Лука 6:48 - Коми Библия 2023

⁴⁸ Сійӧ керка лэптысь кодь, коді джуджыда кодйысяс да пуктас керка подувсӧ из вылӧ. Ытва дырйи ойдӧм ваыс оз вермы вӧрзьӧдны тайӧ керкасӧ, сійӧс ӧд из вылӧ лэптӧма.

Лука 6:48 Kruisverwysings

Ӧксыяслӧн 2 небӧг 22:2

– Господьӧй, Тэ – менам зумыд изйыс, менам выныс да менӧ Мездысьыс.

Ӧксыяслӧн 2 небӧг 22:32

Господьысь кындзи мӧд Енмыс абу, миян Енмысь кындзи мӧд Дорйысьыс абу.

Ӧксыяслӧн 2 небӧг 22:47

Господь ловъя! Ме ошка Тэнӧ, Дорйысьӧй! Мед лоӧ нимӧдӧма Тэнӧ, Енмӧй! Тэ – менам мездмӧмлӧн зумыд подулыс.

Ӧксыяслӧн 2 небӧг 22:5

Менӧ вевттисны кулӧм вайысь гыяс, лёкыс повзьӧдліс менӧ бузгысь ва моз.

Ӧксыяслӧн 2 небӧг 23:3

Израильлӧн Ен сёрнитіс мекӧд, Израильӧс Дорйысь шуис: «Веськыда ыджыдалысь, Енмысь полӧмӧн юралысь

Псалтыр 32:6

Господьлӧн кывйӧн вӧчӧма енэжъяссӧ, Сылӧн ловшыӧн артмис став енэжвывсаыс.

Псалтыр 62:2

Енмӧй, Тэ менам Енмӧй. Водз асывсяньыс ме корся Тэнӧ, менам лолӧй гажтӧмтчӧ Тэысь, менам вир-яйӧй виччысьӧ Тэнӧ, нярмӧ куш да ватӧм овтӧминын.

Псалтыр 95:1

Сьылӧй Господьлы выль сьыланкыв, му вылын олысьяс, сьылӧй Господьлы!

Шусьӧгъяс 10:25

Тӧвныр мунас – и лёк вӧчысь бырӧ, а веськыда олысь бырлытӧм подув вылын сулалӧ.

Исай 26:4

Лачанытӧ пыр кутӧй Господь вылӧ, ӧд Господь Ен – нэмъяс чӧж сулалысь изкырта.

Исай 28:16

Та вӧсна Господь Ыджыдыс тадзи висьталӧ: – Сионӧ Ме пукта подув из. Сійӧ – пельӧс из, кодӧс Ме бӧрйи. Сійӧ – дона из, сулалӧ зумыда. Сылы эскысь оз янав.

Исай 59:19

Рытыввылын пондасны повны Господьлӧн нимысь, асыввылын – Сылӧн дзирдлунысь. Вӧрӧг кӧ ыльӧбтас ю моз, Господьлӧн ловшыыс вӧтлас сійӧс.

Наум 1:8

Ыджыд ытваӧн Сійӧ подулӧдзыс жугӧдас Ниневия кар, Ассьыс вӧрӧгсӧ Сійӧ вӧтлас пемыдінӧ.

Лука 6:47

Висьтала тіянлы, кутшӧм сійӧ мортыс, коді локтӧ Ме дінӧ, кылӧ Менсьым кывъясӧс да олӧ на серти.

Лука 6:49

А коді кылӧ Менсьым кывъясӧс да оз ов на серти, сійӧ подувтӧм керка лэптысь кодь. Ытва дырйи сылӧн керкаыс дзик пыр ставнас киссяс».

Иоан 16:33

Тайӧс висьталі тіянлы, медым тіян вӧлі лӧньлун Ме пытшкын. Муюгыдас сьӧкыд лоӧ тіянлы, но энӧ полӧй, ӧд Ме верми муюгыдсӧ».

Ап. уджъяс 14:22

Сэні найӧ ёнмӧдісны сэтчӧс велӧдчысьясӧс да тшӧктісны налы зумыда кутчысьны эскӧмас. Казьтыштісны, мый уна сьӧкыд пыр ковмас мунны, мед пырны Енлӧн Юраланінӧ.

Ефесӧ 2:20

Тіянӧс сувтӧдӧма сійӧ подув вылас, мый пуктісны апостолъяс да пророкъяс. Тайӧ тэчасас пельӧс изйыс – Ачыс Исус Кристос.

Индӧд 32:15

[Яков сёйис,] Ешурун тшӧгис да лои асныра, тшӧгис, кызіс да госсяліс. Сійӧ эновтіс Енсӧ, ассьыс Вӧчысьсӧ, мустӧмтіс ассьыс вына Мездысьсӧ.

Индӧд 32:18

Найӧ вунӧдісны Дорйысьӧс, коді чужтіс найӧс, вунӧдісны Енмӧс, коді вӧчис найӧс.

Индӧд 32:31

Вӧрӧглӧн дорйысьыс абу миян Дорйысь кодь, тайӧс гӧгӧрвоӧ весиг вӧрӧгным.

2 Тимофейлы 2:19

Но Енмӧн пуктӧм подулыс вӧрзьывтӧм. Сэтчӧ пасйӧма: «Господь тӧдӧ Ассьыс йӧзсӧ», нӧшта пасйӧма: «Господьлысь нимсӧ висьталысь мед эновтчас лёксьыс».

2 Петыр 1:10

Вокъяс, тіянӧс корӧма-бӧрйӧма, сідзкӧ, тӧждысьӧй, мед тайӧ лунысь-лун зумыдмас тіян пытшкын. Тадзи вӧчиганыд некор онӧ крукасьӧй.

1 Иоан 2:28

Челядь, лоӧй Сы пытшкынӧсь, медым Сылӧн локтігӧн ми вӧлім повтӧмӧсь, мед эз вӧв яндзим миянлы сувтны Сы водзӧ.

Иуда 1:24

Енмыс вына видзны тіянӧс усьӧмысь да вайӧдны тіянӧс Аслас дзирдлунӧ нимкодясьысь да сӧстӧм войтырӧн.

Ӧксыяслӧн 1 небӧг 2:2

Сӧмын Господь вежа, Сыысь кындзи мӧдыс абу. Миян Ен кодь дорйысьыс абу.