Лука 9:48 - Коми Библия 2023

⁴⁸ Велӧдчысьясыслы шуис: «Коді Менам ним вӧсна сибӧдӧ тайӧ кагасӧ, сійӧ сибӧдӧ Менӧ. А Менӧ сибӧдысь сибӧдӧ Менӧ Мӧдӧдысьӧс. Медся ичӧтыс тіян пиысь лоас медыджыдӧн».

Лука 9:48 Kruisverwysings

Шусьӧгъяс 18:12

Озырлы аслас эмбурыс изкар кодь, озырлуныс сылы джуджыд потшӧс кодь.

Матвей 18:10

«Кывзӧй, тайӧ ичӧтъясысь весиг ӧтикӧс энӧ ӧтдортӧй. Висьтала тіянлы: енэжын налӧн анделъясныс век енэжвыв Батьлӧн чужӧмбан водзынӧсь.

Матвей 18:14

Тадзи енэжвыв Батьныд оз кӧсйы, медым тайӧ ичӧтъясысь весигтӧ ӧти вошис».

Матвей 19:28

Исус шуис: «Веськыда висьтала тіянлы: выль олӧмын Морт Пи пуксяс дзирдлуныслӧн юралан пуклӧсӧ. Тшӧтш ті, Ме бӧрся мунысьяс, пуксянныд дас кык юралан пуклӧсӧ мыждыны израильса дас кык чужанкотырӧс.

Матвей 25:40

Ӧксы шуас налы: ”Веськыда висьтала тіянлы: тайӧс кӧ ті вӧчинныд Менам ичӧт вокъясысь ӧтилы, сідзкӧ, вӧчинныд Меным”.

Матвей 25:45

Сійӧ вочавидзас: ”Веськыда висьтала тіянлы: тайӧс кӧ ті энӧ вӧчӧй ичӧтъяс пиысь ӧтилы, сідзкӧ, энӧ вӧчӧй Меным”.

Марк 9:37

«Коді Менам ним вӧсна сибӧдӧ ӧти татшӧм кагаӧс, сійӧ сибӧдӧ Менӧ. А Менӧ сибӧдысь сибӧдӧ Менӧ Мӧдӧдысьӧс, оз сӧмын Менӧ».

Лука 10:16

Тіянӧс кывзысь Менӧ кывзӧ, тіянӧс ӧтдортысь Менӧ ӧтдортӧ, а Менӧ ӧтдортысь ӧтдортӧ Менӧ Мӧдӧдысьӧс».

Лука 14:11

Ӧд асьсӧ вылӧ пуктысьӧс лэдзасны, асьсӧ улӧ пуктысьӧс кыпӧдасны».

Лука 22:26

Но ті тадзи энӧ вӧчӧй. Тіян пиысь ыджыдыс мед лоас ичӧт. Юралысь кӧ, мед лоас кесъялысьӧн.

Лука 22:30

Менам Юраланінын ті понданныд сёйны-юны Мекӧд ӧти пызан сайын да пуксянныд юралан пуклӧсӧ мыждыны израильса дас кык чужанкотырӧс».

Лука 7:28

Висьтала тіянлы: му вылын чужысь пророкъясысь эз вӧвлы Пыртысь Иоанысь ыджыдджыкыс, но Енлӧн Юраланінын медічӧтыс сы дорысь ыджыдджык.

Иоан 13:20

Веськыда, веськыда висьтала тіянлы: коді сибӧдӧ Месянь мӧдӧдӧмаӧс, сійӧ сибӧдӧ Менӧ. А Менӧ сибӧдысь сибӧдӧ Менӧ Мӧдӧдысьӧс».

Иоан 14:21

Коді видзӧ сьӧлӧмас Менсьым тшӧктӧмъясӧс да олӧ на серти, сійӧ радейтӧ Менӧ. Коді Менӧ радейтӧ, сійӧс Менам Батьӧй радейтӧ. Ме сійӧс тшӧтш радейта да восся сылы».

1 Фессалоникаӧ 4:8

Сідзкӧ, тайӧ тшӧктӧмсӧ ӧтдортысь оз мортӧс ӧтдорт, а Енсӧ, коді сетіс миянлы Ассьыс Вежа Ловсӧ.

1 Петыр 5:6

Сідзкӧ, раммӧдчӧй Енлӧн вына кипод улӧ, и ас кадӧ Сійӧ кыпӧдас тіянӧс.

Восьтӧм 21:14

Карыслӧн стенмыс подуласис дас кык из вылӧ, а изъяс вылас вӧлі гижӧма Балялӧн дас кык апостоллысь нимъяссӧ.

Восьтӧм 3:21

Ме лои Вермысьӧн да пукси Аслам Батькӧд орччӧн Сылӧн пуклӧсӧ. Сідзкӧ, вермысьӧс ме тшӧтш пуксьӧда Аскӧд орччӧн Менам пуклӧсӧ.