Лука 7:6 - Коми Библия 2023

⁶ Исус муніс накӧд. Керка дорас вотӧдз на Сылы паныдасисны сё тышкамортӧн веськӧдлысьлӧн ёртъясыс. Сійӧ вӧлі мӧдӧдӧма найӧс висьтавны: «Господьӧй, эн мудзты Асьтӧ. Ме ог сулав сы доныс, медым Тэ пырин менам керка вевт улӧ.

Лука 7:6 Kruisverwysings

Олӧм 32:10

Тэнад буралӧмыд ыджыд, Тэ уна бурсӧ вӧчин меным, Аслад кесйӧглы. Ме ог сулав та доныс! Йӧрдан ю вуджигӧн менам вӧлі сӧмын бедь, а ӧні, бӧрсӧ локтігӧн, меным ковмис ыджыд овмӧсӧс кык пельӧ юкны.

Шусьӧгъяс 29:23

Мортлӧн асьсӧ вылӧ пуктӧмыс янӧдӧ сійӧс, рам сьӧлӧма пыдди пуктӧма лоас.

Матвей 20:28

Ӧд Морт Пи эз лок, медым Сылы кесъялісны. Сійӧ локтіс кесъявны да сетны Ассьыс олӧмсӧ уна вӧсна вештысьӧм могысь».

Матвей 3:11

Ме пырта тіянӧс ваӧн. Тайӧ петкӧдлас мыжъяссьыныд бергӧдчӧмнытӧ. Ме бӧрын Локтысьыс ме дорысь вынаджык, ме ог шогмы пӧрччӧдны Сылысь кӧмсӧ. Сійӧ пыртас тіянӧс Вежа Лолӧн да биӧн.

Марк 5:24

Исус муніс юралыськӧд. Уна йӧз вӧтчис Исус бӧрся да дзескӧдіс Сійӧс.

Лука 5:8

Тайӧс аддзӧм бӧрын Симон-Петыр уськӧдчис Исус водзӧ да шуис: «Господьӧй, мун ме дінысь! Ме мыжа морт».

Лука 7:4

Найӧ локтісны Исус дінӧ да сьӧлӧмсяньныс корисны Сійӧс: «Тайӧ бур мортыслы колӧ отсавны.

Лука 7:5

Сійӧ радейтӧ войтырнымӧс. Буретш сійӧ лэптіс миянлы синагога».

Лука 7:7

Ачымӧс эг лыддьы шогманаӧн локны Тэ дінӧ. Сӧмын кыв шу, и кесйӧгӧй бурдас.

Лука 8:49

Исуслӧн сёрнитігӧн синагогаса юралысьлӧн гортсяньыс локтіс морт да шуис: «Нылыд куліс, эн мудзтӧд Велӧдысьсӧ».

Ап. уджъяс 10:38

Ен мавтыштіс Назаретса Исусӧс Вежа Лолӧн да вынӧн. Исус быдлаті ветлӧдліс, уна бур вӧчис йӧзыслы, бурдӧдаліс да мездіс йӧзсӧ омӧльыслӧн киысь. Енмыс вӧлі Сыкӧд.

Яков 4:10

Раммӧдчӧй Господь водзын, и Сійӧ кыпӧдас тіянӧс.

Яков 4:6

Но Енлӧн буралӧмыс миян дінӧ ёна ыджыдджык. Гижӧдыс висьталӧ: – Вылӧ кыпӧдчысьяслы Енмыс паныд сувтӧ, а рамъяс дінӧ Сійӧ буралӧ.