Лыд 15:39 - Коми Библия 2023

³⁹ Тайӧ тугъясыс тіянлы сы могысь, медым на вылӧ видзӧдігӧн ті тӧд выланыд уськӧдінныд Господьлысь став тшӧктӧмсӧ да олінныд на серти. Сэки тіян сьӧлӧм кӧсйӧмныд да синлы колӧмныд оз кежӧд тіянӧс Меысь, и ті онӧ эновтӧй Менӧ.

Лыд 15:39 Kruisverwysings

Ӧксыяслӧн 3 небӧг 12:33

Аслас индӧм лунӧ – кӧкъямысӧд тӧлысьлӧн дас витӧд лунӧ – Еровам дасьтіс израильсаяслы гаж. Вефильӧ сувтӧдӧм висьпуктанін вылын сійӧ вайис висьяс да тшынӧдчис.

Иов 31:7

Менам воськовъясӧй кӧ кежисны веськыд туйысь, сьӧлӧмӧй кӧ син бӧрся вӧтчис, ки пыдӧсӧ кӧ пежыс ляксис,

Псалтыр 106:39

Но дзескӧдысь вӧсна налӧн лыдыс чинӧ, найӧ сьӧкыдалӧны да шогсьӧны.

Петӧм 13:9

Тайӧ тшӧктӧмыс мед лоӧ ки вылад да плешкад пуктӧм пас кодь, медым тэ эн вунӧд Господьлысь Индӧдсӧ, ӧд Господь [Ен] вына кинас петкӧдіс тэнӧ Египетысь.

Шусьӧгъяс 28:26

Ас вылас лача кутысь – вежӧртӧм, мывкыда олысь повтӧг ветлӧ.

Шусьӧгъяс 3:1

Пиӧй, эн вунӧд менсьым туйдӧдӧмӧс, сьӧлӧмад видз менсьым тшӧктӧмъясӧс,

Еклесиаст 11:9

Нимкодясь, зонмӧй, аслад том кадӧ, сьӧлӧмыд мед долыдасьӧ томдырйиыд. Ветлы, кытчӧ сьӧлӧмыд кыскӧ, кытчӧ синмыд видзӧдӧ, но тӧд, мый ставсьыс таысь Ен вайӧдас тэнӧ Аслас ёрд водзӧ.

Еремей 9:14

Найӧ олісны асланыс чорыд сьӧлӧмныс серти да юрбитісны Ваал идолъяслы, кыдзи велӧдісны налӧн батьясныс».

Езекиль 6:9

Сэні пленын олігӧн найӧ тӧд выланыс уськӧдасны Менӧ, кор Ме жугӧда налысь сьӧлӧмсӧ да пемдӧда налысь синсӧ. Ӧд найӧ эновтісны Менӧ да кырсалысь ань моз сетчисны идолъяслы. Та бӧрын найӧ зывӧктасны асьнысӧ став пеж вӧчӧмсьыныс

Осий 2:2

– Мыжалӧй ассьыныд мамнытӧ, мыжалӧй, ӧд сійӧ Меным абу гӧтыр, и Ме сылы абу верӧс. Мед сійӧ пӧрччас чужӧм вывсьыс кырсалысь аньлысь вевттьӧдсӧ, мед шыбитас морӧс бердсьыс гозъякост олӧм пежалысьлысь мичмӧдчанторъяссӧ.

Индӧд 29:19

Йитӧд йылысь кыв сетӧмсӧ кылӧм бӧрын татшӧм мортыс мӧвпалӧ: ”Менам ставыс лоӧ бур. Ола, кыдзи кӧсъя”. Татшӧм мортыс вӧсна бырӧдӧмыс локтас став войтырыс вылӧ.

Индӧд 4:23

Видзчысьӧй, медым энӧ вунӧдӧй асланыд Господь Енлысь йитӧдсӧ, мый Сійӧ кӧрталіс тіянкӧд, да энӧ вӧчӧй аслыныд некутшӧм бӧлбанӧс да серпасалӧм идолӧс. Та йылысь ӧлӧдіс тіянӧс Господь, тіян Енныд.

Индӧд 6:12

видзчысьӧй, медым [сьӧлӧмныд эз ылав да] ті энӧ вунӧдӧй Господьӧс, коді петкӧдіс тіянӧс Египет муысь нартитӧм улысь.

Индӧд 8:11

Видзчысьӧй, медым энӧ вунӧдӧй Господьӧс, ассьыныд Ентӧ. Олӧй Сылӧн индӧд-тшӧктӧмъяс серти, мый талун висьтала тіянлы.

Индӧд 8:14

видзчысьӧй, медым асьнытӧ вылӧ энӧ пуктӧй да энӧ вунӧдӧй Господьӧс, ассьыныд Ентӧ, ӧд Сійӧ петкӧдіс тіянӧс Египет муысь нартитӧм улысь.

Яков 4:4

Гозъякост олӧм пежалысьяс, ті ӧмӧй онӧ тӧдӧй, мый мувывсакӧд ӧтувтчысь Енлы паныд сувтӧ? Сідзкӧ, коді кӧсйӧ ӧтувтчыны мувывсакӧд, сійӧ Енлы паныд сувтӧ.