Лыд 1:53 - Коми Библия 2023

⁵³ А левитъяс ассьыныс чомъяссӧ мед сувтӧдасны вежа чом гӧгӧр, медым Израиль войтырӧс эз су Господьлӧн скӧрлуныс. Левитъяс мед видзӧдасны вежа чом бӧрся».

Лыд 1:53 Kruisverwysings

1 Каднебӧг 23:32

Налы колӧ вӧлі видзны вежа чом да вежаин, колӧ вӧлі отсасьны Ааронсянь чужысьяслы, асланыс вокъяслы, Господьлӧн крамын кесъялӧм дырйи.

2 Каднебӧг 13:10

Но миян Енным – Господь, ми эгӧ эновтлӧй Сійӧс. Господьлы кесъялӧны Ааронсянь чужысь попъяс, и левитъяс тшӧтш вӧчӧны ассьыныс уджнысӧ.

2 Каднебӧг 13:11

Быд асыв да рыт найӧ вайӧны Господьлы сотан висьяс да тшынӧдӧны чӧскыд ӧвтанторъяс. Найӧ пуктӧны вежа нянь сӧстӧм пызан вылӧ да быд рыт ӧзтӧны зарни бикок вылын сулалысь би дозъяс. Ми ставсӧ вӧчам асланым Господь Енлӧн индӧд серти, а ті эновтінныд Сійӧс.

Еремей 23:15

Господь Саваоф ерусалимса пророкъяс йылысь тадзи висьталӧ: Ме верда найӧс курыд быдмӧгӧн, юктӧда найӧс яд сора ваӧн, ӧд ерусалимса пророкъяссянь пежыс паськаліс став тайӧ му пасьталаыс.

Еремей 5:31

пророкъяс юӧртӧны ылӧгсӧ, попъяс веськӧдлӧны ас кӧсйӧм сертиныс, и Менам войтырлы тайӧ сьӧлӧм сертиныс. Но та бӧрти мый виччысьӧ тіянӧс?

Левит 10:6

Ааронлы, сылӧн Элазар да Итамар пиянлы Мӧисей шуис: «Паськӧмнытӧ энӧ косялӧй, юрнытӧ вевттьӧй, медым ті энӧ кулӧй, и став войтырыс мед эз веськав Енлӧн скӧрлун улӧ. Но тіян вокъясныд, став Израиль войтыр, мед бӧрдасны на вӧсна, кодъясӧс Господь сотіс.

Лыд 1:50

Левитъяслы тшӧкты тӧждысьны вежа чом вӧсна да вежаинса став дозмук-кӧлуй вӧсна. Найӧ мед новлӧдласны вежа чомсӧ да вежаинса став дозмук-кӧлуйсӧ. Найӧ мед кесъяласны вежа чомйын, и ассьыныс чомъяссӧ мед сувтӧдасны вежа чом гӧгӧр.

Лыд 1:54

Израиль пиян ставсӧ вӧчисны сідзи, кыдзи Господь тшӧктіс Мӧисейлы.

Лыд 16:46

Мӧисей шуис Ааронлы: «Босьт тшынӧдчан доз да пукты сэтчӧ висьпуктанінысь ӧгырсӧ, пукты тшӧтш тшынӧдчантор да тэрмасьӧмӧн ну дозсӧ войтыр дінӧ. Вешты налысь мыжсӧ, ӧд Господь скӧрмис, и бырӧдӧмыс заводитчис нин».

Лыд 16:9

Тіянлы ӧмӧй этша на сійӧ, мый Израильлӧн Ен торйӧдіс тіянӧс Израиль войтыр пӧвстысь да матыстіс Ас дінас, медым ті кесъялінныд Господьлӧн вежа чом бердын да [Господьлӧн] войтырлы?

Лыд 17:7

Мӧисей пуктіс бедьяссӧ вежа чомйӧ Господь водзӧ.

Лыд 2:17

Левитъяс асланыс котыръясӧн туйӧ петіганыс мед сувтасны чужанкотыръяс шӧракостӧ да нуасны вежа чомсӧ. Кыдзи чужанкотыръяс чомъяснас паськӧдчӧны сувтанінын, сідзи найӧ сьӧрсьӧн-бӧрсьӧн мед петасны туйӧ асланыс дӧрапас улын.

Лыд 3:23

Гирсонлӧн рӧдъяслы ассьыныс чомъяснысӧ колӧ вӧлі сувтӧдны вежа чом сайӧ рытыввылӧ.

Лыд 3:29

Каафлӧн рӧдъяслы ассьыныс чомъяснысӧ колӧ вӧлі сувтӧдны вежа чомсянь лунвывладорӧ.

Лыд 3:35

Мерарисянь чужысьясӧн веськӧдліс Абихайллӧн Цуриэл пиыс. Ассьыныс чомъяснысӧ налы колӧ вӧлі сувтӧдны вежа чомсянь войвывладорӧ.

Лыд 3:38

Вежа чом водзӧ асыввылӧ сувтӧдісны чомъяссӧ Мӧисей да Аарон пияныскӧд, кодъяс Израиль пиян пыдди кывкутісны вежаин вӧсна. Вежа чом дорӧ матыстчысь бокыса мортӧс колӧ вӧлі вины.

Лыд 31:30

Шедӧдӧмторлысь мӧд джынсӧ колӧ сетны тышӧ ветлытӧм Израиль войтырлы. Быд ветымын мортысь босьт ӧтиӧс, быд ветымын ӧш-мӧскысь – ӧтиӧс, быд ветымын осёлысь – ӧтиӧс, быд ветымын ыж-кӧзаысь – ӧтиӧс да сет левитъяслы, Господьлӧн вежа чом бердын кесъялысьяслы».

Лыд 31:47

Израиль войтырлы вичмӧдӧм быд ветымын мортысь да ветымын ыж-мӧскысь Мӧисей босьтіс ӧтиӧс да сетіс левитъяслы, Господьлӧн вежа чом бердын кесъялысьяслы, кыдзи Господь тшӧктіс Мӧисейлы.

Лыд 8:19

да сета найӧс Ааронлы да сылӧн пияныслы. Левитъяс мед кесъяласны вежа чомйын Израиль пиян пыдди налысь мыжсӧ вештӧм могысь. Тадзи вежа чом дорӧ матыстчиганыс Израиль пиянӧс оз су бырӧдӧмыс».

2 Тимофейлы 4:2

ло дась висьтавны Енлысь кывсӧ лӧсялан и лӧсявтӧм кадӧ. Бур велӧдысь моз терпитӧмӧн янӧд, ӧлӧд да туйдӧд.

Ӧксыяслӧн 1 небӧг 6:19

[Бет-Шемешын олысьяс пиысь Еконейлӧн рӧдыс эз нимкодясь Господьлысь кудсӧ аддзылӧмысь.] Куд пытшкӧ видзӧдлӧмысь Господь бырӧдіс Бет-Шемеш карысь ветымын сюрс сизимдас мортӧс. Сэтчӧс олысьяс ырзӧмӧн бӧрдісны, ӧд Господь чорыда мыждіс найӧс.