Лыд 14:2 - Коми Библия 2023

² Став Израиль войтырыс шуасис Мӧисей да Аарон вылӧ: «Бурджык, ми кӧ кулім Египетын! Бурджык, ми кӧ кулам тайӧ овтӧминас!

Лыд 14:2 Kruisverwysings

Ӧксыяслӧн 3 небӧг 19:4

ачыс муніс овтӧминӧ лунтыр мунан ылнаӧ да пуксис пу улӧ. Сэні пондіс кевмыны аслыс кулӧм: «Тырмас, Господьӧй, меным овнысӧ. Босьт менсьым лолӧс, ме ӧд абу бурджык аслам батьяс дорысь».

Иов 3:11

Мыйла ме эг чуж шойӧн, мыйла эг кув мам кынӧмысь петігӧн?

Псалтыр 106:24

Найӧ аддзисны Господьлысь уджъяссӧ, пыдӧстӧм ваысь Сылысь шензьӧданаторъяссӧ.

Псалтыр 106:25

Господь тшӧктіс, и кыптіс ыджыд тӧвныр, саридзын быгзисны гыясыс.

Петӧм 14:11

Мӧисейлы найӧ шуисны: «Египетын ӧмӧй некытчӧ вӧлі гуавны миянӧс? Та вӧсна овтӧминӧдз вайӧдін миянӧс кувнысӧ? Мый тэ вӧчин миянкӧд? Мыйла тэ петкӧдін миянӧс Египетысь?

Петӧм 15:24

Войтырыс кутіс шуасьны Мӧисей вылӧ: «Кытысь миянлы юнысӧ?»

Петӧм 17:3

Но войтырыслӧн ёна косьмис горшныс. Найӧ ӧтарӧ шуасисны Мӧисей вылӧ: «Мыйла тэ петкӧдін миянӧс Египетысь, медым ми, челядьным да ыж-мӧсным кулім ватӧгыс?»

Иона 4:3

Та вӧсна, Господьӧй, босьт менсьым лолӧс – бурджык меным кувны олӧм дорысь».

Иона 4:8

А кор петіс шонді, Ен ыстіс чизыр асыв тӧв. Шонді пӧжис Ионалысь юрсӧ. Сійӧ дзикӧдз лёшмуніс да виччысис кулӧм. Иона шуаліс: «Бурджык меным кувны олӧм дорысь».

Лыд 11:1

Войтырыс кутіс ропкыны. Господь кыліс тайӧс да ёна скӧрмис. Сувтанін помын ыпнитіс Господьлӧн би, биыс кутіс бырӧдны сувтанінсӧ.

Лыд 11:15

Татшӧм олӧм дорысь бурджык лоӧ, виан кӧ менӧ. Ло бур сьӧлӧма да ви менӧ, медым помасяс менам шогӧй!»

Лыд 11:5

Египетын миянлы дон босьттӧг чери сетлісны, сэні ми сёйлім ӧгуреч, дыня, лук турун, лук да чеснӧк.

Лыд 14:1

Став войтырыс кутіс гораа ырзӧмӧн бӧрдны. Найӧ войбыд бӧрдісны.

Лыд 14:22

мый найӧ, кодъяс аддзылісны Менсьым дзирдлунӧс да Менсьым шензьӧданаторъясӧс, мый Ме вӧчи Египетын да овтӧминын, но эз кывзысьны Менсьым да дасӧдысь нин дӧзмӧдісны Менӧ,

Лыд 16:13

Этша на тэныд сійӧ, мый тэ петкӧдін миянӧс муысь, кӧні визувтӧ йӧв да ма, мед ми тані, овтӧминас, кулім? А ӧні кӧсъян нӧшта ыджыдавны миян вылын!

Лыд 16:41

Мӧд луннас став Израиль войтыр шуасис Мӧисей да Аарон вылӧ: «Ті виинныд Господьлысь войтырсӧ!»

Лыд 17:6

Мӧисей висьталіс та йылысь Израиль пиянлы, и быд чужанкотырысь юралысь вайис сылы бедь, ставнас дас кыкӧс. Бедьяс пӧвстын вӧлі тшӧтш Ааронлӧн беддьыс.

Лыд 20:2

Войтырыслы эз вӧв ваыс. Найӧ паныд кыпӧдчисны Мӧисейлы да Ааронлы,

Лыд 20:3

шуасисны Мӧисей вылӧ: «Бурджык эськӧ вӧлі, ми кӧ тшӧтш кулім, кор вокъясным кулісны Господь водзын!

Лыд 20:4

Мыйла ті вайӧдінныд Господьлысь войтырсӧ тайӧ овтӧминас? Кӧсъянныд, медым ми да ыж-мӧсным тані кулім?

Лыд 21:5

Найӧ ропкисны Ен вылӧ да Мӧисей вылӧ, шуасисны: «Мыйла ті петкӧдінныд миянӧс Египетысь, медым овтӧминас ми кулім? Нянь ни ва тані абу! Миянлы мустӧммис тайӧ шогмытӧм сёяныс!»

1 Коринфӧ 10:10

Энӧ шуасьӧй, кыдзи шуасисны кодсюрӧ миян батьяс пӧвстысь. Сэсся Андел-Бырӧдысь виис найӧс.

Индӧд 1:27

Асланыд чомъясын ті ропкинныд: ”Господь мустӧмтӧ миянӧс. Сійӧ петкӧдіс миянӧс Египет муысь, медым сетны миянӧс аморейяслӧн киӧ да бырӧдны миянӧс.

Индӧд 9:23

А кор Господь, тіян Енныд, мӧдӧдіс тіянӧс Кадеш-Варниысь да тшӧктіс мунны да босьтны мусӧ, мый Сійӧ сетас тіянлы, ті пыксинныд Сылӧн тшӧктӧмлы, энӧ эскӧй Сылы да энӧ кывзысьӧй Сылысь.

Еврейяслы 3:16

Ӧд Енлысь гӧлӧс шысӧ кылысьяс пиысь кодсюрӧ кыпӧдчисны Енмыслы паныд, но эз ставныс, кодъяс петісны Мӧисейкӧд Египетысь.

Иуда 1:16

Тайӧ йӧзыс век шуасьӧны да элясьӧны. Найӧ олӧны асланыс лёк кӧсйӧмныс серти да Индӧд торкалӧмӧн. Найӧ тшапа сёрнитӧны да ошкӧны мукӧдсӧ, медым аслыныс мыйкӧ курыштны.