Лыд 12:13 - Коми Библия 2023

¹³ Мӧисей шыасис Господь дінӧ: «Енмӧй, кора Тэнӧ, бурдӧд сійӧс!»

Лыд 12:13 Kruisverwysings

Олӧм 20:17

Ӧвраам кевмысис Енлы, и Ен бурдӧдіс Авимелекӧс, сылысь гӧтырсӧ да кесйӧг аньяссӧ. Найӧ бара вермисны чужтыны.

Ӧксыяслӧн 3 небӧг 13:6

Еровам ӧксы шыасис Енлӧн морт дінӧ: «Кевмысь ме вӧсна аслад Господь Енлы, медым Сійӧ бурсьӧлӧмтчас ме дінӧ да бурдӧдас менсьым киӧс». Енлӧн морт кевмысис Господьлы, и ӧксылӧн киыс бурдіс да пондіс важ мозыс куснясьны.

Псалтыр 30:2

Господьӧй, Тэ вылӧ лача кута, ме некор ог янав. Аслад веськыдлуныд вӧсна мезды менӧ!

Псалтыр 41:4

Лун и вой ме пӧткӧдча аслам синваӧн, ӧд быд лун менсьым юасьӧны, кӧні пӧ тэнад Енмыд.

Петӧм 15:26

Ен шуис: «Ті кӧ кутанныд кывзыны асланыд Господь Енлысь гӧлӧс шысӧ да вӧчны Сы водзын шогманасӧ, кутанныд кӧ кывзыны Сылысь индӧд-тшӧктӧмъяссӧ да овны на серти, Ме ог мӧдӧд тіян вылӧ весиг ӧти висьӧм, кутшӧмӧс мӧдӧдлі Египет вылӧ, ӧд Ме – Господь [тіян Енныд], тіянӧс Бурдӧдысь».

Петӧм 4:7

Господь шуис: «Китӧ бӧр сюй питшӧгад». Мӧисей бара сюйис кисӧ питшӧгас. Сэсся перйис кисӧ, и киыс бӧр лои вир-яйыс кодь сӧстӧм.

Исай 30:26

Сэки тӧлысьлӧн югыдыс лоӧ шонділӧн кодь, а шонділӧн югыдыс лоӧ сизимпӧв югыдджык на, быттьӧ сизим лунлӧн югыдыс. Тадзи лоӧ сійӧ лунӧ, кор Господь кӧрталас Аслас войтырлысь дойяссӧ да бурдӧдас найӧс.

Еремей 17:14

Господьӧй, бурдӧд менӧ, и ме бурда. Мезды менӧ, и ме мездма, ӧд ме ошка Тэнӧ!

Лыд 11:2

Войтырыс шыасис Мӧисей дінӧ. Мӧисей кевмысис Господьлы, и биыс кусіс.

Лыд 12:12

Эн лэдз, медым Мирьям коли пузчужӧм кага шой кодь, коді мам кынӧмсьыс петігас джынвыйӧ сісьмӧма нин».

Лыд 14:2

Став Израиль войтырыс шуасис Мӧисей да Аарон вылӧ: «Бурджык, ми кӧ кулім Египетын! Бурджык, ми кӧ кулам тайӧ овтӧминас!

Лыд 16:41

Мӧд луннас став Израиль войтыр шуасис Мӧисей да Аарон вылӧ: «Ті виинныд Господьлысь войтырсӧ!»

Лука 23:34

Исус кевмис: «Батьӧй, прӧстит тайӧ йӧзсӧ, ӧд найӧ оз тӧдны, мый вӧчӧны». Шыпуртаяс пудъясьӧмӧн юкисны Исуслысь паськӧмсӧ.

Лука 6:28

бурсиӧй тіянӧс ёрысьясӧс да кевмысьӧй тіянӧс ӧтдортысьяс вӧсна.

Ап. уджъяс 7:60

Сэсся пидзӧс вылас усьӧмӧн гораа горӧдіс: «Господьӧй, эн мыжды найӧс таысь». Тайӧс шуӧм бӧрын Степанлӧн лолыс петіс.

Римӧ 12:21

Эн сет лёкыслы вермыны тэнӧ, но вермы лёксӧ бурнас.

Яков 5:15

Сэки эскӧмӧн кевмысьӧмыс отсалас висьысьлы, и Господь бурдӧдас сійӧс. А вӧчис кӧ сійӧ мыжъяс, сылысь мыжъяссӧ лоӧ прӧститӧма.

Ӧксыяслӧн 1 небӧг 12:23

Ме ог лэдз ачымӧс мыж вӧчны Господьлы паныд – ог дугды кевмысьны тіян вӧсна. Ме веськӧда тіянӧс бур да веськыд туй вылӧ.

Ӧксыяслӧн 1 небӧг 15:11

«Ме чорыда жалита, мый пукті Саулӧс ӧксыӧ. Сійӧ бергӧдчис Меысь да эз вӧч Менам тшӧктӧм серти». Самуил шогӧ усис. Войбыд сійӧ кевмысис Господьлы.