас ӧти лог мында.

Левит 2:1

«Коді кутас вайны Господьлы нянь вись, мед ваяс шобді пызь. Пызяс мед кисьтас олив вый да пызь вылас пуктас ладан.

Левит 2:15

Тусь вылас кисьт олив вый да пуктав сы вылӧ ладан. Тайӧ лоӧ нянь вись.

Левит 23:13

Сыкӧд тшӧтш нянь вись пыдди вайӧй олив выйӧн гудралӧм шобді пызь – ефа мында пызьсӧ юкӧй дас пельӧ и сэтысь вайӧй кыксӧ. Тайӧ лоӧ Господьлы чӧскыда ӧвтан вись. Кисьтан вись пыдди вайӧй вина – гинлысь нёльӧд пайсӧ.

Левит 3:7

Вайӧ кӧ ыжӧс, мед сувтӧдас сійӧс Господь водзӧ.

Левит 6:14

«Нянь вись йылысь индӧдыс татшӧм. Нянь висьсӧ мед ваясны [попъяс] Ааронсянь чужысьяс висьпуктанін дорӧ Господь водзӧ.

Малакий 1:11

Асыввылын и рытыввылын войтыръяс нимӧдӧны Менӧ, быдлаын тшынӧдчӧны Меным, вайӧны Меным сӧстӧм вись. Менӧ ыдждӧдлӧны войтыръяс, – висьталӧ Господь Саваоф. –

Лыд 28:12

Накӧд ӧтлаын вайӧй нянь вись пыдди олив выйӧн гудралӧм шобді пызь. Ефа мында пызьсӧ юкӧй дас пельӧ, сэтысь вайӧй куимсӧ быд ӧшкӧд, кыксӧ межкӧд,

Лыд 28:4

Ӧти балясӧ вайӧй асывнас, мӧдсӧ – рытнас.

Лыд 29:6

Ставсӧ тайӧс вайӧй Господьлы чӧскыда ӧвтан вись пыдди сотан висьысь, нянь висьысь да вина висьысь ӧтдор, мый ваянныд быд лунӧ да выль тӧлысь чужигӧн.

Лыд 7:13

Сійӧ вайис козин пыдди эзысь тасьті да эзысь дозмук. Вежаинса сикель серти тасьтілӧн сьӧктаыс вӧлі сё комын сикель, дозмуклӧн – сизимдас сикель. Тасьті да дозмук тырыс вӧлі олив выйӧн гудралӧм шобді пызь, мый сійӧ вайис нянь вись пыдди.

Римӧ 15:16

кесъявны Исус Кристослы ентӧдтӧмъяс пӧвстын. Менӧ сувтӧдӧма вӧчны вежа удж: висьтавны Енлысь Бур Юӧрсӧ да вайны ентӧдтӧмъясӧс Ен водзӧ шогмана да Вежа Лолӧн вежӧдӧм вись пыдди.

Еврейяслы 13:16

Энӧ вунӧдӧй вӧчны бурсӧ, юксьӧй сійӧн, мый эм. Ӧд татшӧм висьыс шогмана Енмыслы.

Ёрдысьяс 9:9

Но сійӧ шуис: ”Менсьым выйӧс ошкӧны енъяс да йӧз. Ме кӧ кута ӧвтчыны мукӧд пуяс весьтын, дугда выйӧс сетны”.