Лыд 1:2 - Коми Библия 2023

² «Арталӧй израильса став айуловсӧ да гижалӧй нимъяснас чужанкотыр да рӧд сертиныс.

Лыд 1:2 Kruisverwysings

Петӧм 12:37

Израиль войтыр петіс Рамсесысь да мӧдӧдчис Суккотӧ. Аньясӧс да ныв-писӧ артавтӧг пода мортыс вӧлі квайтсё сюрс гӧгӧр.

Петӧм 30:12

«Израиль пиянлысь лыдсӧ арталігад мед быдӧн ас пондаыс вештысяс Господьлы. Сэки найӧс оз ло бырӧдӧма арталӧм вӧсна.

Петӧм 38:25

Йӧзӧс арталігӧн чукӧртісны сё талант да сюрс сизимсё сизимдас вит сикель эзысь вежаинса сикель серти.

Петӧм 38:26

Кызь арӧса да ыджыдджык арлыда айуловысь, кодъясӧс вӧлі арталӧма-гижалӧма, быдӧн мынтіс сикель джын вежаинса сикель серти. Налӧн лыдыс вӧлі квайтсё куим сюрс витсё ветымын морт.

Лыд 1:18

да мӧд тӧлысьлӧн медводдза лунӧ чукӧртісны став войтырсӧ. Арталӧма-гижалӧма вӧлі кызь арӧса да ыджыдджык арлыда айуловӧс чужанкотыр да рӧд сертиныс.

Лыд 1:19

Мӧисей арталіс-гижаліс израильса айуловӧс Синай овтӧминын, кыдзи Господь тшӧктіс сылы.

Лыд 1:22

Симеон чужанкотырысь кызь арӧса да ыджыдджык арлыда айуловӧс, кодъяс вермисны петны тышӧ, вӧлі арталӧма-гижалӧма нимъяснас рӧд да котыр сертиныс.