Лука 8:35 - Коми Библия 2023

³⁵ Йӧзыс петісны видзӧдлыны лоӧмторсӧ. Найӧ локтісны Исус дінӧ да аддзисны сійӧ мортсӧ, код пытшкысь петісны пеж ловъяс. Сійӧ вӧлі ас вежӧрас, пукаліс Исуслӧн кок дорын паськӧма. Йӧзыс ёна повзисны.

Лука 8:35 Kruisverwysings

Псалтыр 51:10

А ме Енлӧн керкаын вежӧдысь олив пу кодь, лача кута Енлӧн буралӧмыс вылӧ нэмъяс чӧж.

Исай 53:12

Та вӧсна Ме сета Сылы пай ыджыдъяс пӧвстын, тышын шедӧдӧмасӧ Сійӧ пондас юкны вынаяскӧд, ӧд Сійӧ сетіс Асьсӧ кулӧм вылӧ, Сійӧс пуктісны лёк вӧчысьяс лыдӧ. Сійӧ босьтіс Ас вылас уна йӧзлысь мыжъяссӧ, кевмысис лёк вӧчысьяс вӧсна.

Матвей 4:24

Сы йылысь юӧрыс разаліс Сирия му пасьтала. Исус дінӧ вайӧдлісны быдсикас висьысьӧс-вермытӧмӧс, пеж лолӧн кутӧмаясӧс, шыблалан висьӧмӧн висьысьясӧс, ки-коксӧ вӧрзьӧдны вермытӧмъясӧс. Сійӧ быдӧнӧс бурдӧдіс.

Марк 5:15

Найӧ локтісны Исус дінӧ да аддзисны коркӧя пеж лолӧн кутӧм мортӧс, код пытшкысь петіс дзонь легион. Сійӧ вӧлі ас вежӧрас, пукаліс сэні паськӧма. Йӧзыс ёна повзисны.

Лука 10:39

Марпалӧн вӧлі Марья нима чой. Сійӧ пуксис Господь Исуслӧн кок дорӧ да кутіс кывзыны Сылысь висьталӧмсӧ.

Лука 15:17

Ас садяс воӧм бӧрын сійӧ шуас: ”Батьӧйлӧн меда йӧзыс пӧттӧдзныс сёйӧны, а ме тані тшыглы кула.

Лука 2:46

Куим лун мысти найӧ аддзисны Исусӧс крамысь. Сійӧ пукаліс велӧдысьяс пӧвстын, кывзіс-юасис найӧс.

Лука 8:27

да чеччисны пыжсьыс. Исуслы паныдасис карсьыс пеж ловъясӧн кутӧм морт. Сійӧ пыр ветліс пасьтӧг, керкаын пыдди оліс шойгу кыртаын.

Лука 8:34

Порсь видзысьяс пышйисны сэтысь, котӧрӧн мунісны карӧ да орчча сиктъясӧ висьтавны аддзывлӧмтор йывсьыс.

Ап. уджъяс 22:3

«Ме ачым иудей, чужи Киликияын Тарс карын, но быдми тані. Гамалиэл дорын менӧ велӧдісны батьяслӧн Индӧдӧ да тіян моз ме чорыда сулалі Ен дор.

1 Иоан 3:8

А мыжсӧ вӧчысь – омӧльсянь, ӧд омӧльыс водзысянь мыжсӧ вӧчӧ. Та вӧсна Ен Пи и локтіс, мед жугӧдны омӧльыслысь уджъяссӧ.